أحيانا ً قد يخرج ُ البعض ُ عن النص , فيلزمنا تأديبهم .....!!
بالنيابة عن الشاعر حمد السعيد , وتركي المريخي وجميع أعضاء اللجنه
وعن كل ِ شعرائنا الذين نعتبرهم تاج على روؤسنا ..
اليكم القصيده : ـ
القبايل كل ابوها شامة ٍ فوق الجــبين **** من تنقصها نقص قدره أمام العالمين
هيه يالي ما نساك العيب من ذيك السنين *** لا تشب النار ثم تحرق يدينك يالسفيه
والله أنا ما رضينا بالخطا يابن الحلال *** مانبي جرح المشاعر مانبي عقد الحبال
نص هرجك زيف واضح نصه الثاني خبال ** ومن تضرى للأهانه لو تهينه ما عليه
لو رقيت لمستوانا مانزلنا لمستواك *** اسأل التاريخ عنّا شوف ويش الي خفاك
ماهو عيب أنك تعلّم لا تمادى في خطاك ** لا تعذر أعتذارك بعد هذي ما نبيـــــــــه
كلنا عيال الجزيره ما يفرقنا نسب *** والتعامل بيننا مبني على حسن الأدب
الخطوره فالتحزب وافهموني ياعرب *** التعنصر والتحزب للقبايل مانبيــه
الفخر في من تفاخر بالفعل دون الكلام *** والفتى من قال هذا أنا مابين الأنام
الفعايل شاهده والكذب ياربعي حرام *** ودي اذكّر به الي كل ماضينا نسيــــــه
لا تقربنا ترى من طاح فينا ماسلم *** أحفظ لسانك وخلك بين ربعك مــــــحترم
مادرى ذيب الغداري عن هيملانك ياغنم *** قلتها رد ٍ على الي سب بيضان الوجيه
صح لسانك مليوون .. ولاهنت على هالقصيده ........!!
وبالنسبه لأعضاء لجنة شاعر المليون .. أعتقد إنهم بشر حالهم من حالنا .. ومعرضين للخطأ في حكمهم على بعض الشعراء .. بعض نقدهم يكون في محله .. ويتقبله الشاعر وبعضه في غير محله .. وهذا اللي يثير اللي يتابعون البرنامج .. بالنهايه .. كلنا إخوان والله يعطيك ألف عافيه .!
جريح القوافي
صح لسانك مليون ولا يوفون
وبيض الله وجهك
انا شهادتي فيك مجروحة شاعر وتترجم ما غفلنا عنه بفكرك الجميل
وفعلاً لايوجد قبيلة او شخص احسن من الأخر الا بميزان رب الجلاله