بسم الله الرحمن الرحيم..
أولا تعليق على المشاركه يا أخوان إن قسم همس القوافي اولى من القسم العام فيها.
بما انها تتكلم عن قضية شعر..
كلنا شاف الحلقه اللي عدت من شاعر المليون وما تم فيها من ظلم كبير ( عيني عينك)
للشاعر الكبير / يوسف بن رزاق العصيمي..
هالحين وش داعيه الحقد كله عليه ‘ هل يعني علشانه تجاوز الأبيات فبيتين بس ..
سقى ليلة البارح وشاعرهم الإماراتي اللي بدال ما يقول ابيات قصيره قلبها قصيده
لا وبعد بمواويل ...!! ولا احد قال له شي ولا واعطوه نسبه كبيره...
اشوفها سقطه كبيره لشاعر المليون وعدم انصاف يعني اغلب الشعراء
نسبتهم بين 42% إلى 48% ليه يعني يوسف 20% لنفرض انه تجاوز
ينقصون الميزان شوي على الاقل من الثلاثين وطالع ولكن عشرين؟؟؟
ولو عن الأبيات اللي قالها ما يندرى فيها يمكن رمز فيها لشعبه في العراق؟
وهو يتكلم عن الثوره وما الثوره؟
لعيون ابن عاصم تعزويت عمري
وشديت عزم ٍ قايد ٍ له مرامــــــه
إن شط سعر الغير بالخير سعري
ما كنت في رحم الملاقى هلامــه
ما هدة الشاهين هدات وكــــــري
ولا كل حر ٍ مطمعه للحمــــــــامه
ما عشت لأبخص للرفيعات قدري
ما دمت في وجه الثقيلات شامـه
لو حولي مطيري وشمر ومـــري
شفني وسط درب المطاليق قامه
لو أعتلت سود الثعابين / حدري/
آطا غواربهم بهامه وهـــــــــامه
لا تنبسط سيد الوراعين بـــــدري
ربعي لهم وسط (السلامه) سلامه
والعذر والسموحه يالربع لكن والله اني شفت ظلم وحبيت اكتبه لكم اللي يحب يشارك
ويقول كلمه اهلا هلا ..
هو أن يترشح ( يوسف العصيمي ) أمام شاعرين كبيرين ( ابن سرور المطيري , وأبن ساقان القحطاني )
وسبب ذلك رسائل sms
مع أنهما قدما قصائد تفوقت على قصيدة ( يوسف العصيمي )
في حقيقة الأمر صدمت بهذه النتيجه ..
ووما يعاب على يوسف العصيمي ( أتكاءه على العصبيه القبليه في قصائده ) أكثر من أعتماده على جودة شعره ..
مع أن ّ هناك شعراء لم يستخدموا هذه الورقه ( الخاسره ) , مع أنهم ينتمون لقبائل كثيرة العدد
وعظيمة الشأن ..
أخي ( هجير الشتاء )
هذي مرئياتي حول الموضوع ..
قد تكون صائبه
وقد تخطئ ..
واختلاف الرأي لا يفسد للود قضيه
والعوض في تركي المطيري ( 2000)
فهو المرشح البارز الأن ..
نتمنى له التوفيق
ولجميع المشاركين ..
هلابك اخوي الغالي تقول كان ابن ساقان وابن سرور اوافقك على ابن سرور يستاهل
بس وين ربعه ما صوتو له اشوفه امانة افضل من تركي 2000
بعدين ليش ما تقولي عن فيصل السواط الروقي ما ظلم بعد ..كان من الأجدر باللجنه انه ترشحه
وبدال ما يرشحونه رشحو امارااتي ما عنده سالفه ( الهاملي ) مع انهم احرجوه واحرجو انفسهم بالدوري الثاني انتقدوه بشكل لاذع وكل ضحك من المشاهدين اللي حضرو
حتى الدكتور وهو ما ادري عنه عقبه كم مره ... ليش هنا ما فيه ظلم واضح لإبن سواط؟
بعدين يخوي انا تكلمت عند الحلقه الاخيره بس وسؤالي واضح هل كان يستحق النسبه اللي خذاها وإلا لا....الجواب اكيد لا .. ( وصدقني ما قال اللي قاله في قصيدته إلا من علم وسالفه صارت بالمسابقه بس ما قلت انا بأبيات هنا بالود
كل غالي وله مقام وكل مقام وله مقالي
والعرب قالوه شي ٍ ما تعرفه تجهلـــــــه
وبالنسبه للعزواي اتوقع ما ذكرها بقصيدته قالها بلحالها وجاوب السعيد ورد عليه برد وافي
وقال انا ما اعتزي بربعي ولكن لا صارت الدعوه عزاوي فلي ربع اعتزي فيهم ولا صارت الدعوه شعر فلي إن شاء الله نصيب / ولا قال إلا الصدق يعني مسكت إلا عليه بالحاله.؟
وينهم من الحبابي يوم سرد كل فخوذ قبيلته والإمارات كلها علشان يصوتون له ومع ذالك يا غالي اعطوه النسبه الاولى ... ومن ناحية اللي يقول علشان ربط الابيات وقال اكثر من ثلاث ابيات لو كانو صادقين ما كان رد العميمي وقال علشان الوقت وتعذر بالوقت والدكتور جاء
برد ثاني وقال هناك مسوغات اخرى.
اخوي اللجنه من حلقه لثانيه وهم بمشاكل ... ومن ناحية تركي الفين يستاهل. والشمري بعد يستاهل والعازمي اكثر بعد والله يوفقك الجميع ومشكور على ردك .. يالغالي..
وهذا بيت شعر في اللجنه
بانت موراي اللجنه الكذابه وكلن يحده للتحيز طبعه
خلو مقياس القصيده نهابه احدن يحد النار صوب اقرابه
بيض الله وجهك وانا اشهد ان شات الود لك بالحالك
....
لو فيه مثلك عشرة قروم يا صاح
ما ضاعت الخوه ولا يوم ضاعت
ندور الغالي ونزهمـــــــــه لا راح
والنفس عافت للردي يوم باعـــت
تسلم يا غالي ليت بأيامي افــراح
لأهديك قلب ٍ يوم الأسرار شاعت