سقى الله يوم أنا طفله وأنام ولا أحد قدي
ولا أحاتي هموم اليوم ولا أحاتي أمل بكره
تداعب أمي شعري وتمسح يدها خدي
ونومي هادي و ساكن رعانا الرب في ستره
تداعب يدي الدميه وعندي هالزمن وردي
همومي لعبتي ضاعت وعندي هم وش كبره
وكبرت وزادت همومي وأحس إن الزمن ضدي
كبرت ونظرة الطفله تعيش بداخلي فطره
كبرت وعشت هالدنيا ولا هو بودي
كبرت بشكلي ورسمي وعقلي باقي بصغره
وصار الهم يلعب بي كما الدميات في يدي
وأسمر ليلي بطوله ويعلن رحلته فجره
زمان كشر أنيابه وصبري بيح بسده
حياة بحرها هادر وكل غارق بشبره
بشر تاكل بعض تاكل وتحرق عينها جلدي
بشر تسرق صفا خاطر وكحل العين بالأبره
ياليت وليت أنا طفله وأنام ولا أحد قدي
ولا أحاتي هموم اليوم ولا أحاتي أمل بكره
العرض المتطور
