موضة هالأيام ..

[قاهرهم]

موضة هالأيام ..

السلام عليكم

شوووفووووا هذه ذكريات تمر على الخاطر بلمحه سريعه ومع ذالك يصفن الواحد امام هالذكريات التي تعتبر من اهم عادتنا العريقه و المنسيه فيتمنى ان تعود هالعادات من جديد

* كنا نقول لاتقابلنا السلام عليكم والحين هاااااي و سلملم و هالووو

* كنا نقول فمان الله والله يحفظك والحين نقول تشااااو وتيك كير

* كنا نقول هلا حياك الله اقلط والحين نقول اتصل علي قبل لا تجي

* كنا نقول تفضلوا للعشاء انتم والأهل و الي يعز عليكم والحين نقول ممنووووووووع اصطحاب الأطفال

* كنا نتفاخر عندنا جد وجدة في البيت و الحين صار فيه دار للعجزه والمسنين

* كنا نشوف الاخوان يتجمعون عند الاب والام بحريمهم وعيالهم وتوزع عليهم الجده (احويجه)
والحين اذا احد مر ابوه والا امه مره في الاسبوع ومستعجل بعد

* كنا نفرح اذا تعشينا من برا البيت (شي خارجي ) والحين نفرح اذا تعشينا من البيت

* كنا نتريق ونتغدى ونتعشى جميع والحين زين اذا اجتمعوا اثنين على السفرة ..لا ومقابلين التلفزيون

* كنا ناكل هريس ومفلق وعيش والحين همبرغر ومكرونه بالباشميل

* كان طموحنا ندرس في الجامعه الاميركيه(الي يروح امريكا يفتخر) والحين طموحنا ندرس بجامعه عربيه و بس
لو تحصل التقنيه او الشريعه او فيصل مو لازم (جامعة البترول)

* كان طموحنا نصير (مدير او طياراو طبيب او مهندس) والحين طموحنا وظيفة توكل خبز(والله عاد الي تكون)

* كنا نفرح اذا نزل البردي والمطر (في الحوي) الي يحط جدر والي يحط بريج الشاي و نشرب منه ونستعذ ب والحين ننحاش لايوصخ اهدومنا

* كنا نفرح اذا قالوا لنا قربت الاجازه والحين نص عيالنا وبناتنا بإجازه على طول(عاطلين لادراسة ولا عمل )

* كنا اذا شفنا الخاله والعمه والخال والعم نفز نحب راسهم والحين نقولهم (هاي من بعيد)

* كانت البيوت صغيرررررررررررره وتشوف العزايم قايمه على ودنه(هذي بالمصري)
والحين ما شاء الله وبارك البيوت اشكبرها ولا حد يدخلها

* كنا اذا فقدنا الواحد يوم واحد بس الكل يسأل عنه (عسى ما شر)
والحين تمر أشهر ما احد يسأل عن احد

* كنا نستغل أي فرصه علشان نتزاور والحين نصد عن الواجب
والكل يقول ((((مششششششغول))))

* كنا اذا احد بيروح الحج والا الاماكن المقدسه يلتفون حوله القريب والبعيد ويسألونه براءة الذمه والدعاء والزياره واذا رجع يتباركون بالتسليم عليه لانه زاير والحين كثر الله خيره الي يتصل بالتلفون
والهديا(الصوغه) الي من السفر والبركه هونا عنها هالايام
ما دري بخل والا مافيه وقت

* كنا اذا الواحد بيعرس الكل يفزع له ويساعده والحين القريب يقول ما جاتني بطاقه(ماني رايح)

* كنا اذا جاء الشهر الكريم (الله يبلغكم ) كل واحد يبي ينتهز الفرصه قبل الثاني يبارك الشهر (والحين اذا شافه في العيد زين)

* كنا في شهر رمضان الكل يدور له واحد
او اكثر يفطره معه والحين الكل صاك عليه بيته

* كنا في المنا سبات الدينيه
نلبس جديد حنا وعيالنا (والحين اذا لبس الواحد في عيد الفطر زين)

* الله اذا في ضعيف فينا اول الكل يبادر ويقدم العون
والحين الكل يقول يالله داف روحي(مع انه مرهي على روحه)

* الله الله على اول وايام اول الكل يثق في الثاني والحين حتى لو عبر عن مشاعره يقولون عنه منافق

*********والمعـــــــــــــذره منكم جميعاً***********

شكراً

[أميــرة السراب]

السلام عليكم ورحمة الله وبركاتة ..

هلااااااااا بك .. يا أخـــوي .. قاهرهم ..

مشكـــــور ويعطيك العـــافية ..

والله أسعدتني هذة المشـــاركة .. وخلتني أتحســـر على الماضي ..

كانت أيام .. رااااااااااائعـــــة ليتهااااا تعود ..

صدقت يا أخــــي ..

الحين في هذا الزمن محد يسأل عن الثاني ..

وبصرااحة .. مالي كلام أقولة من بعد الكلام اللي قلتة ..

غيــــــــــر ..

[MARQ=LEFT]تمنياتي لك بالتوفيق .. ولااا تحرمنا من مشــاركاتك ..

وإلى الأمــــــام دائماً .. [/MARQ]