البارحه مابين همي وأبنساه = متملل من الوقت وفراق الاحباب
أخذت أغير درب قلبي وممشاه = أسايره وأفتح له أبواب وأبواب
وأضحك معه وأجامله وأتبلاه = وأطلعه من جملته مالقى أعراب
أبيه ينسى من الزمن كل ماجاه = أطلعه مع باب ويدخل مع الباب
نفس المكان اللي طلع معه وداه = يدخل معه من دون شكوى ولا عتاب
ليته قنع والحب ماعاد يبغاه= ومن جرحه الاول أحسه بعد طاب
وأطريه مره ثانيه وأرجع ألقاه = مثله مثل ماهو جريح ومنصاب
وأبكي عشانه وأسأل القلب مكفاه = وأقول في نفسي عشان الغضي غاب
الله يعين القلب ياكبر بلواه = منين يلقاها من أحباب وأصحاب
ماله عوين ن فالزمان يوم دنياه = قامت تكشر له عقب ضحكها أنياب
من يوم صد اللي على الناس مبداه = وجهه قمر كن أوسطه لمحة شهاب
شفت البرد يوم ضحكت مع شفاياه = جمر وبرد وشلون هالثلج ماذاب
والله لولا الله ثم عاد لولاه = أني مع الموتى ومن فوقي تراب
مير الامل يحيى بي اليوم وأحياه = عندي أمل بنصير أقرب من أقراب
حلم ن حلمته وهو ماتمناه = فاتن خضيب ملاعب الريح جذاب
قضى على قلبي برمحه وشلفاه = وأقفى وهجره مالقينا له أسباب
صح لسااااااانك مليووووووون
صراحه قصيده روعه
بدون مجامله ولا أرووع
كل احترامي
بنت رووق
العرض المتطور
