العقل نعمة واسألوا ساكن شهار

[اخو هدلا]

العقل نعمة واسألوا ساكن شهار = وحنا بنعمة غيرنا مالقاها
اليا جتك غلطة من رجل لية تحتار = اشكه على المسؤول وانسى عناها
تاخذ لك الشرطة على خصمك اقرار = ويودعونه بالسجن لو ثناها
هذا الحكي ماهي سواليف هذار = ناسٍ تهايط من خلاها بخلاها
بالسوق قاضينن على كل الاثمار = كلٍ تبع نفسه على مشتهاها
مليان جيبة مانقل هم الاسعار = مافية وجبة تعجبه ماشراها
ويوم امتلا بطنة لحم صابة سطار = بالحكي لو قابل كتيبة هماها
وبالغيبة لسانه تقل حد منشار = الناس بالغرات يشذب قفاها
وهو بالبلد لو تنطفي عنه الانوار = ارتاع واحدث بالثياب وملاها
اكبر هزيمة للرجل ضعف الافكار = ونفسة اليامنه مشى في هواها
ولازم يضيع اليا سمع راي الاشرار = سود الضماير مظهرينٍ صفاها
واليا تفشل مايفيدن الاعذار = مادام عينه من بنانه عماها
ماهو غريب الدم بثياب جزار = ويامحاظي الطاسة تحمل صداها
نسعى بهالدنيا على كفوف الاقدار = وكثير مات وحاجته ماقضاها
تال العمر خامة وحفرة وقبار = صفحه وغيبها الزمان وطواها
الموت ندري هو نهايات الاعمار = مار الأمل طم القلوب وغشاها
نقرا ونجوب الارض ونشوف الاثار = ونفوسنا حتى الوجل ما اعتراها
حوادث الدنيا لنا دروس وانذار = والقلوب ضعف ايماننا هو بلاها
أيامنا صار(ن) سريعات وقصار = ولا عاد يعرف سرعها من بطاها
ولا نشعر الا عند ساعات الاصفار = وقت احتضار الروح والموت جاها
ياويلنا بالبعث من كشف الاستار = يوم ا نذهال المرضعة عن ضناها
ويوم افتضاح اللي نكنه بالازوار = اعمالنا اللي بالصحايف نراها
ولا فية غير اثنين ماعنهن اخيار = جنة نعيم ونار يحرق سناها
لو نقتدي بالدين فالرب غفار = وسنة نبيه نعمل بمقتضاها
آمالنا بربٍ على الخلق ستار = ينجينا من نار يتوقد لظاها
واللهم صلي عدد نبت الاشجار = على نبيٍ كل الامة دعاها
كانت قبل يبعث على شرك واوزار = ونهض بها عن كل رجس ونهاها
وتمت قصيده كنها قطف نوار = من شان تعجب من سمعها وقراها

[معدي المراقيب]

صح لسانك وعلا شانك
قصيده معبره ورائعه سلمت وسلم بوحك
وعلى فكره الابيات اللي بالتوقيع جدآ روعه تقبل تحيه وتقدير

[عازف الحروف]

اقتباس المشاركة الأصلية كتبت بواسطة حبيس المشاعر صح لسانك وعلا شانك قصيده معبره ورائعه سلمت وسلم بوحك وعلى فكره الابيات اللي بالتوقيع جدآ روعه تقبل تحيه وتقدير

[[] خفـوٍق الـرِوِح []]

الله .. وربي مبـدع .. وتفننــت بإبـدآعـك .. أخـو .. ,.,’.. شـآمخـه إستمتعـت بمعـآنقتـي لـهآ .. نـزف رآئـع حـتىآ الإبهـآر .. ومغـزىآ سـآمي .. صـح لسـآنك مليـون ولآآ يكفـون .. عـزف يستحـق التثبيـت ليعـبر عـن جمـآل نظمـك .. بشـوق لأخـرىآ كتـلك ..,.,’..

[%فزولها%]

	هذا الحكي ماهي سواليـف هـذارناسٍ تهايـط مـن خلاهـا بخلاهـا بالسوق قاضينن على كـل الاثمـاركـلٍ تبـع نفسـه علـى مشتهاهـا مليان جيبـة مانقـل هـم الاسعـارمافيـة وجبـة تعجبـه ماشـراهـا ويوم امتلا بطنة لحم صابة سطـاربالحكـي لـو قابـل كتيبـة هماهـا وبالغيبة لسانـه تقـل حـد منشـارالنـاس بالغـرات يشـذب قفـاهـا وهو بالبلد لو تنطفي عنـه الانـوارارتـاع واحـدث بالثيـاب وملاهـا صح لسانك ولاهنت قصيده رائعه يسلمك ربي عليهاااااااا........ دمت بود........فزووو

[عزتي راس مالي]

اخو هدلا ...

كل الشكر لك على امتاعنا بهذه النادره ...

ابداع لاحدود لها ...

صح لسانك يالقرم ... ولاهنت ...

لاعدمناك

[نايف المايق]

المبدع القادم الينا بقووه اخو هدلا

وش تبينا نقول عقب هالشامخه وش تبينا نوصف ,..؟

مااقول الا جعل يمنااك ماتنعطب يالمبدع

اشهد بالله حرف شامخ من شامخ حروف جزال يالجزل

لله درك يالوافي لله درك يالقرم

صح لساانك مليون في مليون ولين ترضى ولاوفت بهالباسقه

سجل اعجاابي عدد حروف هالمعلقه ومتابعي الدائمه

لاتغيب علينا طويلا فلا نستغني عن هذه الفئه

ولاخلا ولاعدم

اخوك

نايف الشمري

[مزعلة النساء]

بالسوق قاضينن على كـل الاثمـار * كـلٍ تبـع نفسـه علـى مشتهاهـا
مليان جيبـة مانقـل هـم الاسعـار * مافيـة وجبـة تعجبـه ماشـراهـا
ويوم امتلا بطنة لحم صابة سطـار * بالحكـي لـو قابـل كتيبـة هماهـا
وبالغيبة لسانـه تقـل حـد منشـار * النـاس بالغـرات يشـذب قفـاهـا
وهو بالبلد لو تنطفي عنـه الانـوار * ارتـاع واحـدث بالثيـاب وملاهـا
اكبر هزيمة للرجل ضعف الافكـار * ونفسة اليامنه مشـى فـي هواهـا


لله درك * * أخو هدلا * * على هالكلمات الرائعه * *

صحيت مليون ولايكفون ولايوفون على هالكلمات

فعلا تستآهل التثبيت * *

تقبل مروري المتواضع وتحيآتي لك * *

[الطلحي2000]

صح لسانك اخوي اخو هدلا
لكن شهار يجون يمها الناس المجانين عشان يصحصحون يعني شهار دوا للمجانين ماهو اهل شهار اللي مجانين

تحياتي لك

اللي براسه جن لوصار ماصار ........ بشهار يرجع عقله اللي رماها

[اخو هدلا]

اقتباس المشاركة الأصلية كتبت بواسطة حبيس المشاعر صح لسانك وعلا شانك قصيده معبره ورائعه سلمت وسلم بوحك وعلى فكره الابيات اللي بالتوقيع جدآ روعه تقبل تحيه وتقدير

حياك الله حبيس المشاعر وشكرا على مرورك