الفرق بين الزواج في السنه الأولى والسنه العاشره الساعه 6:30 صباحا : تودع زوجها وهو طالع للعمل وتقول له ( بتوحشني يا حبيبي ) الساعه 11 صباحا : تتصل عليه في العمل وتقول له ( حبيت اسمع صوتك بس يا عمري ) الساعه 3 العصر : تستقبله وهو متشيكه وتبوسه وهو داخل للبيت وتقول له ( الغدا جاهز يا حياتي ..تحب احطه لك الحين ؟ ) الساعه 5 العصر : تصحيه من النوم وتقول له ( اعمل لك شاي يا حبي ؟ ) الساعه 6 المغرب : تسبل عيونها وتقول بكل خجل ( يا ريت يا حبيبي .. يعني لو ما عليك كلافه .. يعني اذا تقدر توديني شوي لبيت اهلي اذا كنت تقدر يا عمري ) وقبل ما ينطق بكلمه ( اذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا الساعه 8 بالليل : تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب ( اسف والله يا شباب راسي مصدع ولازم امشي ) الساعه 10 بالليل : تجلس في وتقول ( الله يا حبي تتذكر ؟ تتذكر ايام الخطوبه لما كنت تعمل المستحيل عشان تشوفني ..وانا يا ما كذبت على ابوي وقلت له اني طالعه مع امي وانا اصلا متفقه مع امي عشان اطلع معك ) الساعه 11 بالليل : الوصول الى هذه الصفحه غير مسموح ……….الخ بعد مرور عشر سنوات الساعه 6:30 صباحا : هي في سابع نومه الساعه 11 صباحا : هي برضه في سابع نومه الساعه 3 العصر : تستقبله وهي نافخه خشتها وتقول ( شف لي حل مع ولدك علي هذا ..حتى الان ما حل الولجب .. وسوير الله ياخذ عمرها انشاء الله شاقه مريولها في المدرسه …عطني فلوس لازم اروح اشتري لها واحد غيره … وصويلح يبي علبة هندسه تو انه يقول لي يوم ان الاختبار صار بكره … وترى موضي تكنفست مع الدرج وهي كانت في المشايه … والظاهر انها تعورت …كله من هالشغاله الله يا خذها ….اسمع يا انا يا هالشغاله في هالبيت ….ابيك اليوم تسفرها ما ابي اشوفها وابيك بسرعه تقدم على وحده ثانيه ….وما ابيها تصير حلوه …..يا ويلك لو صارت حلوه …..وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله ) و …و …..و الساعة 5 العصر : هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الامراض الخطيره الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعيه …والايدز ..الخ ) الساعه 6 المغرب : هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم ابوي ..وبعدين نبي نروح نشتري للبنت مريول ..وبعدين بنت عمي والده ولازم اروح اشتري لها هديه من باتشي و ابي امر على المشغل ..وبعدين حطنا عند اختي في الشفا من زمان ما شفناهم ………….. وفي هاللحظه فكر هو انه يشتغل ليموزين احسن له الساعه 8 بالليل : تتصل على الجوال ( وينك فيه ؟ وبعدين وين بتروح ؟ ومنهو الي معك هذا ؟ ووش بتسون ؟ ومتى بتجي ؟ لا ما فيه الساعه 11 تعال الساعه 10 ) الساعه 10 بالليل : جالسين هي وياه عند التلفزيون ..اخيرا هدوء ..والعيال نايمين ..والجو جميل ..وفجأه تطالعه وهي ماده بوزها وتقول ( الحين امك وش عندها اليوم ما ترد يوم اني سلمت ؟ هاه ؟ ) ( والله ما ادري كان سالتيها ) ( واختك وش هالحركات الي مالها سنع …ليش عازمه الجيران وكل حريم اخوانك الا انا ؟؟؟ لكن هين والله لاسوي عزيمه وما اناديها …اصلا هي ما زارتني في المستشفى يوم اني ولدت وانا فاهمه قصدها ..لكن هين ..والله لو تحب السما ما نيب زايرتها اذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين اختك نوره يوم انها تقول ان علي ولدي يشبهني ما يشبه ابوه وش قصدها هاه )ملاحظه : علي هو اشين اخوانه) ( انا فاهمه قصدها وتراها اذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( الي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين اخوك شاري لحرمته ساعه قيمتها عشرين الف ريال ) يرد ( طيب وش المشكله ؟ ) ( وانا ليش ما تشتري لي ..والا انا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعه ) تعصب وتقول ( ايه تسكتني بهالكلام ….والله لانت شاري ولا شي ) ( وش تبيني اقول يا بنت الحلال ؟ ) تقوم وهي تبكي ( خلاص ما ابي منك شي ) الساعه 11 بالليل : هي زعلانه ونايمه مع العيال وهو يلعن اليوم الي تزوج فيه منقووووووول *3
ههههههههههههههههههههههههه والله حلووووووووووووووووووووووه مثلك يا الدبه تسلم يدك ويعطيك الف عافيه آخرة العنقود
يعافيك ربي ومشكوره على تواصلك معي
هههههههههههاااااااي مشكوووووورة دبيبة عالموضوع ووالله انك صادقة ,,, بس ما تحسي ان 10 سنين كثيرة يعني هذا الكلام بعد شهرين يصير :D
ههههههههههههههههههههههههههههه والله انك صادق يا ميشوووو حتى شهرين كثيره *3
الله يكون بعون هالرجال واكرر هالدعاء الاف المرات حشى ما تسوى الواحد يتزوج ههههههههههههههههههههههههه هههههههههههههههههههههههههههه تحياتي فتاة الشرق
مشكوووووره اختي فتاه على الرد *3
دبوبه مواضيعج وماكو احلا منها الا انتى بس فيه ملاحظه :_ الا وهى ليش يامعوده مو حاطه لنا رقم البروكسى علشان نشوف الصفحه الى بعد الساعه 11 بالليل*7 تحياتى عسل يادبدووووبه *6 Davidoff
دبه وتسوي رجيم اقول انا ببطل زواج اذا هو زي كذا وجع رااااااس وهم وغم خخخخخخخخخخخخخخخخخخخخ بعد الثلاثين بتزوج خخخخخخخخخخخخخخخخخخ مشكوووره على الموضوووووووع تحياتي زود الغلا*3 *3
مشكوووووووورين على الرد *3 زود الذهب زين ما تسوي احسن تمتع بحياتك لاحق على الغثى *3
العرض العادي
