للعمر فرصه !!!!!!!!

العاشق والليل · 13-01-2003, 06:47 AM

خلني انسى على طعس النفود

خلنــــي انسى انـــا منهـــو انــا

خلني اشـــم ريحة دهن عــــود

ريحته تبعـد عن القلـــب العنــــا

السما غيم بها بــرق ورعــــــود

بارق يبرق هنــاك ومن هنــــــا

والمطر هتان في تالي البـــرود

الخزامى والنفل هو عطــرنـــــا

للعمر فرصة ويمكن ماتعـــــــود

لو يطول العمر والعود انحنــــــا

القصيدة قلتها لك يــالعنـــــود

علها وياك تجمــــع شمـــــلنا

خالد الشايع · 13-01-2003, 07:13 AM

صح لساااانك
قصيده رائعه

العاشق والليل · 13-01-2003, 07:15 AM

هلا حياك الله اخوي وشكرا على الرد ونتمنى لك التوفيق والى الامام باذن الله .

دبه تسوي رجيم · 13-01-2003, 07:33 AM

الله الله الله الله الله الله الله الله الله الله الله

عليك وعلى ابداعك والله ما اجاملك بقمه بقمه بقمه الروعه

والجمال كلام من شاعر يفيض فيه المشاعر والاحساس

الرائعه

العاشق والليل · 13-01-2003, 07:37 AM

هلا مليون اخت دبه وشكرا على اهتمامك اولا بمشاركاتنا وعلى حسن تواصلك معنا ودعمك المستمر لنا والطيب مشهود مثل مايقولون ونتمنى لك دوام التوفيق انشاء الله

عابرة سبيل · 13-01-2003, 07:39 AM

العاشق والليل ......

اعطاك الله موهبه تمناها الكثير وانا منهم بحق انت شاعر

صح لسانك .

اختك///////// عابرة سبيل

العاشق والليل · 13-01-2003, 07:43 AM

هلا اخت عابره . وشكرا لك على تواصلك معنا وعلى هالكلام الحلو الي ينبع من فم مشهود له بالطيب ومن اصابع موزونه على كتابت مثل تلك الكلامات الرائعه .

ولك ومني الف مليون شكر على زيارتك لنا .

اخوك/ العاشق والليل