اقتباس المشاركة الأصلية كتبت بواسطة عذوب يابـوي جعلـك للبقـا والمكاسـيـب= عمري بدونك يالذّراويش أبـي بـه= يابوي تسأل عـن شفـاك المراقيـب =طلعـة سواتـك للنّوايـف غريـبـه= ليه المرض مايعرف الزّين والعيـب ؟=مايـدري انـك للمخاليـق هيـبـه !!= أبسألك وش به غزا وجهـك الشيـب=والقلـب لايـع والنواظـر شحيـبـه= وش بك تحاتي لانوى الموت تغريـب=تخشـى علينـا بالليّـالـي الكئيـبـه= خذ دلّتك واركى على مسنـد الجيـب=وعطني شماغك بلثمـه وأحتمـي بـه= ونروّح لأرض ٍ بها العشب والطيـب=وتسمـع كـلام ٍ يالغـلا تحتفـي بـه= يابـوي بنتـك لاانحكـى بالتّجاريـب=كـل ٍ يشـق لهيبـه الصّيـت جيبـه= يابوي ماني مـن سـوات المخاريـب=اللّـي تجيـب لعليَـة القـوم خيـبـه= وماني من اللّي لامشت حفّهـا الرّيـب=أنـا مـن اللّـي مايـدنّـس حليـبـه= مرفوع شاني عـن غـرام المكاتيـب=وأكبر مـن انّنـي أرتضـي بالحبيبـه= أنـا غرامـي لاابتـدوا بالتّراحـيـب=نفوس الأوادم فـي وجـودي رحيبـه= وان كان زينـي فتنـة ٍ للمصاويـب=أحـط وجهـي بالحـريـق ولهيـبـه= زيني أبيعه وأشتـري سمعـه الطّيـب=اسم ٍ ينومـس بالصّـروح الـذ ّهيبـه= وان كان عندي ( بالحلا) شي ٍ اصعيب=عنـدي جـدود ٍ مارضـت بالغليبـه= دموع القبايـل فـي لقانـا مساكيـب=كـن المقابـر لاحضـرنـا قريـبـه= خضّبت لك كفّي من العـز تخضيـب=ورفعـت راسـي للنّجـوم الصّعيبـه= والله لأسـدّك بالفعـول المصالـيـب=والله لأشيلـك بالـرخـا والمصيـبـه= طلـع المعالـي ماانحكـم للشّواريـب=بنت ٍ وأناطـح فـارس القـوم طيبـه= وياشيخـي إبشـر لوتـدور الدّواليـب=بنتك إلا منّه عـوى الذّيـب ( ذيبـه)= وصح لســــــــــــانــ قايلتها ( ماأعرف من هي والي يعرف يقولنا)... دمتمـــ سالميــــــــــــن. عذوب انتقاء يحكي مدى جمال ذائقتك آنستي سجلي إعجابي ومروي دمتي أنيقة دائما مودتي المخلص&ذايع&
العرض الشجري
