ملفات ساخنه (العادات و التقاليد)

[خالد المري]

اختي دبة تسوي ريجيم اعذريني على الرد اللي بردة على محمد عبدالمتعالي واسمحي لي اتوسط موضوعك .

محمد عبدالمتعالي /
أولا / ماخبرت احد يسأل بدون ماينتظر اجابه فاذا ماتبي احد يرد عليك فلا تسال .

ثانيا / 1- سبب العنوسة يا محمد ماهم كبار السن سبب العنوسة هم البخلاء وهم من يحبون انفسهم ويقدمونها على غيرهم ولايبالون لو لحقة بغيرهم مضرة ولو كانو اقربائهم فحاول انك توصف ولا تسمي يا محمد عبدالمتعالي .
2-قولتك ان كبار السن قبل مئات السنين هم سبب الحروب ،ياامحمد قبل مئات السنين مايطلق عليهم كبار السن يطلق عليهم آباؤنا الاولين (هذا وانت كاتب صحفي في كثير من الصحف ) فاسباب الحروب كثيرة من اول وكبار السن ماادري وش دخلهم بالضبط ؟
3- يامحمد ولاة الامر هم اللي لهم شأن في شد الرحال وقد يكون ولاة الامر شباب وليسم كبار سن .يامحمد عبدالمتعالي .وماخبرت كبار السن لهم شأن في شد الرحال للعزاءولااادري وش دخلهم بالضبط .

ثانيا/ قولي بانك صاحب قلم غامض فهذا من ردودك السعة اللي انت توك داخل بهم بالمنتدى فلو راجعتها بتعرف ردك غامض ولا لا ،وحاول توضح حروف وكلماتك اثناء الكتابة كي نستوعب ، ومن ناحية اتصالات القراء التي وردتك فانها من قرائتهم لعنوانك واستعراضك له ،هذا ان ردو عليك القراء.
ثالثا / ومن ناحية وضعك لجوالك وانك تريد منه ان تتصل بمن يريد ان تخدمه في ما زعمت فاعتقد الخدمة متوفرة لدى المنتدى بالرسائل الخاصة تكتب ويكتب من يريدك ماتشاء ومايشاء ، ومن ناحية الجوال فخسارة على المتصل اذا اتصل عليك فاخدمهم انت وخلهم يكتبون لك بالرسائل الخاصة دون خسارة ، ولا يامحمد بتخليهم يدقون عليك دقة وقفلة لجل ماتخسرهم ( عذر اقبح من ذنب واعذرني على هذا القول لاني اعتقد انه في محلة وهو شوي قوي عليك لكن لازم تتحمل مر الحقيقة )
رابعا / حاول انك تبتعد عن خصوصية الشخصية اللي دايم تتكلم عنها في نفسك فحنا مانبي نعرف شخصيتك بل نريد ان نعرف تفكيرك ونستفيد منه .
خامسا/ انا ماقلت انك علماني ولا اقصد الشي هذا انا اقصد انك مخطئ وانا بدوري اصحح خطؤك بصحة تفكيري وليس ابتلاء الله يدفع عني وعن المسلمين البلاء والابتلاء .
سادسا / اساليب الحوار اتعامل بها اذا كنت انا وياك وجه لوجه اما هنا فهي العقول وما يحويها هي التي تتحاور .

وعندي شي ابقوله لاي شخص بالمنتدى الحوار دايم بالمنتدى مايكون بين اشخاص لابد التعامل مع لمواضيع والردود لا من اصحابها فالقصد من الدخول بالمنتدى الافاااادة والاستفااااادة وليس معرفة اصحاب الردود (هذه فكرتي انا ولا ادري عن الباقين وكل واحد وفكرته وهدفه )
اعذريني اختي دبة واسمحيلي في التعمق في ردي هذا والقصد والله الايضاح وليس الافضاح وسلامتك وسلامة من يقرا.