السلام عليكم ورحمه الله وبركاته
بصراحه أنا لاحظت أني ماقاعده اسوي أي موضوع يبث فيكم المرح ولاحتى الضحك وبصراحه ماودي المنتدى يكون كئيب ودي انه يكون فيه حركه وصوت يعني المشاغبه مهمه عشان تعطي روح بالمنتدى
طبعا بما أني أبي المرح لكم ولي رحت أحاول أنقل موضوع حلو وماحصلت موضوع يونس والمواضيع كلها مو بالمستوى ألي انا ابيه عشان جذي أنا ودي أسولف لكم عن مواقفي <<<<لأني دايما لي مواقف طريف
بسولف لكم عن آخر أطرف المواقف ألي مرت فيني
وقتها كنت انطر أمي تسافر الرياض لأنه في عندها جم شغله بتخلصها هناك...
طبعا صفينا العائله الكريمه على الدرج
يعني الأولى أختي الكبيره21 سنه سوسو<<دلعها(لأنها رفضت اكتب أسمها)
والثانيه توأم سوسو21سنه ألي أهي خوخه<<<دلعها(حتى أهي رفضت أكتب اسمها)
بعدين احم احم انا اغاده 19<<<لازم تكبر نفسها سنه جدام
وبعدين أختي مها 15سنه
ووقفنا نودع أمي وكل وحده فينا تمثل أنها بعد دقيقه راح تبكي بس مها صحيح كانت تبكي ألى فحطت من البكي
تقول أبـــــــــي امـــــــــي<<<تقولها واهي تبكي
امي:الله الله بالعقل وديروا بالكم على بعض ومابي احد يضايق مها فاهمين
أحنا:أنشــالله<<<وبقلبنا أطلعي بسرعه تروحين وترجعين بالسلامه
أمي:سوسو أنتي الكبيره وماني موصيتك...خوخه أنتبهي على مها...مها اسمعي كلام خوخه
واخيرا غاده غاده غاده<<<<وعيونها طلعت ورجعت
ان رجعت وشفتك مسويه مصيبه صدقيني راح تندمين
انا:لا يما شنو ! اي شي اسوي مصيبه روحي وخليج مطمنه ماراح اسوي ألى الخير أنشالله
أمي:الله يستر من الخير ألي بتسوينه المره الي فاتت قلتي ماراح يصير ألى الخير رجعت ولقيتك راكبه سيارتي وداعمه فيها<<<<<أقول يا جماعه لحد يفهم غلط كنت رايحه الجمعيه اجيب خبز ودعمت بهندي غبي مايشوف داش رونج سايد<<<<<ملاحظه العكس صيح
انا:ههههه لا يما أنشالله ماراح اتكرر لأن المره ألي فات كنت بيبي ما افهم<<<كانت السالفه قبل كم شهر بس
وبعدين امي طلعت وركبت السياره وقعدنا بالصاله وننطر التلفون يرن وماتحركنا أبدا ومها قاعده تفحط بفراشها من البكي تبي امي<<<<<أكيد مستغربين لأنه ماسوينا شي والبيت مافيه حركه بس اصبروا بيجيكم العيد ألحين..
ترن ترن ترن<<<تلفون سوسو
سوسو:ألو هلا يما
امي:هلا سوسو اسمعي انا ألحين بركب الطياره ومع السلامه وانتبهوا لنفسكم
سوسو:يما تروحين وترجعين بالسلامه لاتحاتين
امي:طيب عطيني خوخه
خوخه:الو هلا يما ترى راحح نشتاق لك موت
امي:حياتي انا بعد راح اشتاق لكم بس انتبهي على مها
خوخه:طيب من عيوني
أمي:مها وين؟؟
خوخه:يما تفحط..تبينها؟؟
أمي:لالالا مالي خلق بس عطيني غاده
انا:الوووووووووو هلا والله متى وصلتي؟؟
أمي:ياغبيه انا ألحين بسافر
انا:اوه مادري حسبتك رجعتي ههههههههه
أمي:مو وقت تنكيت أسمعي ان صار شي ياويلك والمدارس تبدا الأحد داومي ياويلج ان غبتي
انا:انشالله يما تبين شي؟<<<تصرفها
أمي:لا بس انتبهوا على نفسكم باااااااااي
انا:بايات
وبـــــــــــدت المغــــــــــــــامــــــــــره
سوسو: راحت تجري على غرفتها..وطرااااااااااااااخ الباب صكرته
انا: أمي وين خشت جهازي ؟؟؟ ياجماعه وين؟؟؟؟<<<<أمها اذا سافرت تخش الجهاز لأن المصروف كله يضيع على كروت
خوخه:بالكبت بالكبت بس له رقم سري ما اعرفه مها يمكن تعرفه
ورحت جري غرفه مها ولا اهي مسويه عزا ونايمه بالفراش تبكي وتقول كنت ابي اسافر معاها أهئ اهئ
سألتها كم رقم الكبت السري..؟ بسرعه
ولاتقول بنفسيه ماااااااااادري<<<نصابه تدري
عصبت وماكنت ابي اترجاها تعطيني الرقم السري
رحت ونزلت تحت وقعدت انادي ميري ميري مييييييييييييري<<<<خدامتنا
هاااااااااا شنو يبي<<<معزبه مو خدامه
روحيييييي بسرعه نادي راجو<<<<السايق
أهي جين جين <<<استانست
ويجي راجو واهي متعلقه فيه ولا أناديه وادخله غرفت امي واقوله أكسر الكبت
راجو لا مايبي بعدين في مشكله..
اووووووووووووه راجو اكسر الكبت وخذ دينار
على طول من غير تفكير كسر الكبت وخذيت جهازي
طلعت لقيت سوسو لابسه وشايله هاند باق بيدها..
خوخه على وين أنشالله؟؟؟<<<تسأل سوسو
سوسو: يامعوووووده مالك داعي انقلعي عن وجهي
انا :تكفين الله يخليك أخذيني معاك
خوخه:رجلي على رجلكم
سوسو بروح عند خالتي بقعد عندها
خوخه :ياله خلونا نروح
وفعلا خذينا ملابسنا ورحنا وراجو قلنا له يآخذ عطله لي يوم الخميس رجعه امي
وخذينا مها<<<مازالت تفحط من البكي
خذينا ميري وقفلنا الباب
ورحنا
طبعا كل واحد مآخذ معاه شنطه فيها ملابسه
ويوم وصلنا وصارت الساعه وحده
مها قالت ماراح اروح المدرسه بغيب لما ترجع امي كلهم وافقوا
قلت شمعنا انا بعد مابي اداوم كلهم قالوا انقلعي غصبن عنك راح اداومين
فجاه أكتشفت ان الله معاي والحمدلله قلت لهم هههههههههههههاااااااااي
اصلا ملابسي المدرسه نسيتهم بالبيت وشنطتي المدرسه بالبيت بعد هههههههاي<<<الوقت متأخر مايصير اروح ألحين اجيبهم
خوخه:عــــادي راح تقعدين الساعه 5 الفجر وتمرين البيت وتلبسين ملابسك وتآخذين الجنطه واداومين
أنا: ياويلييييييييييييي تكفين مابي اداوم
خوخه وسوسو: أدق على أمي ...؟
انا: لالالالالا خلاص بداوم بداوم<<<وبقلبي والله راح تشوفون شنو راح اسوي
رحت البيت اليوم الثاني الساعه5 وبالغصب اتحرك فيني نوومه مانمت الى ساعه وحده بس..ووجهي صاير تعبان ومالي خلق نفسي..
لبست لقيت مريولي بس مالقيت قميصي واقعد ادور عليه وماحصلته وتذكرت اني خذيته مع ملابسي ألي ببيت خالتي ..
رحت ولبست تي شيرت بدال القميص ولبست جاكيت لأنه ممنوع البس تي شيرت <<<ونفسيتي وصلت خشمي
رحت ادور جنطتي لقيتها وكانت كلها كتب وانا أصلا معاي شد بظهري يعني ما أقدر أشيل شي ثقيل ومالي خلق أدور الفراشه عند باب المدرسه عشان تجي تشيلها وبعدين هي تبيني اعطيها خمس دنانير لمده شهر تشيلها..:
وبعدين فضيت الكتب كلها وحطيت داخل الجنطه ملابس طلعه وجوتي (جزمه)عزكم الله...
ورحت المدرسه اول مادخلت على طوووول على صاله البدنيه ورحت وحطيت راسي ونمت وضبطت التلفون يقعدني على الهده الساعه وحده وربع وفعلا وحده وربع ترن ترن..وقعدت ورحت بره بالهده ووجهي منتفخ من النوم ولبست ملابسي الي بالجنطه وطلعت....
جاني سايق خالتي يآخذني ركبت وقعدت أنادي رفيجاتي منو يبني اوصله كلهم جاو يركضون<<<سيارتهم كشخه
جاو وركبوا واهم بالسياره قلت لهم شوفوا شرايكم نروح مطعم اهم ماقلنا لأهلنا أنا عاااااااادي بيعوها
هم: ياله
<<<<<<<<<<وانا اقول في قلبي راحوا فيها
اول ماوافقوا قلت للسايق روح بيت انت صديق وراح السايق بيت رفيجه نزلناه وسقت السياره فيهم..
رحنا والسواقه كانت سليمه بس يوم وصلت شارع الخليج <<<شارع القز
ومع الوناسه والتحرش بالأوادم الى وانا داعمه دوريه كانت صافطه على طرف الدوار
بس ماكان فيها احد يعني الشرطي كان بره الدوريه..
ويقعدون الي معاي يصيحون ويقولون دوريه مره وحده يالظالمه! انا: اقروا الفاتحه اقروا الفاتحه يمكن يفرجها ربكم ..
البنات شنو نقرا الفاتحه حنا بنعقد زواج انتي ووجهك شوفي الشرطي جاينا..
ويجيني الشرطي ويأشر يقول أفتحي الدريشه...
يوم فتحتها ولا كل البنات يقولون عمي الشرطي والله قلنا لها شوفي جدامج بس ماتشوف
انا:لا عمي الشرطي بصراحه اذونا الشباب<<<<عياره بنات
ماخلوني اركز بالطريق وقعدوا يحدوني لين دعمتك حقك علي بس انا موغلطانه
الشرطي:الليسن ودفتر السياره أختي...
انا:أأ أأأ....لل..أ.بصراحه نسيت الهاند باق وفيها كل شي..
الشرطي: لا والله...؟
أنا: سامحني الله يخليك هذي آخر مره بس خلني اعدي<<<بهذي اللحظه امي طرت علي وخفت من ألي بيصير
الشرطي اوكي روحي بس بشرط
قلت له شنوووووووووو؟ الي تبيه قول؟؟؟؟؟
قــــــال: أخـــذي الـــرقــم؟
انا:شنووووووو من صجك انت...؟؟؟
قال عشان تمشين أخذيه...
<<<<<<<<<<<<<<<<<<<هني انا توهقت وقلت اتصرف بذكاء آخذه واذا راح اقطه
قلت طيب عطني ..
وطلع اذكى مني قال دقي علي ألحين رنه
<<<<<<<<<<<<<<<<<<ولييييييييييييييييييه توهقت شسوي
فجأه اي طيب طيب ياله عطني وسحبت جهاز رفيجتي ودقيت عليه رنه اهو طبعا أستانس ومشينا...
البنت شنو صار شنو صار<<<صاحبه الجهاز
انا ولاشي بس هذا الرقم لاتردين عليه..
<<<<هي افهمتها وقالت ألعن يومج يا الغبيه لييييييييييييييييش؟؟ ..<<<<<<<متوهقه
انا : بعدين انتفاهم<<<<عادي مو تلفوني ههههههههههههههه
ورجعت كل وحده بيتهم واستلمت هواش وانا مريت راجو وركبنا قلت له راجو والله ان فتححت حلجك بكلمه ياويلك
راجو :جــيـــن
انا:عبالي<<<<اطلع شطارتها على السواق هههههههههههههههههه
وصلت البيت ولا كلهم نايمين رجعت وقعدت أطالع التلفزيون وأبلع
وتوته توته خلصت الحتوته أنشالله بس ونستكم بهذا الموقف الطريف ألي فعلا صار معي
وتحياتي
العرض العادي
