دوائر حكوميه

[مـشـمـش]

يا مسا النور والبنور والمشمش المعصور ... يا عنقود عنب يا شجرة توت وحشتوني موت.

مراحب بالكل وحشتني بجد الكتابه في المنتدى بس يعني اختبارات الترم الصيفي شغلتني شويتين..

حبيت اتكلم عن موظفين الدواير الحكوميه عندنا في المملكه ،، اظن انو نص المعاملات الي بتتاخر بيكون سببها الموظفين الحكوميين " ده خارج من الدوام بدون اذن والثاني عندوا مراجعه مع زوجته الحامل ،،،، الخ "

واذا حصلنا الموظف موجود وطبعا مزاجوا مو رايق نايم على جنبوا الشمال او شاف نفسوا في المرايه او حماتوا مكلمتوا الصبحيه ربنا يعين يخلي المراجع طالع نازل زي ام العروسه ( يعني يعني يشوف لياقتوا البدنيه ) يوديه لموظف تاني يبغى يمزح معاه على حساب مين ؟ طبعا على حساب المراجع وده كلوا فيه تضييع للوقت ،، لا والمشكله الاكبر انو مراقبين الدوام نفسهم فالينها ومخلينها اخر حلاوه ..

ماادري هم يعرفوا انو بالطريقه دي كل ريال يدخل جيبهم حرام ؟؟


15

[عسلسل]

ايه ولله يامشمش عندنا الدواائر الحكومية اعود بالله ادا جيت ادخلها وكاني داخل جهنم وخاصة المرور طفشوني زهقووني تخيلو عندي لوحة سيارتي مفقودة عشاانها قعدت اسبوع ارووح واجي بين الشرطة والمرور الشرطة يقولو ارسلنا المعاملة والمروور يقوول ماوصلنا شي وعلى هالحالة اسبووع كامل وانا اقوم الصباح مع الجو اللطيف هده ماشاء الله وماوصلت المعاملة الايوم انا رحت وجبنها بيدي من الشرطة ووديتها للمروور وبعدين قالولي المروور تعاال بعد شهريين واستلم اللوحة تخيلو شهريين عشاان لوحة ثلاث ارقام وثلاث حرووف:(

[انســــان]

والله انه كلامك صح يا مشمش .....

والله انا صار لي موقف قبل شهر تقريبا في شركة الاتصالات صراحه صارت اللياقه فل بعدها ... السالفه هي :

انه عندي تلفون ثابت وانفصل كان عليه فاتوره المهم سددت الفاتوره وكلمت 907 قلت لهم شغلوه ،قالوا لي عليك فاتوره ثانيه ، قلت كم ؟ ، قالوا خمسة ريال وخمسه وثلاثين هلله ، قلت والله ماتستاهل اني اروح للبنك اسدد عشان ذالخمسه ريال ، قالوا انه الكمبيوتر مايقبل يشغله لحد ماتسدد ، قلت اوكي ..... رحت للبنك وعطيتهم الفاتوره .... قالوا لي انه انت اللي تطلب الاتصالات خمسه ريال وخمسه وثلاثين هلله ..... قلت متأكد قال ايوه ..... قلت اوكي .... المهم رحت لشركة الاتصالات وحكيت لهم اللي صار قال لحظه نتأكد المهم لما تاكدوا طلع كلام البنك صحيح .......المهم قلت طيب الان شغلوه قالوا مانقدر .... قلت ليه ؟؟؟ ، قالوا لازم تجيب لنا رقم البطاقه ورقم البكسيه .... ( البينات كامله ) عشان التلفون انفصل نهائي ..... قلت طيب مو مني السبب السبب منكم انتم قالوا : اوكي اسفين ... بس لازم تسوي كذا ...... قلت اوكي المهم رحت للبيت واخذت جميع المعلومات .... وكلمت 907 واعطيتهم جميع المعلومات ....قالي اسبوع ويكون شغال .... قلت اوكي ....... راح اسبوعين ما اشتغل ...... كلمت 907 ثانيه وسألتهم ليش مااشتغل ؟؟؟؟؟ قالوا انه انت ما اعطيتنا المعلومات ...... قلت انا مكلمكم قبل اسبوع ومعطيكم جميع البيانات ..... قالوا والله ما اتسجل في الحاسب ..... قلت طيب مو ذنبي الشي هذا ..... قال والله ما فيه حل ثاني الا انك تراجع شركة الاتصالات ...... المهم رحت للشركه وكلمتهم ...... قالوا جب بياناتك مره ثانيه ....... قلت اوكي ..... كلمت 907 واعطيتهم البيانات مره ثانيه ....... قالوا اسبوع ويكون راكب ....... قلت اوكي ... المهم بعد اسبوع ادق على نفس الرقم حقي ..... احصله يدق .... وعندي في البيت ما فيه حراره ...... كلمت 907 وقلت لهم اللي صاير ..... قالوا ايه لازم تراجع شركة الاتصالات وتعطيهم صوره من البطاقه ..... قلت اوكي ..... راجعت الشركه واعطيتهم صوره من البطاقه ...... المهم قالوا بكره يكون شغال عندك قلت اوكي ....... لما جاء من بكره جاء الفني حق الشركه وضرب الباب ..... وسئل عن صاحب اسم التلفون قال لازم يجي عشان يوقع ...... طبعا هو جاي من فجر الله الساعه 8.30 انا كنت نايم ...... قال اخوي ركبه وانا اخوه محله قال لا لازم يحظر هو ..... المهم جاء وصحاني ..... طلعت للفني وريته وجهي بس ودخلت ...... وابشركم ركبه بعد كل هذي المشامل ....
باي واسف على الاطاله




انســــــــــــــــــان