والحقيقي(فرح).. توفيت من قبل الدهس من شــاب (سكران )
حسبي الله عليه ..
بعد خروجها من الكليه ..
(قدر الله مشاء فعل )
أليكم ماباحه الخاطر تجاه هذهي المرحووومه...
مع تحيه مليئه بالود والاحترام ..
بديت بسم الي خلق كل إنسان=الواحد الي كلنا عابدينه
خالق وآخذ إنس وأيضا أخذ جان=ألواحد المعبود له راجئينه
ياشمعة العشاق تبكيك ألأعيان=الدمع لك ينثر بحزنه حنينه
ألدمع أغرق يافرح مُقل ألأوجان=فرقى لعينه آه فرقى حزينه
فرقى تعذب صرح في دنيا ألأحزان=المنتدى تدمع حروفه سكِينه
ياحرف غن ألحزن في وضع حرمان=ياحرف لاتجزع ترى ذاخرينه
نذخر لها حبن عزف لحن ألأشجان=حبن لها داخل صروحن حصينه
ياوردة العشاق تفداك الأوطان=تفداك روحي والقلوب الدفينه
الحال شاين والشعر بالنظم شان=لنه يشيل الحزن شيل بيدينه
سكران يالله تجعله دوم سكران=داخل جهنم تجعله له تهينه
صادم غلا غالي ويافل ريحان=أحرم عيوني شوفته بالمدينه
مرحوم ياوردة طهورن وغفران=في جنة المولى عساكي سكينه
البال ياربعي من الحزن مليان=العين تدمع من جروحن سجينه
إجروح فقدان الذي فيه حيران=شاء القدر ثم أختصر له سنينه
أعزي الصرح الذي عاش فقدان=أختن لهم كانت بضهر سفينه
واقول هاذا الدهر خاين ولو كان=عايش بأحلى عيشتن لك ثمينه
والي رحل ربي يسكنّه بجنان=بجنان خلد أوكلنا ملتقينه
في جنتن خضر وهالدهر نسيان=لابوك يادهرن حياته غبينه
ياخذ لأغلى شخص منك ولو كان=روحك بروحه ميته مع رهينه
يقولها شاعر ومن أصل مطران=لاتامن إلوقتك سنينه وحينه
[msg]لاتنـــسى اختك بالدعـــاء.. فهــي في حاااجـــتك ..الأن [/msg]
الشاعر العذب /نواف السعدوني
صح السانك ولاهنت
قصيده معبره وحزن كبير ولاكن هذا هو حال الدنياء وكلنا راحليين حتى لو عاشنا الدهر كله وهذا مستحيل وعلم غيبي والله يرحم أختنا في الله شمعة العشاق ويجعلها من أهل الجنه أنه سميعٍ مجيب .. شكر لك على وفاءك وكرم أخلاقك ... أحترامي وتقديري لك وللجمييييع
أخوك
بدر المعصيري