انا لؤيوالا لولو
--------------------------------------------------------------------------------
... نط نط لو سمحت لاتناظرني ... أستحي
<<< تراه قلب صار بنت
(( ماجوز من سوالفي ..خخخخخخ .. والله اني دنبخ ومنسم وحركتات))
أحم أحم
<<< مصدق انه بنت
هذا ياطويلين الاعامر انا هالحين بنت وسمي (( لولو..
خخخخخخخخخخخخخخ
اختصارن للوقت..فهم يقولون بأن الوقت كالساطور ان لم تذبحه لعن ابو طوايفك
كنت مندهشه ومنسجمه (<< ابد راكبه علي منسجمه) امام برنامجي المفضل و ما ان يمديني اتابع القليل منه
الا ويقطعون علي حبل اندماجتي بفاصل اعلانيّ...كم هم غثيثون هم ودعاياتهم
وتختلف انواع الدعايات..باختلاف المنتج <<<<قول أقصد قولي والله نسيت اني بنت
خخخخخخخخخخخخخ
فبعضها التافه..ويبون ريال
لدرجه تشعرك بأن المخرج مريض نفسيا ولديه داء التهيؤات..
واضرب مثالا
تلك الدعايه اللي الرجال يعصر مخه ما يدري وش يكتب لزوجته بعيد زواجهم
وبعدين تدخل هي و تدووور بشعرها وهو يتنح ويبتسم وبعدين تقوله
كلما من قلباك احلى من ميت كلما مدري وشو
انه برت بلس الجديد!!
وبعضها المحرج..ويبقالهم تكفيخ
مثل هذيك الجداويه اللي ما تقدر تروح لاهل زوجها..وهناك يتحملو كلمتين ع الماشي
هييييييييييه
وين قاعدين..توهم يكتشفون الاختراع ولا يستهبلون
والله ان وجهي يغدي كنه ترنجايه ولا طماطمايه خصوصن لا صرت مع العائلة الكريمة
<< لا والله عيني عليك باردة جايب الدور جيب .. جيب ولا هايلوكس
يا الاهي.. ويحهنّ كم هن فاصخاتن للحيائي
اما الدعايات اللي احتريها بفارغ الصبر
فهي دعايات البيبيات...
سيريلاك ولا جونسون اند جونسون اموووووت يا نااااششش << كيفي بنت وأدلع
<< ابد مايجوز من سوالفه أقصد من سوالفها
يزززنن يا قلبوووووووسي
^
^
^
أستخف الولد
ابشركم يا اخواني واخواتي قضت المقدمه
.
.
.
.
.
تررررن تررررررن ترررن(جرس الطليفووون)
شنووو هذا شكووو ماااكو اكوو!!! يعني مارح اكمل تمثليتي مثلن يعني
ردي منيره
لأ
ردي يا نويّر
ماااابي
ردو يا زفتات..وحده ترد الحيييين ولا ترا والله بذا على روسكم يا قرود
<< قلت بنت ومشيناها .. عربجيه عاااد ؟؟!
وانتي ليش ما تردين
انا قلت انتي تردين يعني انتي تردين
ليه طيب؟؟ بس تتحكمين فينا محنا شغالات ابوتس تصدقين
وتجي الثانيه تدافع عنها..خوات اخر زمن..ناس تخاف ما تختشيش
وش دخلتس فينا...كل شي على كيفتس..شمعنى؟؟
وتنقلب الجلسه الدافئه الى معركه حاميه الوطيس
وهكذا... ينتهي المسلسل.. وينقطع رنين الهاتف ونحن نتبدال المديح والكلام العذب( والعكس صحيح)
^
^
^
هكذا حال الاخوات دائماً في الاسرة العربية
وهكذا نحنو معشر البنوتات الحلوات الغنوجات الدلوعات المبرغشات
و تمر الايام
حياة مافيها اي نوع من الاكشن والمغامرات
من البيت للجامعه والجامعه للبيت ومن البيت للسوق ومن السوق للمطعم ومن المطعم للبيت ومن البيت للجامعه
كنت جالسه في احدى المحاضرات..ارسل نكت لخلق الله عل وعسى احد يردلي بنكته توسع صدري
حيث انني لا تحلالي النكت الا اثناء المحاضرات
وقد تدمع عيناي من شده الضحك حتى لو كانت نكته بايخه..ومهما كانت سخيفه فهي بالنسبه لي امتع من التركيز على كلام مصريه مدري وش هي جاية تقول
خويتي اللي بجنبي كتبتلي على الدفتر..
*سوسو طفشانه؟؟
بقووووووووووووووووووووه
*وش تبين نسوي؟
فكرت فكرت وبكل بثاره..مممممممم ودي نركب صاروخ ونفحط بالفضاء
يعني بالله بوسط المحاضره والحرمه تتكلم وش يمدينا نسوي ؟؟
*خوذي هذي وبتنسين شي اسمه زهق
ولعنه..وشو ذا!!
*يا خبله جربي ما رح تخسرين
وجع وجع وجع مخدرات يا (خدوووج) الله ياخذ وجهتس !
*وش مخدراته الله يرحم حالتس
هذي الحبه يسمونها( حبه الحريه)
اجي اخفف دمي واقولها حبه ولا قبله..قبله ولا بعده هق هق هق
قبصتني قبصه قووووووويه اوي حيل بالمره فرررررررري قويه شوفو تعررف انجلش من الوجع..
المشكله مقدر اصرخ عشان ما ننطرد من المحاضره ولا اقدر اقبصها لانها بترجع تقبصني وقبصتها تعووووور
،،
رجعت البيت..عينت من الله خير..وعقبها تهاوشت مع امي لان الغدا شين وعيّت علي اطلب من هارديز..
قالتلي من اليوم فصاعدا"(مهيب عاقله أميمتي معذبتها المسلسلات المكسيكية)
اللي نبي نطبخه تاكلينه سمعتي
وياليتها قالت كذا وبس.. جرحتني و قالتها بالصريح الواضح
خلاص سويت الي علي وزياده ..تحملتس كل هالسنين..من الحين لا بغيتي شي انتي انفعي روحتس وتعلمي تطبخين انا ما علي منتس لو تصيرين هيكل عظمي.. ويصووروك جنب نسيم حميد يفكروونك صبعه الخنصر
رقيت لغرفتي يقالي بضرب عن الطعام عشان يأنبها ضميرها
بس شرهتكم على اللي عطتني وجه
وانا اتحلطم وضايق صدري غبر تذكرت الحبه حقت خدوووج
وابلعها واغط في سبات عمييييق قـ قـ ق .........
طاع طاااع طااااااااع( اختي الرقيقه تدق الباب) << امحق بنت ..
امي تقوووووووووووووول
يلا قووووومي بنرووح لخالتي إسليمه بتجين معنااا ولا لأ؟؟؟
حقرتها واخذت تعسيله والظاهر انها صارت ذكيه و استوعبت اني مالي خلقهم
صحيت الساعه خمس وثلاث دقايق (بتوقيت جوالي)
حسيت بثقل غريب..قلت يمكنه مفعول الحبه..رحت الحمام وانا مغمضه واسحب روحي تسحب
7
7
يااااااا لهوووووي يا مصييييتشي يا خراااااااابي
وشوو ذاااااا ؟؟
واروح وارجع على المرايه
لاااااااااااااااااااااااء
ويغمى علي خمس دقايق... وبعدين صحصحت
شعري وينــــــــــــــه ؟؟؟
و يغمى علي ثانيه...وبعد دقيقه ونص صحصحت
وش هالحواااااجب
هنا حاولت يغمى على بس مخي قالي وش تبين حلا هو كل شوي يغمى عليتس
وش هالشنب!!! وش هالزلوف!!! يمااااااااه
حسيت بطعنه ..حسيت بسكين قاعده تقطع احشائي وتمزقني تمزق..يا ويلي ويلاه
انوااااع البشاعه وانهبلت وجاني صياح اكثر واكثر يوم سمعت شهقتي القبيحه
صوتي تقل مزنوطه ولا مزكمه خشششن و يجيب الكحة
وادق على الخبله خدووووج
وش انتي معطيتني وضربه ؟؟
ليه وش صار معك ؟؟
اكلي هوااااااااا صرت كائن غريب اروّع وكلي شعررر
لا يا بعدي ما غريب الا الشيطان...صرتي رجال بس مؤقتا لا تخافين .. اقولتس حبه الحريه يلا انطلقي وسعي صدرك..بس تبين الصدق صوتك رايق
يا مال الماااحي اللي يمحيييتس
بزاعلتس للأبدددد << هذا الي أقدر عليه
اشوى ان اهلي كانو مسيرين..وابوي يشخر بالصاله وحاط الجزيره على اعلى صوت خخخخخخخخخ << دايم الشيبان كذا
ولاكان لعنو خامس خامسي وخلوالشرطه يكلبشوني
ولو احلفهم بالمصحف اني بنتهم مستحيل يصدقون..
طبعن لانه شي ما يخشش الدماغ
هوا اييه اصلوو ده؟؟ راقل ويبئا بنتنا..امتا وزااي!! << قلبة الموجه
رحت لغرفه اخوي واخذلي سراويل سنه (طوال)..ابغض ما على قلبي الي تجي شورت استغفرالله شكلهم يضحك وهم يمشون وسيقانهم تهفهف تحت الثوب
يا حزني على شبابتس اللي راح يا ست الهوانم..اجل انتي صرتي تلبسين هالاشياء الوعه <<<<مو مستوعبه
وثيابه الله يهديه كلها على الشماعه..مدري وشهو الوسخ من النظيف..غير اتجرء ولو اني عارفه انه بينهبل بس اخذتلي ثوبين شكله مقبنهم للتشخيص
وتلطمت بشماغ واخذت معي غتره احتياط<<< تحسون فجأه جازلها الوضع
بس المشكله كانت بالنعال..مقاسه الله يحفظه ولا جزم العساكر..مطابل يا كافي ميب رجول << أقول اسكت لا يشبكون في حلقك هالحين انت منهم
اضطريت البس شي من عندي..بس شحاطه مع ثوب ما ينفع ولا صندل مثلاً
لبست النايكي حقت الجامعه..لونها رصاصي يعني تمشي الحال
(ثوب وجزمه رياضه...عادي انسان ناوي يمشي..وده يخفف..عندكم شي؟!!)
واطلع امشي .. اول مره من سكنا بيتنا ذا اتمشى كذا لحالي...
شعور غريب..كل شوي انز اتحدى احد يعرف معنى انززززز
كأنك تتروش بمويه دافيه ومسترخي وفجأه تطلعلك مويه بااارده ومثلجه
هذا هو شعوري لما استوعب اني مو لابسه عبايه
قعدت افكر بالمصيبه اللي ابتلشت فيها...يا ربييه...وش اسوي بعمري
طيب وامي يحول.. بتحسبني هجيت ولا انخطفت..وبلحالتين الله يستر وش بيصير لها مسيكينه
وبينما انا اهوجس واهوجس وتوقف سياره
لو سمحت وين بيت مزعل بن فرحان الجسمي<<<تسمع بالتمويه
انا توحشت وقمت اهرول واهرول مابي اتكلم لاني كل ما سمعت صوتي غصبن عني ابكي
وينزل الرجال..انا هنا تشنجت بمكاني
( بنت وشافت رجال نازل من السياره.. رررعب ما يبيله وصف)
وش مشكلته!! مافي الا انا يعني ليه ما يسأل احد ثاني
*اقول يالاخ وش بك ..اسالك وين بيت الجسمي؟؟ وراك منتب ترد
قلت مافي الا اسوي نفسي معتوه (ستغفرالله ستغفرالله ستغفرالله)
باه تاي باء بيوه ااه
*نعم
فجأه جتني ثقه بالنفس يوم شفته ارتاع ...قلت خل اكملها واناقز على رجل وحده
وهو اللي ينفجع وقالي الله يستر عليك ويركب سيارته ويشحط هههههه
بدت السنفونيه الجميله تعزف..قد تتسائلون وشي السنفونيه
انه بطني يا حبنيله ...اثري جوعانه..يؤؤ اقصد جوعان... وعصافير بطني بدال ميب تصوصو قامت تنابح
دقيت على خدووج الله لا يحللها
الوووو أخديجه
*ههههههههه لولو وطي صوتس ترا اللي يشوفني يشك باخلاقي..جبتيلي الشبهه ههههههه
اكلي تبن كبر راستس...ميته من الجوع ما تغديت...ولا معي فلوس..ومقدر ارجع البيت الحين...دبريني بسرعه
*يا عمري هههه.خلاص امسكي ورقه ودوري بالمجمعات..ولا تبين اعطيتس مناديل تبيعينهن عند الاشاره ههههههههه <<ابوك يالذُل
تتطنزين يا حماره..هين وربي لا اردها لتس واخليتس تصيحين دم ونشوف مين اللي بيضحك على الثاني << انفعلت خخخخخخخخ
*تعاااالي امزح معتس...وه وه يا ساتر وش جاااتس يا لولو صرتي رجال صدق ههههه
والله انتس كاسره خاطري بس شر البليه ما يضحك...يله تعالي بس يا ويلتس لو دقيتي الجرس
ويوم وصلت حول بيتهم وعطيتها مسد كول خخخخخخ حركات العيال
طلت من الشباك واشرتلي اصبري....يعني على بالها بتسويلي درب
فتحت الباب وتقوولي بسرررررعه بسرررررعه
وانا استهبل واقول احححم احححححم يا ولد احححم يا ولد ( يقالي اتنحنح)
خخخخخخخخخخخ
طول عمري اروح لبيتهم رافعه راسي بكل شموخ..وكل بزارينهم وامها وخواتها يستقبلوني بالاحضان...الله يالدنيا صرت ادخل ركض تقل حرامي
ويوم دخلت غرفتها وقفلت الباب ضاق صدري من جد..قلتلها خدوووج ترا ما ندري وش الحكم فيها بس خلي الشباك مفتوح والبسي شيله ما نبي الشيطان يصير ثالثنا
وهي اللي تنفجر من الضحك..قلتلها مافي شي يضحك بسرعه تغطي ولا بطلع
*طيب طيب ولا يصير خاطرك الا طيب يا سعود
حسبي الله عليتس منهو سعود!!
مو كنتي تستهبلين ايام التشات وتقولين انتس سعود يلا عيشي الدور الحين
جابتلي خبز وجبنه بيضا ولبنه وزيتون وزعتر و وشاهي..
هممممم (كل شي بلقمه وحده ) مممممممم لزييييز لاخر قطره
انفجعت خدووووج
طووول عمري احلف عليتس ولا تكملين اكلتس..وش صاير بالدنيا
تصدقين حتى انا مدري وش فيني..شهيتي مفتوحه لو اشوف قدامي دينصور اكلته..توني ادري ليش عليااان ياكل ثلاث صحون رز وحنا كنا ننفجع ونحسبه وحش ههههههههههههه
مديت رجولي وانهااارت خدوووج
يا لهووووتي ما هازا الشعر..انه يتجدل من غزارته
جيت ابشيله بالواكس غير ينشب وعيا لا ينشال خخخخخخخخخخخ...جذور نخله حشى مهوب شعر اوادم
ههههههههههههههههههههه اصبري اجيب حلاوه
وش فرقت يا عبقريه
طيب اصبري نجرب براون
وتنحرق المكينه ...وانا اللي طول عمري كنت اتسائل ما هو وجه الشبه بين الرجاجيل والـــ طوط طوط خخخخخخ
اكرمتس الله يالشينه..يله انا استاذن
طيب وين بتروحين بهالليل
مدري..علمي علمتس والله
اصبري عندي حل
وشو
اطلعي ودقي الجرس كنتس اخو وحده من البنات وبتعطيني اوراق..وبقول لاخوي يستقبلتس بالملحق
طيب وبعدين
ابد..قولي ان بيتكم بعيد وان عندك شغل هنا من بكرا الصبح والمشوره ما تسوى روحه وجيه
ما بقى الا هي..ارز وجهي عند اخوتس اقول تقلعي ولا يكثر
اصصصصبري..يا حبتس للعجله..انا بوصيه يلزم عليتس تنامين عندنا بدون ما تقولييين
بس انتي اعطيه القرين لايت
نطيت مع الشباك..( حرامي من جد) وبغيت ادق الجرس غير افطن انها ما عطتني الاوراق
وازهم عليها الورق..الورق..الوررررق يا دبشه خخخخخخخخخ
وشاتتهم علي وانا القطهم ورقه ورقه..ربي سلّم ولا لو احد شاف المنظر كان انا وياها بمستشفى شهار للامراض العقليه
قريت المعوذات ودقيت الجرس...فتحلي اخوها الصغير...
السلام عليكم ابي اعطيكم الورق هذا..من اختي لاختك( تحسون اسلوب واحد رقيق بزياده )
قالي شكرن.. تفضل.. حياك الله( وانا اشهد ان هالبزر لسانه اطلق مني بألف مره)
دخلت الملحق وانا اتلفت يمين ويسار...جتني ام الركب.. ترا والله مدري وشي ام الركب بس من كثر ما تتردد احسها شي كوميدي مدري ليه
ويدخل اخوها الكبير..شي عملاق بو خمسه وعشرين ويقطر ملح وثقل وعقل و رزه وشياكه واللي تبووون مشالله تبارك الله
وانا قلبي طاح على الارض وقام يغني اتقلب على جمر الغضىىىى اتقلب.. اتقلب.. اتقلب
هلا هلا يالله حيه..ومد يده يصافحني وبعدين قرب يبي يسلم غير يكوش جلدي واسحب يدي بسرعه
استنكر بس مشاها وهو يقلب عيونه ويتفحصني من فوق لتحت وقلبي يرقى لين حلقي وانا ابلعه ويرجع تحت
اخبارك علوومك؟؟
تمام الله يسلمك
عاد وراك واقف استريح
ميخالف بس وراي مشوار لازم ارجع قبل لا يتاخر الوقت..يالله فرصه سعيده ومع السلامه باي
وييين يا بوالشباب...ما هنا طلعه قبل لا تتعشى..غير يزل لساني وقلت تعشيت تو اكرمكم الله
هو استغرب..
وارقعها واقول اقصد اكلت هنا بالمطعم اللي جنبكم<<<<الله يرجني على ذا المصالة اللي بيخرّب القصه
والله ان عشاك الليله هنيّا وفطورك وغداك الدزابله عندنا
وتراني حلفت..يرضيك ترد حلفي ذيّا<<<< فجأه قلبنا مسلسل بدوي
ما تقصر والله خيركم سابق الله يطول عمرك ويسامحك ويدخلك الجنه وبوناصر يطلبك الحل وكل عام وانت بخير.. ومن الروعه رصيت كل الكلام اللي اعرفه واللي ما اعرفه مع بعض
قام يضحك وقالي يا حبيلك دمك خفيف..ما تعرفنا على الاخ الكريم
توهقت توهقت ثمن فكرت و قلت انا ورطان بن غسان بن سلطان بن سينان بن برجمان بن حنان
كركر ثمن قالي والنعم
ما عليك زود..
بدينا ندردش...استهبال..تعليقات. .والله انه حبيب مثل اخته اللهم انها اخف طينه شوي... بس الله حق..هو املح منها ولو يعدل ضروسه هاللي طالعه متر ونص ويركب تقويم يطلع احلا واحلا
فجأه شغل فلم ..وانا ادعي ان الفلم يصير اجرامي
ولا خيالي ولا عن حرب ومذابح وتكفيخ.. اي شي الا قله الحيا..ماااالي دااااااااعي بقوه
ما وعيت الا هو ملتفت علي..
ورطان قد شفت التجربه الدنماركيه ؟؟
هاه..لأ..ايه..الا...مدري نسيييت
خخخخخخخخخخخ بحطه واكيد بتتذكر
ما بقى مقطع مابقى شي الا ويعلق عليه..
واناعيوني يا بالأرض..يا بالسقف.. يا اغمض
وهو ميت من الضحك..يقولي شكلك عليمي يا عووصماااااان
وش يبي ذا..اشوفه بدا يطيح الميانه
معليش ولا عليك امر...بس وراي قومه بدري وودي انام
ايييه ابشر..بروح اجيبلك ثوب وبطانيه..ولو بغيت انام جنبك ميخالف
لالالا ما يحتاج خلك بالبيت انا متعود انام بالملحق حق بيتنا كل يوم( نصب على كيف كيفك)
جاب الاغراض وعطاني ثوب مشقوق..لو يجلدووني ما لبسته(طرار ويتشرط)..
لو سمحت ممكن بجامه؟
هو يحسبني انكت..قال تبي بجامه ام دباديب ولا دينصورات خخخخخخخخخ
المهم احتريه يطس والظاهر ان الاخ ماله نيه ..طفى الانوار وجاب اللاب توب وشغله
انت من جدك بتقعد هنا؟
ايه بقعد هنا..ليه؟
لا بس اسأل تصبح على خير..
.
.
.
ااااه منهم هالتماسيح
وش شفت يا بناااات الله يا شفت علووووم
<< بدا في الفضايح
فاتح مليون وندو...مسنجرين...وبال توك..وتشات..ومشغل الكام مع وحده والمايك مع وحده ثانيه
(اخطبوط على غفله)
مدري وشلون يمديه يلحق..
واشوفه يطقطق متحمس واحيانا يبتسم تقل خبل
انا توجست ولفيت مع الجهه الثانيه..مابي اشوف عشان ما اقوم وامردقة في الارض
شوي ولا جواله يدق..هلا عيوني..هلا حياتي..صوتك يجنن..ما تخيلته كذا يا عمري يا قلبي يا كرشتي
وانا اقول يا عيبااااه..حسافه اعجابي فيك يا شرير يا خاين يا غشاش ( بقلبي طبعن)
مسرع صارت عيونك وقلبك <<<طيب وش دخلني فيه
طرطعععععت وقمت اشششخخر بصوت عااااااااالي ابي اغثه.. خاااخشششش خاااااخششششش
وهو ما حولك احد..يقولها ايه هذا الخرتيت حقي...لا يا قلبي ما يعض شلنا ضروسه هههههه
شارينه من جنوب افريقيا..تعرفي الوالد رجل اعمال وعنده بزنز بكل مكان ومره كان عنده اجتماع بجوهانس برغ..وتعرفي انا كان ضايق صدري ورحت معاه اغير جو وشرالي خرتيت ايوه حياتي خرتيت صدقي ليه ما تصدقيني؟
انا خرتيت !!!!!!!!( برضو جوا قلبي)
واسمعه يقولها قصص عجيبه..مره تصارع مع خمس دوريات شرطه وشخط بالماي باخ ولا قدرو يصيدونه عشان عنده خمس لوحات
ومره كان رايح يطعس بالرينج روفر ويوم غرست طلعها باصبع واحد..منتب عاقل يا طرزان زمانك
ومره كان طفشان وركب الدباب وراح للبقاله وما قدر ينزل من الجمهور..والناس يصارخون عطنا نظره تكفى نبي نظره..وهو طفشان من الزحمه
ما قدرت اتحمل..انفجرت بوجهه..
يالتعبااااان يالكحيان انا خرتيت يا قرررد يا غوريلا يا شمبااااانزززي!!!!!
غير يجدع بوجهي المخده ويقولي هششش
الله يخلي العراوي وانت تعبي مويه بالقوايل
سلمات؟
انت ما تستحي على وجهك...انت ما عندك دم؟؟ تلعب على بنات الناس لييييه؟؟؟؟ << أخذتني الغيرة على الدين أعراض الناس
والله بنات الناس محد ضربهم على ايدينهم..بعدين انا واحد وقاعد اتسلى..ولا بتسويلي فيها الهيئه؟؟ تراني رجال واعرف الصح من الغلط..فكنا يرحم والديك
يعني تعترف انها تسليه
ايه اعترف ونص..عندك شي؟
الحين لو خدوووج ولا ريم ولا مشاعل اللي قاعدين يتسلون...وش بتسوي؟؟؟ وش بتقول؟؟؟
ولا الغلط للبنت وانتو اللي معصومين عن الغلط... يعني بس خواتك هم اللي عندهم اهل وباقي البنات طز .. <<< أسف على التعبير الزلع
تعال وش دراك باسامي خواتي
وعيني ما تشوف الا الباب..ارررررركض وهو يركض وراي يسبسب ويلعن
واهيت ذيك الليله بالشوارع مع هالثوب المخطط تسني بسه مشرده
لا صديق.. ولا رفيق...ولا طريقن اتبعه
وقفني الشرطي...وش قاعد تسوي
قلت ابد اتمشى اطلق رجولي.. ممنوع؟
لا مب ممنوع.. وش اسمك؟
قلت سعود..مدري ورطاان
طيب عطني اثباتك..بطاقه احوال رخصه اي شي..
قلت ما يغلى عليك بس والله ما عندي شي
ويجرني للقسم..وهات يا تحقيق..واسئله
وش عندك تدور؟
وراك تلخبطت يوم سألوك عن اسمك؟
ليش ما عندك هويه او اثبات؟
وشرحتلهم القصه الطوييله وانا اناشق ويالله يالله ابلع ريقي
والشرطي يكركر لا يا شيخ..مرره صدقناك كثر منها
قولنا وش تعرف عن القاعده؟
طيب ليش خايف ومرتبك؟
طيب متى اخر مره شفت بن لادن؟
وانا اصايح واقول الله ياخذ عمرتس يا خدووووج
غير يجلسوني بكرسي وربطو يديني
ويسألوني وورا كل سؤال يقلعون سن من سنوووني وانا اصارخ
يماااااااااااااااااااااا ااااااااااااااااه
يماااااااااااااااااااااا ااااااااااااااااه
.
.
.
بسمالله على قلبتس يا بنيتي تعوذي من ابليس وقومي جبنالتس من هارديز
ركضت للمرايه ولا كل شي طبيعي اشوى واسناني كلها موجوده الحمدالله
وانقز بحجر امي
يمه الحين انا مين بالضبط؟ ورطااان ولا سعود ولا بن عريعر؟
بسمالله عليتس انتي سوسو نور البنات وشمعه البيت
..يا ويلي طار عقلها بنيتي
طيب وين الحبه اللي عطتني ياها خدوووج؟؟
اي حبوب واي بلاوي وش جاها بنتي يا ناس
ووو بوجهي تففففففووووو الله يحفظتس من الجنون وشر العيون
تمووونين يمه بس وع لا تتفلين لو سمحتي يعني
وع عليتس محد يقول لأمه وع يا عنز
برب يمه بكمل اناظر وش صار وارجعلتس
لا برب ولا تيت قومي يله وصلي المغرب ولا اشوفتس شابكه !
ما دمرتس وضيع عقلتس الا هالزفت اعوذ بالله مقابلته اربع وعشرين ساعه
وراتس امتحانات شدي حيلتس..يلا يلا الله يرضى عليتس
========================
كنت حاط أقدص حاطه أقصد حاط (( والله ما عدت اعرف انا ولد ولا بنت ))
المهم حاط ما يستفاد ياغبي
1- أبد يخواني واخواتي لاتاخذو حبوب او ادوية من عند اصحابكم في المدارس حتى لو مكتوب عليه بندول او فيفادول او تمبره << هذا حق الحلق خخخخ
2- يا أخواتي المؤمنات ألعبن وأمزحن وأضحكن ودردشن .. بس كل شي له حدود ولا تعطي الشيطان يلعب في مختس وتركو عنكم الهياته والحركتات الماصخة..
(( يعني لو لعبتي وعرفتي فلان وفلتان وانتي في شبابش وطاف من العمر الي طاف سنتين ثلاث خمس .. وش النهاية ؟؟
النهاية بنت فاشلة مالها مستقبل محد يبيها عار على المجتمع .. والاخس والادها محرووومة من النعيم وريحة الريحان من كل الجنان ))
3- اخواني الشباب ما أحلا ان نكون صادقين مع انفسنا ومع ربنا .. بالله عليك يالي تسوي كذا مهما كنت .. تهقا ان نبي الامه ورسول الاخلاق يبي يشفعلك يوم توقف عند ربك ونت هذي فعايلك؟؟
4- اتمنا لمجتمعنا التقدم بالاخلاق الحميدة وحب الاخرين ..
بس تصدقوون أحساسي وانا بنت اااقصد وانا ولد << بعده مو عارف وشهو عليه خخخخخخخخ
شي << ابد مايجووز عن سوالفه
5- << اقول تراك اقلقتنا قوووم انقلع نام ازين لك
(( حبايبي واخواتي سعادة المشرفين عدم العبث بالنص للأستفادة الصحيحة من الموضوع))
آسف على الصراحة القوووية والتعبيرات الخطيرة
__________________
العرض العادي
