تتذكرون يوم كنا مبزره؟؟؟ <<<<<<< صح يالحرمه...
أما كانت علينا الغاز ونكت ماادري وش تبي <<<< إنتي اللي وش تبين!!!
خصوصا من رابع وانت طالع <<<<< طالع واللا نازل <<<<< ياشين ثقالة الدم
يصير البزر فيها ماينبلع انواع الملاغه والمصاله!!!!
لا وإذا طلع من سادس وراح للمتوسط ونقز لامه يقولها يمه لازم بنات عمي وخالي يتغطون !!! <<<< اتحدى إذا فيه احد مملوح بذي المرحله الشييييييييييييينه؟؟؟؟
يصير الواحد لاهو كبير ولا صغير !!!ضايع بالطوشه...
لا واشكال التنيجر فيها يعننا شخصيه...(التنيجر=المراهقين للقراوى اللي زيي!!!)
والبنت ياعمري لازم شنطه معها فيها لب جلوس=مرطب شفايف
واوتوغراف واقلام ملونه فيها لماع !! ونظارات شمسيه من ابو ريالين
وهي رايحه للناس الساعه 8 بالليل !!! واهم شي المرايه المدوره اللي تتسكر !!! وانواع الخرابيط بالشنطه وبذاك الوقت تحب لها مليون واحد باليوم<<<<مجربه!!!!
ولاهيب داريه تقعد تتقهوى مع الحريم وللا تلعب مع البزران ودها بكلش والمشكله كل الطرفين مايبونها !! البزران يقولون كبيره والكبار يقولون بزر !! والغبنه اذا راحوا الحريم مطعم وسحبوا عليها << انواع الصياح
نجي عاد للعيال !!
لا جا يدخل البيت مافيه اللا امه وخواته ويقول ياولد ولازم يلبس الطاقيه حتى وهو نايم!!!!! عاد اذا طق الثنويه يلبس الشماغ بدون عقال عشان يقلد واحد عندهم بالمدرسه !!! والا اذا اجتمعوا بنات العايله يحلى التمرمر بذاك الوقت عند المجلس يعنني شوفوني !! وتلقون معه اوراق يعنني مهم << يععع
طبعا انواع تصفيق البزران ولعن خيرهم عشان يثبت انه قوي ورجال ولا احد يحارشه !!
واقبح شي سن العظمه يانااااس قبيييح الولد يعرف كلش !! لو تجيبله سياره خربانه قالك : اييييه خرابيط الحين ازينها !! والا اييييه اعرف << عرفوك اربع عبيد وجلدوك في زاويه ياكلب << حقدت
المهم نرجع لمحور حديثنا الا وهو الاغاز والنكت حقة المبزره :
وشو الشي اللي لك ويستخدمه غيرك؟؟؟
وشو الشي اللي له ثلاث عيون ورجل؟؟؟
وشو الشي الل له عين وحده ورجل؟؟؟؟
حامل ومحمول نصه ناشف ونصه مبلول؟؟؟
حجر حجنجر حجره لا تبيض بيضه دجاجه لا رقبه طويله زرافه لا؟؟؟؟؟
امر امير الامراء بحفر بئر بالصحراء ليشرب منه الفقراء فكم راء في ذلك؟؟؟؟ << ماعرفت انهم يعنون كلمة ((ذلك)) الا قبل سنتين
والله العظيم انواع البراءه .. لا كلله كوم والنكت كوم!!!! انا اذكر اخوي يقول هالنكته اربع سنوات لين حس انه مصخها وعرف ان النكته بايخه :
كان فيه اثنين واحد اسمه مدري والثاني اسمه مخك راح مدري المدرسه ومخك يجيب بيبسي سال المدرس مدري وش اسمك يقولله مدري قال وين مخك قالله راح يجيب بيبسي
مصااااااااااااااااااااااااااله بس براءه واعذروني على التطويل بس اذا عندكم شي قديم زيدوني قاعده اسوي بحث بهالموضوع !
عنوان الموضوع : << خلاص عاد بلا بثاره
العرض العادي
