وشلون تبعد عن عيوني وتذكرني
وترجع على قلبي اللي راح بدروبه
تبيع قلبٍ على شوفك يعذبني
تشريه لامن عرفت لغيري وعيوبه
خلك مع اللي على شانه تتعبني
وأذكر ترى النفس ماهي فيك مغصوبه
أبيك تنسى كلام لشوق وتفهمني
إني نسيت الهوى لاتتجه صوبه
مابيك تذكر زمانٍ به تولعني
أيام راحت عليك اليوم مقلوبه
من يوم شفتك على شانه تجرحني
نفس تحبك عليك اليوم محجوبه
عشيري اللي على حبك يحذرني
ماطعت أنا كلمته كم قالها نوبه
واليوم أنا عشرته والله تجذبني
الصاحب اللي عليه النفس مرغوبه
أبيك تفهم ترى بعدك يفرحني
مسكين ماتفهم اللي فيك مكتوبه
أبيك تبعد عن عيوني وتتركني
خلاص قلبي نساك وقرر التوبه