يارب لاتبلينا مثل مابليت غيرنا

[أميــ الشوق ــر]

بسم الله الرحمن الرحيم
ابي اسرد لكم قصه حقيقيه لعقوق الأبناء على والديهم وبالتحديد ان هذه القصه وقعت قبل اسبوع:
((محمد هذا الولد متزوج وله ما يقارب الستة أطفال وبالتحديد يسكن في شرق المملكة على العموم ما ابي اطيل عليكم
هذا محمد سارله حادث فتصل عليه والده ليطمئن على صحته فكل ما يتصل علي جواله مايرد وكل ما يتصل على منزله تكلمه زوجته ويسألها وين محمد ابي اطمئن عليه قالت راح العمل وبعد ما عرف الأب ان الأبن يتشرد منه قال وبالفم المليان(مابي منه غير الشيطان) وبعده كلمه الولد لأنه اطمئن انه ما يبي فلوس مع انه يستلم ما يقارب 8000ريال شهريا ولكن مايجي خامس يوم من بعد إستلامه راتبه إلا وهو يطلب سلف على العموم الولد كلم والده والا الشايب يبكي وتذرف الدموع من عينيه ليش تتهرب مني انا مسامحك عن كل ما سويته فيني من كذب وغيره من المواقف التي اسميها انا عقوق وبعد الكلام عن صحته وش صارله وكيف حاله لآن ولكن لاحياة لمن تنادي وعلى العموم الموضووووع كبير وما كتبت بعض الكلام حفاضاُ على الخصوصيه ))
وهذه القصه من مئات القصص التي فعلها هذا الإبن وابي اذكر قصه اخيره وصغيره لهذا الأبن
((انه في اجازة الصيفيه الماضية اتى ألأبن إلى أحد عمال والده وطلب منه 200ريال وقله اعطيني الفلوس وانا بكره بروح اصرف واجيك واعطيك هي فقال له العامل يا محمد انا بعد اسبوع بسافر والفلوس محتاجها قله لا والله هي عندك بكره لا تخاف وجاء بكره وجاء الي بعده والي بعده الا وهذا ويأتي ومعه اهله وهم مسافرين
العامل المسكين يبي فلوسه ومحمد يتهرب منه قال له معاك صرف خمسمئة ريال
قال العامل : لا
محمد : طيب أبي أروح المحطة حقت الوالد أصرف وأجيك .
العامل : طيب خلاص أستناك .
العامل المسكين أستنى نص ساعة قال يمكن حصل أحد هناك وجلس يسولف
العامل يقول في نفسه طيب مو معقول كل هاذى الوقت يجلس يسولف وهو مسافر
العامل المسكين أجى عندي وقلي يا .... ممكن جوالك قلت له ليه وش تبي
قال لي محمد رااح يصرف فلوس ومارجع لين ألحين
قلت له :: ياحبيبي محمد مو أعطاك الفلوس قدامي ...
العامل : لا قال لي معاك صرف خمسمئة قلت له لا وقال لي يبي يروح يصرفها من المحطة وبيجي بس ما أدري وش فيه تأخر ...
أنا (( وأعوذ بالله من كلمة أنا )) :: ياحبيبي محمد ماسك خطه وهو مسافر ألحين
وأنت تقولي بيجي ألحين ..... أصلاً لو يبي يعطيك فلوسك لكان أجى عندي
وصرفت له الخمسمئة ...
بصرااحة حبيت أرفع ظغطة وقلت له :: الله يخلف عليك لا عاد تفكر فلوسك ترجعلك

بس بصرااااحة طلع أبوه أحسن منه وأعطى العامل 200 ))




يارب أنك تهديه وترجعه ألى طريق الحق والصواب

أخوكم

أميــ الشوق ــر

اميييين يارب


يتهرب من ابوه علشان الفلووس الله لايبلانا والله قصة في عقوق الوالدين


وش يستفيد ياجماعة الخير ارضى والديك وان تشوف كل شي من حوالك يهون



الف الف شكر أميــ الشوق ــر


تحياتي

ماجد التركي

[&& أميرالحب &&]

أما الأب... فالابن له مَجْبَنَةٌ مَبْخَلَة.. يَكَدُّ ويسعى، ويدفع صنوف الأذى بحثاً عن لقمة العيش لينفق عليه ويربيه، إذا دخل عليه هش، وإذا اقبل إليه بش، وإذا حضر تعلق به، وإذا أقبل عليه احتضن حجره وصدره، يخوف كل الناس بأبيه، ويعدهم بفعل أبيه، أفبعد هذا يكون جزاء الأب التنكر والصدود؟ نعوذ بالله من الخذلان.

إن الإحباط كل الإحباط أن يُفاجأ الوالدان بالتنكر للجميل، وقد كانا يتطلعان للإحسان، ويؤملان الصلة بالمعروف، فإذا بهذا الولد - ذكراً أو أنثى - يتخاذل ويتناسى ضعفه وطفولته، ويعجب بشأنه وفتوته، ويغره تعليمه وثقافته، ويترفع بجاهه ومرتبته، يؤذيهما بالتأفف والتبرم، ويجاهرهما بالسوء وفحش القول، يقهرهما وينهرهما، يريدان حياته ويريد موتهما، كأني بهما وقد تمنيا أن لو كانا عقيمين، تئن لحالهما الفضيلة، وتبكي من أجلهما المروءة.

فليحذر كل عاقل من التقصير في حق والديه، فإن عاقبة ذلك وخيمة، ولينشط في برهما فإنهما عن قريب راحلين وحينئذ يعض أصابع الندم، ولات ساعة مندم. أجل، إن بر الوالدين من شيم النفوس الكريمة والخلال الجميلة، ولو لم تأمر به الشريعة لكان مدحة بين الناس لجليل قدره، كيف وهو علاوة على ذلك تُكفَّـر به السيئات، وتجاب الدعوات عند رب البريات، وبه تنشرح الصدور وتطيب الحياة ويبقى الذكر الحسن بعد الممات.

اللهم اغفر لنا ولوالدينا، وارحمهم كما ربونا صغاراً، واجزهم عنا خير ما جزيت به عبادك الصالحين، وصلى الله وسلم على نبينا محمد وعلى آله وصحبه.

الف شكر على الطرح

الزرد

[خيال الرٍوٍح]

السلام عليكم ورحمة الله وبركاتة

مشكور اخوي امير على الطرح القيم ورائع

ويعطيك الف صحة وعافية

ننتظر جديدك

تقبل مروري

[عمشاء]

مشكوووووووووووووووووووووووووور

[أميــ الشوق ــر]

أخوي الغالي
ماجد التركي

مشكور يالغالي على مرورك وفعلاً وش بيستفيد
من عقوق الوالدين
أقسم بالله أقسم بالله أقسم بالله
أنك لو بريت بوالديك والله العظيم مارااح تحصل
ولا عقبه في طريقك بسبب دعوات الوالدين
وأسئلوا مجرب
مشكور أخوي على المرور

[أميــ الشوق ــر]

الزرد
أخوي الغالي
والله العظيم ما أدري وش أقولك
كفيت ووفيت يالغالي

أخوك
أميــ الشوق ــر