راحت وحدة من أخواتي ومعاه أختي المتزوجة بعد صلاة التراويح عند الكوافير عشان
تعمل لشعرها (بليــــــاج)وقبل ما تروح كانت قدها كلمت الكوافير وسألتها عن الكوافيرات اللي يشتغلوا عندها قالت لها الكوافير لاااااااا تطمني هـذولا فلبـينيات وشغلهم حلوقالت طايب تمام وراحوا وما كانت من روحة لهذيك الكوافير ووحدة من أخواتي واقفة(عاد هذي عندها خبرة في التجميل والصبغات ) والثانية هي كبش الفداء اللي قاعدة تصبغ لها الفلبينية واللي واقفة قاعدة تقول للفلبينية اعملي كدا ولا تعملي كدا قامت الفلبينية قالت لها انا اعرف شغلي قالت اختي للفلبينية تيب مومشكلة يمكن عندها حكمة من هدا التوزيع لحصلات الميش وبعدة عن الكوافير ........................................... ويوم اللي راحت كل وحدة منهم بيتها اكتشفت اللي عاملة لشعرها بلياج انه الفلبينية صلحت شعرها خريطة العالم من كثر الأوان ويوم تطالع خصلات الميـــــــش الا هي فااااتحة بالمرة صارت كأنها الشمس القريئة ( الشمس الجريئة )وندمت انها عملت البلياج وقالت لازم اتصرف واغمق الخصلات الفاتحة بالقليل اللي قدام الوجه اللي يشوفوها الناس يالله خليني اجرب في هذي الخصلة ............... وما كانت من تجربة وجربتها أخذت حاجة اسمها الدوج (أنا مستغربة من وجود الدوج في بيتها لأنه مو حلو )اهم شيء أخذته وتحطه على ذيك الخصلة إلا اتحول اللون من السكري الفاااااااتح لدرجات الأخضر وأكلتها فجعة وهي في وادي الفجعة وزوجها يبغى ينام وهي مو راضية تخليه ينام وراح زوجها ونام وتركها وحدها هي وفجعتها ............. وجات بنتها قالت إههههههههههههه ياويلك يا ماما من بابا قالت لبنتها اجلي معي لا تنامي وتخليني وحدي قالت بنتها حاضر بس اشرب مويه وأجيك وراحت بنتها نامت وخلتها بورطتها قالت لازم اتصل على اخواتي آخذ حل منهم واتصلت علينا وحنا بدورنا طممناها وقلنا لها مافيه مشكلة يعني ان شاء الله راح يرجع للونه الطبيعي بس تطمني وراحت غطت شعرها بمنديل ونامت اليوم الثاني زوجها طيران على الصيدلية جاب لها صبغة بني غامق وصار شعرها بعد الصبغة البني الغامق اخضر غامق وبعد صلاة التراويح وهي واختي الثانية محضرين عندنا راحوا اشتروا صبغة بني فاتح وبدأو شغل في خريطة العالم " شعرها " والحمد لله صار لونه حلو الحكمة من ذكر القصة انكم ما تغامرون مع هالصبغات والكوافيرات
*a