فـي الفـجــر يـحــلـوّ الـسـهــر !!!

[ــالمزيون]

سلالام عليكم

الحي يحييك والميت يزيدك غبن

يالله ان تحيي كلن بأسمه محااتسيكم اطال الله في عمره وحفظه في حله وترحاله (( اشوا انك ما تعديت درجة بيتكم )) >> اللي هو انا .. رجعت للمنتدى مره ثانيه << بشر امك
اكيد اغلبكم ماعرفني .. والا قل كلكم اذا صح التعبير

بس وش السوات تدرون اني هامور اسهم ومتابع لبورصه نيويورك
الا على طاري نيويورك .. تراني حاليا ادرس في امريكا في ولايه اوهايو وهذا السبب اللي خلاني مااخش المنتدى لاني لاهي بالدراسه << مشاغل الدنيا اللي يكفينا شرها (محد سألك الله لايشغلنا الا بطاعته)

المهم قبل مانخش بالموضوع فيه شي شد انتباهي

^
^
بغيت اسوي باك واطلع من المنتدى خخخخخخخ



نخش باالموضوع

الله يسلمكم انا عندي ام كل شي يوجعهااا... يعني وش حتسيها كله .. رجيلتي توجعني ويديني تنمل وظهري فيه مصووع .. من كثر الامرااض يوم كشف عليهاا الدختور ما كتب لها علاج كتب الصيدليه بأسمهاا
اذا دخلت عليها احب راسها .. وبدل مااقول كيف الحال اقولها وش تونسين اليوم خخخخخ

وفي يوم من الايااام في عز القاايله الساعه وحده الظهر كنت جالس انا وأمي وأبوي الموقر كانت امي مبوبزه ( فيها بواسير) نقزت امي وقالت والله يا ابو سعود تقول جارتناا انها تخبر شيخ يقرا على هالمريضين ومن يوم تطلع تعرف ترقص سامباا من زود الصحه ( امي ماخذه دوره في المبالغه :) )) قام ابوي وقال زين نوديتس له بس والله عقبهاا لو تقولين رجلي تونسني ولا شين يوجعتس لـ اذبتس في بيت اهلتس < احس ان ابوي يدور الزله خخخخخ

انا قمت احتسي مع امي اقول هالشيخ وش يقراا عليه قالت يقراا على المريضين وعلى اللي ساكنهم جن << يوم قالت ساكنهم جن تصافقت ركبي قامت امي وتنقط علي درااهم تحسبني اشكشك الزبده اني قلت لهاا عاادي يا اميمتي ما يخاالف بروح معكم ..

الزبده يوم اننا وصلناا دخلنا على الشيخ والله واشوف ذيك الزحمه وانوااع الرواائح كل وحدتن تشم ريحتهاا كنه بسطاار جندي ماسكن خفاره اربع اساابيع
وجاالسين صافين سراا كاان جنبي وااحدن من زود الوصااخ اللي في ثوبه لو تعصره في حنجره تسلب كان فطس .. ثوبه كنه بلكاااش احس ان فصخه ما يعلقه احس انه يذبه ويوقف ..
ثوبه فيه ميزتين .. يقدر يلبسه ويقدر ياكله << بسكوت مهوب ثوب خخخخ
<<<< وش بلاه مسك خط على الرجال

المهم مشى السـّرى الين ما بقى قدامناا الا وحده الشيخ يقرى عليهاا قام يقرا .... انا اشوف البنت يطلع منهاا صوت رجاال احسبهاا تستهبل على الشيخ انا قمت اكركر واقول يلعن ام الموهبه سجلي صوتك وارسليه لي بلوتوث
الشيخ عطااني نظره مقطعيه خطاافيه تعبر عن (( كل ترااب لأتوطى في بطنك )) ... امي نغزتني وقالت ترى فيها جني سم بالله انا طارت بوهتي وسكت

اسمع الشيخ يقول انشاءالله انك بتطلع وهو يقول منيب طالع .؟ (( قمت انا رحت فتحت باب المجلس اللي يقرا فيه الشيخ واقفن عنده قلت لشيخ ما عليك انت طلعهاا وانا بسكر البااب ما دريت الا علبة مويه مقري عليهاا جايتن في جبهتي ))
رجعت لمكااني واسمع يقول الشيخ ترى بحرقك بالقرآن .. قال الجني ترى ان حرقتني بطلع وبدخل في اللي جنبك يا ســلااااام اللللللللله من اللي جنبه انا :) ما استوعبت الموقف الا بعد خمس دقايق وانا اللي انقز واساابق الريح ابي انحااش ,, لين ابوي جالسن عند السيااره قال ارجع اجلس مع امك يا ملعون الجدف ..

قلت والله ما ارجع قال اللي رفع سبع وطمن سبع ان ما رجعت والله اني لـ اتبرى منك الى يوم الدين

خطمه :-
عااد انا اقول تكفى لا تتبرى ملحطني طول عمري اجل باللهي عليكم قد شفتو ابو يقول لولده لا تدخل حمامات البيت تخيسناا رح لحمامات المسجد وحااطن لي كرتون ثلاجه تحت الدرج عشان انام فيه .. ذاك اليوم دخلت حمام البيت وطلعت ونسيت سروالي الصغير وما علي الا سروالي الطويل لقيت ابوي مقابلني وراكبت عنز العتبان ويااخذ الزنوبه ويلعن جدفي الين تمنيت اني زنوبه عشان العن جدف احد قال رح شل السروال وانقلع واروح للحماام لقيت الصراصير طاقين قرعه من يشيل السروال خخخخخخخ

نرجع لمحور حديثناا وانا اللي اركب السياره وابوي يركب والين امي طالعتن من الشيخ كنها بطريق ان جت تمشي يا حبي لهاا هّّوو يا وليدي وراك انحشت الزبده اني رجعت للبيت وابوي قال هالحين يا ملعون الصير ورااك منحااش يوم قلت له السالفه قام يضحك ويقول يا ليته داخلن فيك ويكفناا من شكااوي المسجد مخيسهم مصلين الترااويح في الشاارع والمسجد فااضي من خياااسك

انا صرت اخاف من الجن وصرت ارسم صورته ابي اعرف شلون شكله الين وصلت الى انه واحد على شكل انسان راسه رااس حماار وماله رجلين وله حواافر ويدخن مالبورو احمر



ما يستفااد من الموضوع :-

1- نام بكير واصحى بكير وشوف الصحه كيف بتصير

2- ان سمعته قرقعه في البيباان ولا اللمبه تطفى لحالها سم بالله (( يا رجال اللمبه ما تطفى لحالها ابوك الطفراان ما سدد الفاتوره ))

3- ان جيت تودي امك عند شيخ دخلهاا واطلع :)

4- حمامات المسجد ما تنقطع مويتهاا :)

5- ابوي وامي اشتقت لكم

6- احبكم



تحياتي لكم

المزيون

[ــالمزيون]

بسوي عرض .. اول واحد يرد بعطيه جائزه كرتون بطاطس البطل وعصير ربيع

[ميــ قمر14ــشو]

ههههههههههههههههههه
ههههههههههههههههههه
ههههههههههههههههههه


سلامااااات وما تشوفون شرررر إن شاء الله ... أجل اللي يطلع من عند الشيخ يرقص سامبا



حياك الله يالمزيون وولكم بااااك ... ومشكور على هالموضوع الحلو ... وننتظر جديدك ...

[ــالمزيون]

تسلم ميشو على مرورك وتثبيتك يابعدهم

ونردها في عرسك ان شاء الله خخخخخخ

[nada]

المزيون ... يالله حيه

الا على فكرة وين الجوايز ,,, متى التوزيع <<< من زمان وهي تبي هدية

(الا على طاري نيويورك .. تراني حاليا ادرس في امريكا في ولايه اوهايو..) <<< لا تكشخ علينا و لا يكثريعني وش فيها
الدراسة الداخليه دبلة قلب على اصولها( وجه يصيح )

( ( امي ماخذه دوره في المبالغه :) <<<< و انا اشهد


(انا اشوف البنت يطلع منهاا صوت رجاال احسبهاا تستهبل على الشيخ انا قمت اكركر واقول يلعن ام الموهبه.... ) <<< ههههههههههههههههههه
حللللللوه منك على قد سنك

بسم الله علينا ولا حولينا

<<< كله تتخيل بالليل واحد يناديها ندى ندى ندى <<< يمه اكل العافيه
ابرك

(قال رح شل السروال وانقلع واروح للحماام لقيت الصراصير طاقين قرعه من يشيل السروال) ههههههههههههههههه + ووووووووووووووووع

( احبكم ) <<< و حنا بعد

يسلموووووووووا خيو

[دامبيش]

في الفجر تحلو العبادة

[ــالمزيون]

^
^
قل قسم .....

[ــالمزيون]

ندوو يسلموووو على ردك العثل ويعطيتس الف عافيه