يا روح الروح
يا كل الناس
يا نبض القلب وسنينه
لا تزعلى
لا تغضبي
لو أبعدتني دنيتي
غدا أعيش بدنيتك
ونعوض اللي فات
وانسج لكِ أحلى الذكريات
وأحقق الآمال
واسعد كل أيامك
وأيامي معك
مقدر على زعلك أنا
أتوه أضيع بدنيتي
أحس هذا الكون
سرداب يضيق
إذا تعمقت المسير
عادي يجي غيرك
ينادي مسمعه
يمكن بعد أتجاهله
إلا أنت إذا ناديت
تفز لك كل المشاعر
كل الأحاسيس
ترتمي أزهار
تاطاها خطاك
حبيبتي
يالمعة الألماس
ويا بريق الؤلؤ
يا سنا الفضة
ويا ماء الذهب
يلومني إنسان
فاقد للمشاعر والسكون
معتب عليه
إن كان قلبه مات
في صدره زمان
مسكين عاش بلا وجود
خطاه تتعثر كثير
محروم من لمسة حنان
وش فايدة دنياه
ينقصها الكثير
وأهمها قلب الحبيب
العرض العادي
