السلام عليكم
افتحوا افواه احاسيسكم
ساهديكم نكهتها
ونكهة الحروف فيها
عيني عليها...وبسم الله عليها
حلا كل البنات !!
ست الكرز...والتوت
ريحانة العشق...رمانة الشوق
الوردة البيضاء على خد المسا
باختصار...
يموت....في عنقها الياقوت
تلمها عينك...ويبدى في مشاعرك
الشتات
سبحان خالقها...من غير.. ليه ؟.. وكيف..؟
امووووت فيها....ومن عيني
اسمي عليها ...واداريها
ان تكدر كركبتني
كذا !!........ لعانه !!
وغصب عني اراضيها
وادمح اللي جاي...واللي فات
...كن فيروز مع قهوتي
لي تغنيها
....نغمة ام كلثوم
في كل اغانيها
وعيونها
آآآآه.....ياعيني
من رمش تامرني وتنهيني
وان سولفت في خبر (كانَ )
توديني
غيرة الورد...في خد
والتفاح... في خد
والشفا سكر نبات
من تقهويتها
والعقل
بين جرز ومد
حلا كل البنات...اجمل اقداري
اللي جاي...واللي فات
عيني عليها...وبسم الله عليها
من عيون البنات !!!!
ــــــــــــــــــــــــــــ
(كل عام وانتي بخير ياانثى خارج المكان)
ابع ــــاد فكر |