يا سلام بس ياسلام
الواحد بالشهر الكريم صراحه ضايع بين طبخات و مسلسلات واسواق
مكرونه سمبوسه لقيمات لاوفيمتو بس في رمضان وغير رمضان مطاعم ورز ولحم
ليش هو شهر يفتح الشهيه اعتقد ان محرم وصفر الواحد يجوع يمكن.
طيب ليش ماننوع في الاكل كل شهر و رمضان نعطي وقت لنا شوي بدون مانهتم في بطونا
طيب ابي سمبوسه في شوال ممكن؟؟؟؟؟؟؟؟؟؟؟رمضان وبس
احنا نصوم مو عشان نأكل الف صنف ..احنا نصوم عشان اهداف ساميه في ديننا ياناس
طيب والمسلسلات سبعة الاف مسلسل وفي كل قناة احيانا تصير القنوات كلها وحده.
اعتقد ان لكل مواطن مسلسل كل واحد حسب وقته الف شكر للأعلام العربي
لا وطاش طاشت على وجهينا هم ماينتقدونا كثر مايضحكون علينا ونضحك من زين عقولنا والله.
صراحه عقولنا ضايعه في رمضان مع البرامج افكارنا مثل المسلسلات كل ساعه لنا شكل وطبع
السوق/ صراحه ما يكمل رمضان بدون السوق صايركنه واجب
ليش تقوللون عيد طيب مانلبس زين الا في العيد وباقي الايام وش نلبس
يمكن عشان لبس جديد والناس يشوفونه .
ابي جزمه جلد نعامه والله لو تلبسين جلد بطريق ماحد درى عنك
ابي محفظه حمراء نفس لون الاسواره ليش بتلبسين المحفظه فوق يدك
ابي فستان ما احد يلبس مثله طيب اللي يفصل الفستان نقتله عشان انتي المميزه بفستانك
ابي ابي ابي ولا امي امي امي
والسهر / ايه السهر في رمضان واجب عشان تنام في النهار وماتصلي فروضك ايه انت صايم وتعبان
طيب ليش تصوم وقت صيامك كله نوم ...
الله الهادي
تحياتي