الوgggggggggggرده
الوgggggggggggرده
أشوفك يانظر عيني مثل ورده وتقطـر مـي=عقب ماشع ضو الصبح وقبل الشمس ما تطلع
وسط بستان فيه الطير والأشجار فيـه الفـي=وراعيها يراعيها يخـاف إن وردتـه تقطـع
يداريها عن الأشواك ويبعد عن حماها الطـي=ولو أحـدٍ يناظرهـا تنمـى نظرتـه ترجـع
وبيدينـه يرويهـا ولا يقطـع عليهـا الـري=وهي مثله وفيه دوم لـه تعطـي ولا تمنـع
عبيرٍ فاحت أطيابه نبع من حس كائـن حـي=وفاء الورده أساسه من وفاء شخصٍ بها يطمع
أنا مخطي بتشبيهك بها لورده ولا هي بشـئ=لأنك أجمل من الورد وإنت أحلى وإنت أروع
أنا وردي نما بالجوف وتحديداً بنفـس الحـي=سقيته من عروق القلب ورويته مـن المدمـع
عشقته بأول سنينه بوقتٍ كان مـا هـو بلـي=سباني وشت أفكاري ومن غيره لها يجمـع؟
عطيته كل أحاسيسي قبل مـا تلمسـه إيـدي=عليه أجود بالدمعه عسى الدمعات لي تشفـع
وليفٍ فاق بأوصافه شذا الورده ونور الضـي=عطاه الله جمال وزيـن سبحـان مـن أبـدع
حسن وأخلاق متربي وعمره ما مشى بالغـي=نشأ بحماية المولى وبـارك ربـي المطلـع
أبيه بسنـة الخالـق وسنـة عبـده المهـدي=وإذا جاني حبيب الروح أنوار أفراحنا يسطع
تحريته سنين طوال نوب أصبر ونوب أشكي=عسى ربي يجيبه لي ومن شوفه أريد أشبـع
وسلامتكم يا غالين
الأشــــــ فـــــــــارس ـــــــــــعــــــــــار
العرض العادي
