موقف في مطعم - الصفحة 2

أخو الورور · 13-11-2005, 10:57 PM

اقتباس

المشاركة الأصلية كتبت بواسطة ليــان المملوحه


	والله شي غريـــب طيب أنا أذكر لكم موقف وتردون علي بصراحةالمهـــم أخذنــا العمرة ولله الحمــــد بس رجاجيــــــــل يله يله روحوا على بيوتكم! ! ! طلعنا وسكتنا ماعصبنا مثلكم عشان مطعم ولا عشان سوق سكتنا وخليناها على رب العالمين وش رايكـــــــــم يعني من موقفه أغـــرب عموما الله يعيــــن والواحد منا يحتسب الأجر وبعدين ترا أحنا هنا اخوان وكل واحد يعرض مشكلة له واتمنى اني مازعلت أحد منكم يا أخوانــــي بكلمة بدووون قصــد أختكم ليــان المملوحه. . .

ياشيخـة ..

لا تشيلي هم ..

أنا اللي ساكن بجدة .. ودايما الحمد لله نازلين جدة .. ماعمري فكرت أروح أبوس الحجر الأسود ..

تقوليلي ليــش .. عشان هناك الناس همج استغفر الله مو كـأنهم .. عند باب الكعبة .. في طابور ويجوا من قدام ويدفدفوا .. واخر حركات بايخة من بعضهم .. واذا وقفت في الصف زي الناس المحترمة وتقرب من الحجر تلاقيهم يطلعوك على برا .. انا جربتها مرة وحدة وماقدرت اوصل وكنت رح اختنق واموووت من كثر الدف ..

ولا رح أعودها الا اذا لقيت مافي ولا مخلوق عند الحجر الأسود

أخو الورور · 13-11-2005, 10:59 PM

[quote=مـمـ الـلـيـل ـلـكـة]

الصراحه

بس صراحة الشباب طول السنه بالمطاعم ,,

والعوائل أغلبهم بالمناسبات والأعياد يتجمعوا بمطاعم ,,

والله يعينكم يالشباب ,,

من قااااااااااال إننا طول السننة بالمطاعم .. اذا رحنا مطاعم بس نروح ماكدونالدز وهارديز والطقة هدي ...

وبس

الورور · 13-11-2005, 11:19 PM

يا اخو الورور مع احترامي الشديد ليك

انتا انسان ما تستحي

يا اخي مين كاتب الموضوع انا ولا انتا

ايش الكلام دا

كل ما انا اكتب موضوع تقوووووم انتا ترد

انتا تبغاني اخرج من المنتدى يعني؟؟؟؟؟؟؟؟؟

يا اخي موضوع (البنت تسوي اللي تبغاه في البلد ) ومشيتلك هوا

تجي هنا كمان وبرضو ترد

والله سديت نفسي للرد

ما حادر خلاص