لكل انسان منا ذكرى حزينه ,, والانسان دوما ترسخ في ذاكرته ما كان على شاكلة هذه المواقف
لكن اسأل الله العزيز بعفوه ومغفرته ان يهون علينا مصائبنا
***
في مثل هذا اليوم من العام الماضي كنت اتلقى التعازي
في وفاة خالي الله يرحمه من مرض ألم به فجأه
وعزاؤنا انه توفي في العشر الاواخر من رمضان والان وقد مرت سنه على وفاته
جادت قريحتي بهذه القصيده
سر يا قلم واكتب تعازي للأحزان=وخل العيون تسيل دمع حواها
ما يصير تبقى دمعة بعـد ما كان=لازم سريب الدمع يجلب عماها
من بعد ماجاني الخبر صحت فزعان=ماظتتي عقـبه اعايش مداها
من عقب خالي اليوم عايش يتمان=ماغير اهوجس به وادعي بسماها
ماطاب لي ماكل ولا النوم لي زان=ارعى همومي سايرٍ في عناها
لاوالله الأ زاد بالحال نقصان=وصارت دموعي في عيوني تباها
ماكنت افـكر يوم في ذيك الأزمان=أنك يا تاجي صايرٍ في ثراها
الين قالوا لي ترا الخال مرضان=وزود المرض يمحي حياةٍ قضاها
أظلم علي جوي ولا ابصرت عمـيان=تكدرت دنياي واقبل غثاها
ضيعت دربي وامشي بدون عنوان=أرجي عسى الله يسلي نفسٍ بلاها
راح الذي باسبابه اليوم سهران=خالي اللي لعمس عيني جلاها
الله واكبر كيف لفوه بالأكفان=كيف الذي بالأمس روحه نعاها
قفى وترك قلبٍ مع الهم سهران=وخلى لعيني زوله اللي غشاها
خالي يا عالي الصيت بكل الاوطان=دمعي بثراك اختلط بزود ماها
مرت سنه يا خال والموت ما هان=والعين تدمع ولون الجمر جاها
كم ليلةٍ كفيت دمعي وهو سيلان=وكم ليلةٍ شديّت همّي وتهقاها
اشكي لك همومي وصدرك لها بستان= واليوم همّي يا زين محدٍ دراها
يا خال الحال من عقبك يوه ما زان= اضحك البسمه والحزن دايم غشاها
اظهر بياض السن وانا بداخلي كتمان=والعين بالمحاجر محدٍ سلاها
راح الذي باسبابه اليـوم سهـران
خالي اللـي لعمـس عينـي جلاهـا
غالينا سيف الود
انا لله وأنا اليه لراجعون
رحمه الله خالك وأسكنه فسيح جناته
تدري يسيف أنا بعد فقدت خالي لي من سنتين
وعمري ما انساه حتى يهيلو عليا الترايب
بكيته بدموع حرقت قلبي قبل عيوني
والحمدلله انه ربنا يحبهم
فختارهم لجنبه بلعشر الاواخر
وربي يصبر قلبك ويعطيك طول العمر
كلماتك كانت خير عزاء لروحه الطاهره
سلمت يمينك وصح لسانك
وعساها خاتمة الاحزان يسيف