يكفي إني لا لمحتك تنفتح دنياي نور=تختفي مني همومي وابتدي بذكر القصيد
ابتدي اكتب شعوري واغرس لحرفي جذور=وانتهي عند النهاية وينتهي جرحي العنيد
ابتسم لأحزان قلبي ويرتسم فيني شعور=أشعر إني في ابتسامي ألعب أدوار البليد
ليت يا قلبي المتيم تفتهم طبع الزهور=وتصنع لزهرة حياتك مبدأ الحب السعيد
إنتي في فِعلِك غزالة والأسد عندك يخور=مدري ليش إن قلت فيكي ما اقدر اسكت مير ازيد
إنتي في فعلك دراما والبطل بين الحضور=إنتي مثل البحر دايم ألقى في بحرِك جديد
كل ما جيتِك لقيتِك تختفي عند الظهور=الغريبه إن فيكي يجتمع نار وجليد
إرحميني يا ودادي وانشري بطيبِك عطور=اشرقي في صفحة ظلامي وقرّبي ذاك البعيد
ضاع صيتي لو رحلتي وترجع أشجاري بذور=ويشهد أهل الود إنك غاية القلب الوحيد