لمتابعة الجزء الأول ارعص هنا
لمتابعة الجزء الثاني ادعس هنا
وتوجه سيف الود ومثير للطيارة فرحانين انهم بيركبون
شوي ويدق جوال مثير تدرون من كان المتصل ؟!!
كانت حليمة بولند
مثير : نعم ( طبعاً صوته كان صوت بعير هايج يرغي مثل العادة )
حليمة بولند : هلا بمثير وينك يالقاطع
المسلم : أنا هنا في المطار ياعمري
حليمة بولند : وش تسوي في المطار يامجرم
مثير : أنا حاجز وجاي للكويت
حليمة بولند :صدق والله احلف ( قالوا للص احلف قال جاك الفرج )
مثير : والله العظيم أنا في المطار وراح أجي للكويت
حليمة : طيب متى بتوصل
مثير : بعد ساعتين يا بعد سعبولة خالتي
حليمة : خلالالاص أنا في انتظارك ياحلو اممممممممموه
مثير : عقب هذي البوسة دااااخ من جد ومايدرس وش يسوي قال أبتزوجها يعني أبتزوجها ( من بوسة قرر انه يتزوجها اللهم لك الحمد بس أهل العقول في راحة ماقلت لكم مافيه مخ بس ورقة في راسه مكتوب عليها " مخ " عشان الدم مايضيع وعلى فكرة هذي وراثة من سيف الود
سيف الود : وش بتسوي اللحين بتروح معي والا لا ياللوقي
مثير : اسكت وانطم وعلى شحمة وش اروح معك أسوي يا الأفريقي أنا الحين بروح للكويت عشان أروح لحبيبة القلب حليمة بولند ولاتنسى اني حلفت
سيف الود : لا لا لا حرااام عليك خيانة خيانة يالكمبوخ يالبزر ياللي فيك ومافيك ( نفس كلام مثير لما طلع من باب المطار الدوار ) .
سيف الود : وش أسوي بالتذكرة الثانية خسارة علي بس
مثير : دق على ميشو خلها يروح معك بدالي
ويدق سيف الود على ميشو ويجي طيراااان على المطار
لما وصل ميشو المطار وخلص كل إجراءات السفر ركب وياسيف الود الطيارة <<<< في المطار أكيد طيارة أجل بعير انت ووجهك غبي غبي <<< واحد عارف قدر نفسه
وكانت رحلتهم على الخطوط الإمبراطورية الودية
وكانت ترانزيت تتوقف في مطار ولاية الدوادمي الشقيقة أو الصديقة والله ماني متاكد بعد كذا تواصل رحلتها إلى بيروت
لما دخلوا الطيارة قابلتهم المضيفة وكان اسمهما ( نعسة ) وسألتهم وين البوردينق ياللحية الغانمة انت وياه
سيف الود : هذا البوردينق حقي
المضيفة : وانت يابوعيون وين إقامتك يازووول
ميشو : احترمي نفسك أنا مواطن سعودي
المضيفة : وش الدليل
ميشو : الدليل اسمعي
سارعي للمجد والعلياء مجدي لخالق السماء
وارفع الخفاق أخضر يحمل النور المسطر
وقعد يرددها ميشو إلين أزعج أمها بالنشيد الوطني من كلمات " هاتف عطية عطلان وألحان فتى الدوادمي " ونيس مونس ربعه " وأداء فتى الدوادمي " ميشو "
لما خلص قالت له المضيفة يالله على فصلك ياولد أقصد تعال معي أوريك خيمة الشعر التي بتخمد فيها
ميشو : ليش خويي سيف الود شاليه وأنا خيمة شعر ليش أنا بدوي مثلك شايفتيني أفطر على كبدة حاشي كل يوم
ولا أحط لبن مع كبسة الرز ولاانسدح تحت الناقة واشرب حليبها مباشرة بدون تطعيم ولا تعقيم ولابسترة
وإذا حلبتوها شربتو اللبن في طشت اللهم لك الحمد
شايفتني مثلك يالمحلية يالمصدية إذا رحت بوفيه ( FAST FOOD ) وجبات سريعة أقول للهندي عطني واحد شكشوكة بدون بيض
وإذا طلبت شيء بارد أقول عطني واحد عصير وواحد كوكتيل على باله إن الكوكتيل مو من فصائل العصيرات
ولا أقول له عطني شكن شيز بدون جبن
يالمخيسة أنا عندي في السعودية ناقة فور باي فور 4X4 تعرفين معنى فور باي فور يعني أسرع من طيارتكم هاذي اللي أنا راكبها وزوجها البعير اسمه " ريكي مارتن " على اسم جدي " هيثم " وكان ستب باي ستب انتي وذا البرقع اللي في خشتك طالعة بقرة فيه
أنا اللي قال فيني الشاعر الفلبيني فوجي ياما المعروف ب" مثير "
ميشو هذا ماتعرفونه
يركب الجمس الأحمر ويصفي كل طبلونه
والبنات من الدرايش يغازلونه
والشباب على الرصيف يشجعونه
والشياب من وراه يلاحقونه
وإلا انا مثلكم إذا تزوج الواحد منكم الرجال مايشوف وجه حرمته إلين ينتقل إلى الرفيق الأعلى بحجة إنه عيب وغير الوجه عااااااادي جداً موعيب على العكس يعتبر رجال من الرجاجيل
نعسة : خلالالالاص صدقت انك سعودي كامل الدسم ( موراضية تنسى اللبن ) ومثقف بعد بس الله لايهينك عطني البوردينق حقك
ميشو : لو سمحت احترمي نفسك ( ميشو راعي مشاكل طالب حرش ذا العربجي )
أنا ما أدخن ( امحق مثقف ) وبعدين موعيب وحدة مثلك بدوية ملتزمة بعاداتها وتقاليدها تطلب مني أني أعطيها سيجارة لا ومارلبورو ولونه أحمر ( وش دراك ياميشو إنه فيه ألوااااان للدخان آخ منك محترف في الشغلات هذي )
أجل اليوم تطلبين مني دخان وبكرة فووول وتنسين اللبن اللي تربيت عليه منذ نعومة ظلفوك
وانتي شكلك ماتستخدمين مناكير شكلك تستخدمين براميل بويه وعساها تكفي وإذا بغيتي توخرينها استخدمي تـنر
المضيفة : آسفة ماعندنا تمر في الطيارة اذا بغيت تمر حياك الله في قبيلتنا وأبشر باللي يلطسك بالتمر واللبن
ميشو : اقول مافيه مضيفة غيرك في الطيارة
المضيفة : لافيه بس كلهم مشغولين قاعدين يطبخون
ميشو : كلهم يطبخون ليه وش يطبخون ذولا " بعير "
المضيفة : وش دراك يالسمرمدي أكيد انك مريت المطبخ وشفته يالملقوووف
ميشو : تقولينه من جد " بعير "
المضيفة : من جد والله بعير هذا البعير الله يسلمك بمناسبة مرور مائة عام على إنشاء مطار ولاية الدوادمي
ميشو : يعني بناكل بعير بس
المضيفة : لا فيه مقبلات طال عمرك
ميشو : إيه أشوى وش هي مقبلاتكم
نعسة : كوارع وفي رواية كراعين بعير للرجال وكراعين ناقة للنساء
وحاشي أو قعود للأطفال من الذكور وبكرة للأطفال من الإناث مع صبابين قهوة وفيه بعد " مكسرات " حسب الطلب
ميشو : الله يلوع كبدك يالله فارقي عني بس
نعسة : طيب قبل لا أطس وين بتقعد فيه
ميشو : بقعد جنب صديقي الصدوق وحبيب ألبي سيف الود
سيف الود : هلا وغلا بميشو هاه أشوفك طولت وانت تسولف مع المضيفة شكلها عجبتك اعترف بسرررررعة لاعضك الحين
ميشو : ولا وش رايك تبادلني بأليسا وتاخذ هالجعافة اللي يسمونها المضيفة " نعسة "
ميشو : من جدك انت والله لونخسر بعض مجنون انت أعطيك أليسا تبيني آخذ هالمضيفة اللي مافيها لاملح ولاقبلة
راح يمسكوني الشرطة لو أمشي معها تدري ليش وجهها إزعاج سلطات
ماشفت وجهها انت وجهها يقول : " لا للمخدرات لا للبطالة لا للسعودة "
وجهها عقوبة إلهية اللي بيتزوجها لاومن زين هالعيون تقول عيون بقرة والله ماحلاها الا هالنقاب اللي لابسته لو البقرة تلبس نقاب والله لارقمها ياشيخ قم بس قم .
الرجاء من السادة الركاب ربط اللجام وذلك استعداداً للتنويخ في مطار بيروت الدولي " لاتسغربون الطيارة من الدوادمي "
سيف الود هلا وغلا بمطار بيروت وأهل بيروت وطيارات بيروت
ميشو : ارحبو هلا ببراقع بيروت وخيام بيروت وبعارين بيروت
الرجاء من الركاب عدم التحرك والنزول من السنام قبل أن تقف الطائرة على حيلها تماماً مثل البعارين لأنها نوع حاشي مو قعود
مزيد من الأحداث لسيف الود وميشو في الجزء الرابع بإذنه تعالى وهو الجزء الأخير فترقبوه قريبا في الأسواق
العرض العادي
