ياهيه ياانتِ يالسواد يالكـره يالحقـد الحسـود=روحي عسى الله يقلعك عني ولا ارجي عيشتك
ماينقض العهـد القديـم إلا عـدوٍ لـي حقـود=وانتي نقضتي عهدنا من دون ماعرف حجتـك
نار احرقتي واحترقت وانتِ على اعصابك برود=كن الذي حاصل معي ماهـو سبايـب غلطتـك
والله لو اني اجنبي ارحم من انـي لـك اعـود=ارحم من اني اعرفك من يـوم لحظـة جيبتـك
تذكري ذاك الزمان اللـي حلفنـا بـه شهـود=خوفي من الله اذكري حلف حكـت بـه شفتـك
ياقاسيـه ياظالمـه ياخاينـة حلـف وعهـود=ودي قبـل اقتـل غـلاك اجمّعـك واشتـتـك
قلبك تحجر يالحجر كنـك مـن افـراد اليهـود=ماكنك إلا جمجمـة شـارون لحظـة كلمتـك
لاواحسافـه هقوتـي خابـت ولافيـهـا ردود=المعـذره ياهقوتـي خلّـي تجاهـل شيمـتـك
خلّي تركني وابتعد واغلق علـيّ كـل السـدود=مدري وش اللي غيّره .. فجأه تناسا عشرتـك
مير ابشري ياهقوتي باللي على الصيحه يـزود=ابنتخي لك وابشري باللـي يـرد لـك قيمتـك
من باعني بارخص ثمن اثمنه حصـو النفـود=ياعزتـي ردّي علـي منهـو تحـدى هيبتـك
والله ماكنه انخلق لو هـو تمخطـر بالـورود=لو هو تجمّل واكتمل ماكنـه حـرّك شعرتـك
ثارت براكين التحدي وانفجر صبـر الصمـود=ومن ورى أنف المحبـه ترتفـع بـي عزتـك
ياعزتـي ماكنـك إلا بالـرخـا شـيـخٍ ودود=تعشقيـن بقلبـك اللـي مايخـالـف نيـتـك
تجلسين بجنـب خلـك والغـلا عنـدك يجـود=تسعدين الخاطـر اللـي كـم هيـض بسمتـك
وان لفـت يمـك حثالـه علميهـا بالـحـدود=وفهميـهـا بالمـقـام وفهميـهـا رزتـــك
المشاعـر ماتجمّـع مـن الشـوارع بالجهـود=وأنـتِ يابنـت المصالـح هالسوايـا جرتـك
غرك جمالك والوفاء اكبر من حسـاب وبنـود=يالعنبـو ذاك الحـلا كانـه يخالـف ذمـتـك
ميرادلهي يم الحلا..هـاذي حياتـك بالوجـود=مادام همك كشختك .. عيشي مطامـع دنيتـك
وانا بأمن عزتي بنت الوفـاء بنـت الصمـود=لو الزمن طال شنبـه ماسـوت ابـد عملتـك
تفتل شنب ذاك الزمن لو الزمـن فيهـا لهـود=ماتلتفت صوب الردى ياللـي عبدتـي لهفتـك
هذيك واللّه اعشقه واعطي لها روحـي جنـود=وانتي مع الوقت العبي...حتـى تملّـك لعبتـك