[a7la1=#3300FF]راح الغرام وكل شي طويناه .....
كل تقفى وابتعد في سبيله...
لحظة عناد اللي بيننا هدمناه .....
في سيل هجر ما رحمنا سبيله ...
كل تناسى والغلا مانسيناه .....
بقلوبنا ثابت ولاحدن يزيله ...
من يوم فارقته على البال ذكراه .....
وين ما رحت عيوني تخيله ...
لو ابتعد ما فكر القلب يجفاه .....
ولا كنت افكر يهتوين بديله ...
ايست من حبه وشوفه وطيراه .....
وايستمن عقب البطا شوفتي له ...
لا شك بالصدفة تلاقيتوياه .....
من بعد غيبات السنين الطويله ...
شفته وكل هل دمعه من اقصاه .....
حتى الجسد عيا القدم لا يشيله ...
اقبل ويسمح دمع عينه بيمناه .....
في شوفتن فيها الاماني قتيله ...
وكل ذكر ذاك العناد وخفاياه .....
واخر عهود الذكريات الجميله ...
المشكله ماهي بشوفه ولقياه .....
المشكلة شي يزيد المليله ...
معهاا صغير توهاا تردج خطاه ....
يمشي يباريها وهي تحتمي له ...
ماخذ ملامحهاا حلا في حلاياه .....
سميت بالرحمن من نظرتيله ...
جيته وضميته ودمعي تغشاه ....
مغير اضمه في يديني واشيله ...
قالت خلاص ارجوك يكفي معاناه .....
قطعت قلبي وش بقى نرتجي له ؟ ...
غلطة عمر مني ومنكتركناه .....
ذاك الغرام اللي بقلبي عليله ...
من يوم فارقتك وقلبي ببلواه .....
طيفك معه في كل يوم وليله ...
عسى العناد الله يلعن سواياه .....
اللي طواني بالهموم الثقيله ...
والحين بعد اللي حصل وش نرجاه! .....
شي انتهى ومافيه باليد حيله ...
كل عسى الله يسعده في نواياه .....
هذا قدرنا والقدر ننحني له ...
وردت تقول (أسألك بالله بالله ) ...
حبك لطفلي وش معنى دليله ؟؟ .....
من يوم ما شفتك واشفوك تنشاه ......
كنه غلا روحك وقلبك عديله ...
كنك تبي قربه وكنك تعناه .....
مستغربه من فوق صدرك تشيله ...
وش هلاغلا ؟؟ حبك ودمعك على شفاه .....
ضميته بصدرك وكنك دخيله ...
قلت الغلا هذا بتالي بقاياه .....
طفلك اشمه لجل قربك اخيله ...
وقلت المثل يا خال حبك ومعناه .....
من ريحة ((امي )) فيك ريحه مثيله ...
[/a7la1]