&&قصيدة تقطع القلب&&

[بنـت العيـن]

هاذي أول مشاركة لي عندكم واتمنى انها تنال اعجابكم

قصيدة
تقطع القلب ؟؟؟؟؟؟
غابت عني ولا ادري وش حالتها * * * * * ولا أدري وشلون قلبي بتنام

عيونه
قلت أقوم أنشد عنها بنت خالتها * * * * * عله يرتاح قلب تلعب فيه ظنونه

صدت عني ما تبيني أشوف دمعتها * * * * * قالت ياولد البنت بالعود مدفونه

ماتت وغابت بالسما أحلى نجمتها * * * * * وحزن النجم والقمر إنخطف لونه

ماتت ومات بالحديقة أغلى وردتها * * * * * وبكى الشجر والزهر قاموا يرثونه

وقفت مذهول وزاد بجسمي رعدتها * * * * * وقفت صامتن وعقلي جنت جنونه


رحت المقابر علي الحق جنازتها * * * * * لقيتها مكفنه وقبرالبنت يحفرونه

وصلت المقابر ومحدن فيه حزتها * * * * * غير امها وأبوها وأخوها يعزونه

شالوها يبغون يحطونها بحفرتها * * * * * وغطوها بالتراب وقلبها يدفنونه

لولا خوفي من الله... ثم فضيحتها * * * * * لأقول هالبنت جسمها لاتدفنونه

إلتفتلي شخص أظنه من جماعتها * * * * * يقول هالولد علامه تبكي عيونه

غمضت عيني ماأبي تزل دمعتها * * * * * بس بان الحزن والناس يشوفونه

وإنزلت دمعة من قوة حرارتها * * * * * احرقت خدي وخلته احمرن لونه

قلت انا اللي روح روحي فدتها * * * * * قلت انا من روحي وقلبي يفدونه

قلت انا من تركتني وحيد بدنيتها * * * * * وانامن عشقها وحبها دايم يصونه

أحبها واسالو عين ياكثر ما بكته * * * * *واسألو كل هالبشر وهالعالم وكونه

أبيات شعري يا ما ويا ما تغنتها * * * * * تقول أبيات شعرك قلبي يطربونه

من لام روحي عله يعيش حسرتها * * * * * ويعيش طول الدهر تبكي عيونه

يا لايمين قلبي شوفوا صورتها * * * * * بعدها تبون تلومونه لكم تلومونه

ما أبي غيرها أبي أسعد بضمتها * * * * * ماأريد غير قليبي تنجلي حزونه

فوق قبر هالبنت تعالت ضحكتها * * * * * يا عسى قبرالبنت بالسما يرفعونه

لعنبو عين عقبك ما تحدر دمعتها * * * * * ولعنبو خلقن كان إسمك ما يطرونه

لعنبو روحي كان تكتمل فرحتها * * * * * ولعنبو الحزن لو فارق يوم بسجونه

روحي فقدتها ودموع عيني رثتها * * * * * بأبيات شعر مكسرة ماهي بموزونه

يالله يا كريم تغفر لها كل زلتها * * * * * وتغفر لها ذنب كل الملا يقترفونه

يا كريم إجمعني بها بجنة عدتها * * * * * حج البيت والصيام وخمس يصلونه

يا ليتني ساكن اليوم بوسط حفرتها * * * * * وروحي بجنب روحها اليوم مدفونه

منقوول

تحياتي
مريم

[الجــــارف]

الله يكرمك وتشوف الخير دوم بس لا تتمني المووووووووووووت
وسلمت وسلمت يدك وسلم عمرك من المووووووووووووت

[معــ جروح ـانق]

أختي / بنت العين


ألف شكر على هذه القصيده الرائعه
وسلمت يمناك00


والف شكر على أمانتك الأدبيه
حين ذكرتي بأن القصيده منقوله



وياليت ان كنتي تعرفين أسم
الشاعر تذكرينه
لحفظ حقوق الشاعر الأدبيه
ولتعم الفائده00


ونحن في أنتظار جديدك
ونور المنتدى بحضورك00


أخوك / معـــ جروح ــانــق

[بنـت العيـن]

هلا وغلا فيك اخوي الجارف الله يسمع منك أخوي وتسلم على مرورك الكريم وكتابة تعليقك


أخوي معانق جروح تسلم على ردك الطيب وأخوي انا لو أعرف اسم الشاعر ان جان كتبته لأني اعرف الأمانة الأدبية بس للأسف هاذي القصيدة مهداة لي يعني ما أدري من هو الشاعر واسمحلي


تحياتي
مريم

[اورنس]

على نقل القصيده لنا ويسلام على الامانه الادبيه ياليت بعض الاعضاء يستفيدو منك

ومشكورررررين مره ثانيه اختي على القصيده الحلوه والجميله وعلى التصوير الفكري لدى الشاعر الذي نقل لنا القصيدة بكل سهولةو فهم معنى الكلام المراد اليه بدون تعقيد,,,,,,

اسفين طولنا عليكم,,

اخوكِ,,

أورنس,,

بااااااااااايات تحمل نسيم الشمال,