.
.
كمصافحة اولى لقلوبك
اهدي لكل الاحبة هنا هذه الكلمات
عسى ان تنال اعجابكم
ولا تحرمونا من نقدكم البناء
يشرفني حضور الكل
.
قلبي تهادى فوق ساحل جروحي
طفلٍ حزين وينثر الدمع للريح
ماتت عطاشى في بساتين روحي
قصايد اشواق ورسايل مجاريح
رمل الشواطي آه مليت نوحي
اركض .. ومهما ظلي يطيح .. ماطيح
تعبت اجر الصوت .. بوحي فضوحي
همي مدلل .. والحنايا مراجيح
يا ( متعب محارب ) متاك انت توحي
افهم ترى احبابك .. بجرحك سواريح
يا ليت امل الحزن وارجع مزوحي
مرتاح بالٍ .. يا العيون المشافيح
ليل السهر مايحضن سراج ضوحي
كلي ظلامٍ .. سرمدي التواشيح
اصدق قصيدي ماجبر كسْـر بوحي
تشمّـت بي حروفه .. لفضحي مشافيح
انا طرفتك يا عيوني بروحي
استاهل الفرقى .. لو دموعي تسيح
في مطلع الشمس / الملاك الصبوحي
اهدي سهر ليل الجروح المصابيح
بـ.. اودع اللي كان سبّة جروحي
واضحك مع سُـمْـر العذارى الممازيح
وان كان فيني خير .. انا اعز روحي
مهما جروحي من شقا وْداعك تصيح
عساي اصادف يوم وجهٍ سموحي
واطيح كلّي .. وين ما قلبي يطيح
.
.
.
العرض العادي
