بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين... وبعد
اخواني اعضاء منتدى الود اسمحو لي ان اقدم لكم محاوره بيني وبين
الشاعر/علي بن عبد الله القرني يبدع فيها . .............. هذه المحاوره بين زميلين في الدراسه ومناسبتها بعد قيامهما برحله من الرحلات الخاصه بهم.....
<> البدع<>
بسم رب هالكون ومصــــــــرف الأيام *** أبتدي في الكلام اللـي نويتـــــه
في صاحب عرفـــــــــته مــــــن أعوام *** رجل على يمناك حزه ما بغيتـه
واصل الكريم ابن الكريم ابن الأكــرام *** حزامي وقت الشدايد اليا نخيته
عريب الاصل من أخـــــوال وأعمــــام *** ومن لابته العتبان اصله وبيته
طيب الوفاء فيه وصــــــــــــدق الكلام *** خليته بين الناس ينشاع صيتــه
شاعر لـــه مع القافــــــــــــــيه اقسام *** يجيك رده ضــــوه ليــــا هجيته
خوي البر والليل والمسلمين نيــــــــام*** الذيب ليا عوى قال دربي مشيته
ان نشته عن البر لها بقلبــــــــه غرام *** وان نشت الفيافي قالت هويته
كنه صقـــــــــــــــــــر فوق النايفه حام *** بدوي ما خابت مع الصيد حيلته
له عليَ وفاء ومعـــــــــــــزه واحترام *** وله على ما انساه طول ما حييته
وان فرقتنا الايام وقــــــــــــدرة العَلام *** يبقى خويي اللي بعمري شريته
وبالخاتمه على النبي صلاه وســـلام *** على رسول اوفى في رسالتــــه
على القرني _مخاوي النشام _
<>الـــــــرد<>
حي الله الشاعر رفيع المقـــــــــــــــام *** شعره على بالي ابد ما نسيته
يحط هرجه فوق راسي وســـــــــــــام *** موج هرجه احتواني واحتويته
وحنا من علــــي ما يلحقنا مــــــــلام *** والله ان الرد تأخيره ما شكيته
يا عريب الساس ليا أشـــــــتد الزحام *** يا السنافي في كل مرقاب بريته
أشهد انك من رجال يضدون الســهام *** واشهد انك تعشق البر وسريته
خوتك تنشــــــري بالجاه على الحرام *** الوفا والطيب في النشمي لقيته
والفراسه والشهامه ما منها انقسام *** لازمتكم وانت ساسك قـــد بنيته
جعل راس ما يعـــــــــــــــــزك للعدام *** وجعل شخص ما يودك قد كويته
والبراري لها بقلبــــــــــــه وئـــــــام *** لن مشيت البر انا دايم خذيتــــه
آه يازين البراري ويا زين الخيـــــام *** آه يازين الغـديـر اللي رويتــــــه
وفي النهايه نختم الابيات بـــــالختام *** والمعذار لن كان به شي نسيته
عتيبي ليا هبت الريح
هــــــــــــــــذ اا ولكم جزيل الشكر على المتابعه ’’’
مع تحيات/فـــــهد الروقي عتيبي ليا هبت الريح
ومضه//
وين انت قبل اللي مضى من سنيني .... يا مسعد باقي حياتــــــــــي بالافراح
ما اقول قبلـــــــك في حياتي ضنيني .... ولاني مع غيرك من الناس بمرتاح
هلا والله اخوي فهد صح لسانك وسلم بنانك حقيقه للخوه شان كبير وخصوصا اذا جمع بينهما الشعر تمضي الرحله باجمل وناساتها اخوي فهد ماتاخذوني معكم المره الجايه انتظر الرد والاتصال ولاهنت يالذيب