في حياة كل منا تواريخ لا تنسى
لا شك ان اهمها تاريخ الميلاد
وفقدان شخص عزيز يعد تاريخ لا ينسى لدى محبيه
الثالثه صباحا
الاثنين
4/2/2002م
بعد سنه من هذا التاريخ
تعود ذكرى حزن
ذكرى الم
ذكرى فراق
ذكرى وداع اخير
لا يمكن تكراره في الدنيا !
اعرف جيدا معنى ان النسيان نعمه
ولكن كيف
والعيد يأتي من غير ان اقول
" كل عام وانتي بخير يا يمه"
عيدك مبارك يا الغاليه "
نعم هناك نعمه
ولكنها للأسف ليست نعمه النسيان
ولكنها نعمة الأم
نعمه لا يحس بها الا من فقدها
يشهد الله ما نسيتك يا بعد وجد الكتابه
من رحلتي وش تغير والألم عاده يهلي!
ااااااه يا يمه فديتك ماني من عهد الصحابه
واحتسب موتك مصيبه واطلبه بس يغفر لي
قلبي الفاقد وجودك لو تشوفينه خرابه
عافته حتى المصايب والجروح اللي بكلي
ما لقيت اللي تواسي دمعتي عند الكأأأأبه
ولا عرفت اللي دعاها يرتفع يومٍ تصلي
ابكي ودمعي بخدي والعقل فاقد صوابه
لا ذكر قلبي كلامك وانتي لشعري تفلي
تذكرك يومك تقولي "انتبه حولك ذيابه!"
واحترس منهم غناتي والقدم لا لا تزلي
شفتهم واللي خلقني حكيهم " يا مرحبا به "
من قريب ومن قريبه ومن خوي عايش بظلي
ليه واحدهم يا يمه لا زعل كشر بنابه
واسمعه يطعن في ظهري " ينقلع خله يولي "
حاجته لك يا كبرها ليتك تشوفي مصابك
مفتقد يمه حنانك والكلام اللي يسلي
ليتني عندك بقبرك واحضنك واحضن ترابه!
واطلبك ما تتركيني للبشر تفرح بذلي
ليتني ميت بموتك ويتهنون بغيابه
قلبي اللي لا عطاهم ما لقى شيٍ يخلي
همهم بس يجرحونه ويتغنون بعذابه
ولجلهم اعقو واسامح ما كأنه شي حصلي
كلها باسم المحبه والصداقه والقرابه
والزمن يمكن يغير طبعهم عل ولعلي
دامها دنيا رخيصه حجمها دون الذابه
ليه اساوم في ثمنها وارفع السعر واغلي
كنت اسميهم قصيدي لا ويعزفوني ربابه!
وكنت احاتيهم وادور اي سبب حق التغلي
كنت امازحهم بطلفي ويتهزون بغرابه
ويرموا الشوك بطريقي والمنى ارحل واجلي
غلطتي امشي بنيه والغلط هذا عقابه
ما دريت ان الصراحه تجعل الصادق يدلي
هامته عقب المعالي لو بها الموت وصعابه
والصدق عندي معاني تنكتب باعلى سجلي
اه يا يمه خذيني من على متن السحابه
عندي احساس بمجيئك وانتظر هذا محلي
ويشهد الله ما نسيتك يا بعد وجد الكتابه
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!
من رحلتي وش تغير!!
والحزن
عاده يهلي
والألم
عاده يهلي
والقهر
عاده يهلي
العرض الشجري
