|
في ذكرى رحيلك! كل عام وانتي بخير يا !
في حياة كل منا تواريخ لا تنسى
لا شك ان اهمها تاريخ الميلاد وفقدان شخص عزيز يعد تاريخ لا ينسى لدى محبيه الثالثه صباحا الاثنين 4/2/2002م بعد سنه من هذا التاريخ تعود ذكرى حزن ذكرى الم ذكرى فراق ذكرى وداع اخير لا يمكن تكراره في الدنيا ! اعرف جيدا معنى ان النسيان نعمه ولكن كيف والعيد يأتي من غير ان اقول " كل عام وانتي بخير يا يمه" عيدك مبارك يا الغاليه " نعم هناك نعمه ولكنها للأسف ليست نعمه النسيان ولكنها نعمة الأم نعمه لا يحس بها الا من فقدها يشهد الله ما نسيتك يا بعد وجد الكتابه من رحلتي وش تغير والألم عاده يهلي! ااااااه يا يمه فديتك ماني من عهد الصحابه واحتسب موتك مصيبه واطلبه بس يغفر لي قلبي الفاقد وجودك لو تشوفينه خرابه عافته حتى المصايب والجروح اللي بكلي ما لقيت اللي تواسي دمعتي عند الكأأأأبه ولا عرفت اللي دعاها يرتفع يومٍ تصلي ابكي ودمعي بخدي والعقل فاقد صوابه لا ذكر قلبي كلامك وانتي لشعري تفلي تذكرك يومك تقولي "انتبه حولك ذيابه!" واحترس منهم غناتي والقدم لا لا تزلي شفتهم واللي خلقني حكيهم " يا مرحبا به " من قريب ومن قريبه ومن خوي عايش بظلي ليه واحدهم يا يمه لا زعل كشر بنابه واسمعه يطعن في ظهري " ينقلع خله يولي " حاجته لك يا كبرها ليتك تشوفي مصابك مفتقد يمه حنانك والكلام اللي يسلي ليتني عندك بقبرك واحضنك واحضن ترابه! واطلبك ما تتركيني للبشر تفرح بذلي ليتني ميت بموتك ويتهنون بغيابه قلبي اللي لا عطاهم ما لقى شيٍ يخلي همهم بس يجرحونه ويتغنون بعذابه ولجلهم اعقو واسامح ما كأنه شي حصلي كلها باسم المحبه والصداقه والقرابه والزمن يمكن يغير طبعهم عل ولعلي دامها دنيا رخيصه حجمها دون الذابه ليه اساوم في ثمنها وارفع السعر واغلي كنت اسميهم قصيدي لا ويعزفوني ربابه! وكنت احاتيهم وادور اي سبب حق التغلي كنت امازحهم بطلفي ويتهزون بغرابه ويرموا الشوك بطريقي والمنى ارحل واجلي غلطتي امشي بنيه والغلط هذا عقابه ما دريت ان الصراحه تجعل الصادق يدلي هامته عقب المعالي لو بها الموت وصعابه والصدق عندي معاني تنكتب باعلى سجلي اه يا يمه خذيني من على متن السحابه عندي احساس بمجيئك وانتظر هذا محلي ويشهد الله ما نسيتك يا بعد وجد الكتابه من رحلتي وش تغير!! من رحلتي وش تغير!! من رحلتي وش تغير!! من رحلتي وش تغير!! من رحلتي وش تغير!! والحزن عاده يهلي والألم عاده يهلي والقهر عاده يهلي |
اخي وجد الكتابه سلمت يمينك بكل ماخطيته وابدعته
في هذا الرثاء لاادري ماذا اقول اعزيك بوالدتك واقول احسن الله عزاك ويسكنها رب العالمين فسيح جناته فقد جعلت ادمعي تنهمر لان ان الوالدين هماا لجناحين الذان نشعر بقربهما الامان والحنان ونتمنى ان يجمع بينكما في مستقر رحمته ام اهنئك على هذا الابدع الذي اتحفتنا به آخرة العنقود |
راجع الشطر ذا
السلام عليكم ورحمة الله وبركاته اخوي وجد الكتابه صراحة قصيدتك قوية معاني وابيات مسخرة صح لسانك اخي الكريم على هالابيات اخوك \ مسعد المطيري |
اخرة العنقود
صح لسانك يا الشيخه شاكر لك مشاعرك الجميله واحساسك المرهف وان شاء الله ما تفقدين غالي شرفتيني بحضورك وتواصلك الجميل لا عدمتك تقبلي خالص المنى |
مسعد المطيري
صح بدنك يا الغالي ماعليك زود اشكرك على تواجدك واطرائك تقبل كل الوجد |
هلا بك أخي الفاضل/ وجد الكتابة ، العيد مبارك وكل عام وأنتم بخير . وغفر لها وأسكنها فسيح جناته في الفردوس الأعلى مع الأنبياء والصديقين والشهداء ، القصيدة جزلة ومؤثرة حيث كلها أحاسيس ومشاعر صادقة وقوية ، لكن دعني هنا أتوقف عند هذا الإحباط الذي كشفت عنه بسبب الآخرين ، أخي الفاضل ، الجبل ما تهزه الريح ، والإنسان الناجح مثلك يجب أن لا يؤثر فيه بعض ما يتعرض له بسبب نجاحه ، تذكر دائما : "إذا كان هناك من يركلك من الخلف فأنت في المقدمة" ، يجب أن لاتعير هذه الهواجس أي أهمية ، استمر في شموخك بكل كبرياء كما عهدتك ، واعتبر أن الكون مليء بأصحاب النفوس المريضة ، والمريض مرفوع عنه القلم . كل الإعجاب والإحترام والتقدير. مع أطيب تحياتي.
|
صح لسانك يا وجد الكتابة..........
مرثيــة جميــــلة .....وكلمات قوية تدخل القلب بلا استئذان .......
رحمها الله واسكنها فسيح جنانه ... والهمك الصبر والسلوان .... ومن خلف ما مات ...فادع لها لتكون الولد الصالح الذي يستفيد منه المرء بعد فراق الدنيا الفانية للقاء وجه الحق ...عسى الله أن ينفعها بدعائك ... ودمت على الود |
| الساعة الآن 06:34 PM. |