][.×. طريقتي بعمل الصياديه بالصور.×.][

[ρùℓşέ]

اليوم راح انزل لكم طريقة عمل رز (الصياديه مع الجمبري والسمك)
طبعا كان عشانا اليوم فحبيت انزله لكم
الطريقه ماتاخد منكم ولا ساعه بحالها سهله جدا
انا سويتها لخمسه اشخاص

المقادير"

اولا (مقادير الرزالصياديه)
5\حبات بصل مفروم
1\فص ثوم
كاس زيت
مكعبين ماجي
ملعقتين صلصه
بهارات من كل نوع ملعقه صغيره(فلفل اسود+كمون+قرفه+قرنفل+ملح على حسب الرغبه)
اذا ماعندك بهارات تقدري تستبدليها بالبهارات المشكله تجي بكرتون واحد وحطي منها نص ملعقه كبيره تبع الاكل
3\كاسات رز منقوع بماء او بدون نقع على حسب رغبتك

الطريــــــــــــــقه "
اولا نضع الزيت على القدر سوا كان القدر الكاتم او العادي
ونضع عليه البصل المفروم

نقلب البصل الى ان يصبح لونه مائل للبني الغامق وهذه صوره للبصل بعد تحريكه

بعد كذا نخرج البصل ونصفيه من الزيت كما هو موضح بالصوره اعلاها
ناخذ البصل ونفرمه بالخلاط مع اضافة القليل من الماء ونتركه جانبا
نرجع لنفس القدر الي حمرنا فيه البصل وننقص من الزيت ونترك شوي بس منه
نضيف له الصلصه والبهارات ومكعبين الماجي والهيل والقرفه والملح
واذا حابين تحطو نص حبه طماطم يكون افضل تكون مقطعه وليست مفرومه

هذه صوره للبهارات الي موجوده عندي مشكله مع الهيل والقرفه
بعد ماحركنا واستوت الصلصه نضيف لها البصل المحروق الي تركناه قبل بالخلاط
نحسب له قرابة عشر دقائق على نار هادئه حتى يثقل شوي
بعد كذا نضيف له الرز المنقوع ونتركه على نار هادئه حتى يستوي
طبعا كمية الماء براحتك على حسب ماتحبي يكون الرز اذا مستوي مره او يكون حباته مفلفل

الجمبري"

المقــــــــــــــادير
1\بيضه
1\ملعقه صغيره ملح
1\ملعقه صغيره كمون
1\ملعقه صغيره فلفل اسود
1\كوب دقيق
كيلو جمبري

الطريـــــــــــــــقه"
نضع جميع المقاديرفي زبديه ماعدا الدقيق
نضيف لها الجمبري ونتركه لمدة خمس دقاقق عشان يتبل
بعد كذا ناخذ الدقيق ونضعه بصحن مستوي ثم نضع عليه الدقيق ونقوم بتقليبه من جميع النواحي
وهذه صوره للجمبري قبل القلي

بالنسبه للسمك الكل عارف اشلون يكون تقطيعه للقلي وتبهيره نضيف له الملح فقط
وبعد القلي نضيف له رشة فلفل اسود مع كمون عشان يعطي نكهه

نبدا نقلي السمك اولا بشرط اذا تبون السمك يستوي ويكون شكله مرتب
اهم شي يكون زيت القلي (العربي+يكون الزيت يغطي على السمك)
بهذه الطريقه راح يستوي من الجنبين اهم شي ماتحركي السمك اول ماتحطيه على الزيت
عشان مايتقطع عليك وتكون النار وسط وساخنه
بعد مايستوي السمك نضع الجمبري تعرفون بدينا بالسمك اول عشان الجمبري فيه دقيق
وراح ينعدم الزيت من الدقيق
ونقلبه حتى يستوي ويصبح لونه مائل للذهبي

وهذه صوره نهائيه لعشانا اليوم

سويت معها سلطه حاره+سلطه خضرا+بطاطس مقليه +بيبسي+وكريم كرمل



ملاحظه
راح يصير ريحة البيت سمك اذا حابه تروح ريحته
اطبخي في قدر صغير قرفه مع كوب ماء راح تزول ريحة السمك من البيت

وبالعافيه عليكم

:)