مـــــــــــــــــــــــــرحبـــــــــــــــــــــ ا
كيفكم ؟؟؟
كليت صحن حلى و سطللللللللت ... و مابيننا مقدمات:lf:
كـــــــبة البريــــــــــــد
عاد هالأكله من اختراعي ... لأن اول مره سويتها كنت تو بالمتوسطه و ماكنت اقرا بكتب و مواقع الطبخ
حتى اخبر <<< متحمسه اعلمكم السالفه :) جدتي تسأل امي وش فطوركم و هي تعلمها تقول عاد ندى قاعده تحوس بريد و دجاج و مدري وش بيطلع معها <<< اثرت فيني هالقصه خخخخخخخخخخخخخخخخ
و سويت كبتي ... و طلعت موووووووووووحترمه و ماهيب حوسه :)
طريقتها :
اولا الحشوه : صدور دجاج مسلوقه
في زيت نذبل حبة بصل مقطعه صغار + فصين ثوم مهروسه + حبة جزره مبشوره + كزبره مفرومه + فلفل و كمون
نحط عليهم الدجاج المسلوق و نقلبهم جميعا و نطفي عليهم
نضيف لهم جبنة سايله حسب الرغبه ... اخيرا نتأكد لو تحتاج ملح او لا
حبات بريد منزوعة الأطراف ... ناخذ بريده و نغمسها بحليب بعدين نحط الحشوه على الجهه الناشفه و نقفل الأطراف على بعض
و نحطها في بيض و بقسماط و ندخلها الثلاجه تبرد ... و نقليها
//////////
جراتـــــــــــان الخضار
نحمي قليل من الزيت ... و نشوح فيه حبة بصله مقطعه شرايح + فصين صوم مقطعه شرايح + 300 جرام بروكلي
مع زهره ( او الإكتفاء بواحد منهم ) + 100 جرام فطر
نطفي عليهم و نتركهم على جنب
في قدر آخر ... نذوب ملعقه زبده و نضيف لها ملعقة طحين و نحركهم لحد مايختفي الطحين
نحط عليهم حليب استخدمت كوب و ربع ( حسب الرغبه في ثقل الصوص ) + حبة ماجي + فلفل اسود +
نص كوب موزاريلا
نحركهم لحد مايثقل المزيج ...
في صينية الفرن ... نصب الخضار و عليها الصوص و نرشها ببقسماط و ندخلها الفرن تقريبا نص ساعه
//////////
بف بستري الروبيـــــــــــــان
نبدأبالحشوه :
في طاوه نحمي قليل من الزيت ... و نضيف بصله مقطعه صغار + 3 فصوص ثوم مهروسه و نحركهم لحد مايذبلو
نضيف نص كاس جزر مبشور + نص حبة فلفل بارد + قرن فلفل حار .... و نكمل تحريك
نضيف 20 حبة روبيان + فلفل اسود + ملعقه صغيره كمون + ربع ملعقه صغيره جوزة الطيب ... و نحركهم لحد
مايتغير لون الروبيان ... نضيف عليهم كاس قشطة خفق و ملح .. و نتركهم على نار هاديه تقريبا نص ساعه
نطفي عليهم ... و نتركهم على جنب
في صحون صغيره تدخل الفرن ... نحط شريحة بف بستري و ندهنها بالبيض المخفوق
نصب عليها من الحشوه و نرشها بجبن اي نوع ( انا استخدمت بارميزان )
نحط عليها شريحة بف بستري ثانيه و ندهنها بالبيض ... و ندخلها فرن حار ( 400 ف ) لحد ماتستوي و تصير ذهبيه
شرايح البف بستري ...
//////////
دجــــــاج بالكريمه
ناخذ صدور دجاج و ننظفها ... و نسوي لها التتبيله الآتيه :
كمون + فلفل اسود + ملح + كزبره مطحونه + فص ثوم مطحون + صوص ترياكي + صويا صوص +
وورشستر صوص + زبادي
نخليها بالتتبيله اقل شي ساعتين ... ثم نشويها او نسويها على الصاج او بالفرن :)
للكريمه :
في قدر على النار نصب كاس من كريمة الخفق + نص حبة فلفل بارد + كزبره طازجه مفرومه + حبة بصل اخصر
+ جزره مبشوره + فلفل اسود + قليل من الكركم و نحركهم
نحط عليهم ملعقة طحين و نحرك لحد مايثقل المزيج
اخيرا ... نصبه على الدجاج و يقدم
//////////
تـــــــــــاي فــــــــــش
نحمي ملعقة زيت و نضيف لها عود بصل اخضر مقطع شرايح + حبة بصل مقطعه اربع قطع + عود كرفس
مقطع شرايح + 2 فلفل حار مقطع شرايح .... و نحركهم
نضيف عليهم نص كلعقة شاي سكر + 3 ملاعق طعام صوص المحار + ملعقة طعام صوص السمك +
ملعقة طعام صلصة الماجي + ملعقة شاي بهارات مخلوطه + علبتين حليب الشاهي و نحركهم و نتركهم على نار
هاديه جدا ..
ناخذ نص كيلو سمك فيليه و نقليه ثم نضيفه على المزيج السابق و نحركهم و نخليهم تقريبا 10 دقايق
اخيرا ... نضيف لهم بيضه مخفوقه و نحركهم ... و نتركهم على النار 10 دقايق ثانيه ... و تقدم
//////////
بسبــــــوسه
اولا .. نخلط بيضه + علبة قشطه + علبة حليب الشاهي + كاس زيت + شوي ملح + كاس سكر
نضيف لهم نص كاس جوز الهند + كاسين و نص سميد + ملعقه صغيره باكينج بودر
ندهن صينية الفرن بطحينيه سايله و نصب عليها الخليط و نرشه اما بصنوبر او لوز و ندخلها فرن حار ( 350 ف )
حتى تتحمر و نشغل عليها من فوق برضو حتى تتحمر ... نطلعها و نسقيها بالشيره البارده على طول و نقصدرها
تقريبا ربع ساعه ... اخيرا ... تقطع و تقدم
كبة البريد + جراتان الخضار + بف بستري الروبيان ... و غيرها
العرض الشجري
