مـــــــــــــــــــــــــرحبـــــــــــــــــــــ ا



كيفكم ؟؟؟



كليت صحن حلى و سطللللللللت ... و مابيننا مقدمات:lf:







كـــــــبة البريــــــــــــد

http://www.upload.al-wed.com/uploade...1252066262.png


عاد هالأكله من اختراعي ... لأن اول مره سويتها كنت تو بالمتوسطه و ماكنت اقرا بكتب و مواقع الطبخ

حتى اخبر <<< متحمسه اعلمكم السالفه :) جدتي تسأل امي وش فطوركم و هي تعلمها تقول عاد ندى قاعده تحوس بريد و دجاج و مدري وش بيطلع معها <<< اثرت فيني هالقصه خخخخخخخخخخخخخخخخ

و سويت كبتي ... و طلعت موووووووووووحترمه و ماهيب حوسه :)


طريقتها :

اولا الحشوه : صدور دجاج مسلوقه

في زيت نذبل حبة بصل مقطعه صغار + فصين ثوم مهروسه + حبة جزره مبشوره + كزبره مفرومه + فلفل و كمون

نحط عليهم الدجاج المسلوق و نقلبهم جميعا و نطفي عليهم

نضيف لهم جبنة سايله حسب الرغبه ... اخيرا نتأكد لو تحتاج ملح او لا


حبات بريد منزوعة الأطراف ... ناخذ بريده و نغمسها بحليب بعدين نحط الحشوه على الجهه الناشفه و نقفل الأطراف على بعض

و نحطها في بيض و بقسماط و ندخلها الثلاجه تبرد ... و نقليها

//////////


جراتـــــــــــان الخضار

http://www.upload.al-wed.com/uploade...1252064925.png

نحمي قليل من الزيت ... و نشوح فيه حبة بصله مقطعه شرايح + فصين صوم مقطعه شرايح + 300 جرام بروكلي

مع زهره ( او الإكتفاء بواحد منهم ) + 100 جرام فطر

نطفي عليهم و نتركهم على جنب

في قدر آخر ... نذوب ملعقه زبده و نضيف لها ملعقة طحين و نحركهم لحد مايختفي الطحين

نحط عليهم حليب استخدمت كوب و ربع ( حسب الرغبه في ثقل الصوص ) + حبة ماجي + فلفل اسود +

نص كوب موزاريلا

نحركهم لحد مايثقل المزيج ...

في صينية الفرن ... نصب الخضار و عليها الصوص و نرشها ببقسماط و ندخلها الفرن تقريبا نص ساعه

//////////

بف بستري الروبيـــــــــــــان

http://www.upload.al-wed.com/uploade...1252064925.png

نبدأبالحشوه :

في طاوه نحمي قليل من الزيت ... و نضيف بصله مقطعه صغار + 3 فصوص ثوم مهروسه و نحركهم لحد مايذبلو

نضيف نص كاس جزر مبشور + نص حبة فلفل بارد + قرن فلفل حار .... و نكمل تحريك

نضيف 20 حبة روبيان + فلفل اسود + ملعقه صغيره كمون + ربع ملعقه صغيره جوزة الطيب ... و نحركهم لحد

مايتغير لون الروبيان ... نضيف عليهم كاس قشطة خفق و ملح .. و نتركهم على نار هاديه تقريبا نص ساعه

نطفي عليهم ... و نتركهم على جنب

في صحون صغيره تدخل الفرن ... نحط شريحة بف بستري و ندهنها بالبيض المخفوق

نصب عليها من الحشوه و نرشها بجبن اي نوع ( انا استخدمت بارميزان )

نحط عليها شريحة بف بستري ثانيه و ندهنها بالبيض ... و ندخلها فرن حار ( 400 ف ) لحد ماتستوي و تصير ذهبيه

شرايح البف بستري ...

//////////


دجــــــاج بالكريمه

http://www.upload.al-wed.com/uploade...1252064925.png

ناخذ صدور دجاج و ننظفها ... و نسوي لها التتبيله الآتيه :

كمون + فلفل اسود + ملح + كزبره مطحونه + فص ثوم مطحون + صوص ترياكي + صويا صوص +

وورشستر صوص + زبادي

نخليها بالتتبيله اقل شي ساعتين ... ثم نشويها او نسويها على الصاج او بالفرن :)

للكريمه :

في قدر على النار نصب كاس من كريمة الخفق + نص حبة فلفل بارد + كزبره طازجه مفرومه + حبة بصل اخصر

+ جزره مبشوره + فلفل اسود + قليل من الكركم و نحركهم

نحط عليهم ملعقة طحين و نحرك لحد مايثقل المزيج

اخيرا ... نصبه على الدجاج و يقدم

//////////


تـــــــــــاي فــــــــــش

http://www.upload.al-wed.com/uploade...1252066262.png

نحمي ملعقة زيت و نضيف لها عود بصل اخضر مقطع شرايح + حبة بصل مقطعه اربع قطع + عود كرفس

مقطع شرايح + 2 فلفل حار مقطع شرايح .... و نحركهم

نضيف عليهم نص كلعقة شاي سكر + 3 ملاعق طعام صوص المحار + ملعقة طعام صوص السمك +

ملعقة طعام صلصة الماجي + ملعقة شاي بهارات مخلوطه + علبتين حليب الشاهي و نحركهم و نتركهم على نار

هاديه جدا ..

ناخذ نص كيلو سمك فيليه و نقليه ثم نضيفه على المزيج السابق و نحركهم و نخليهم تقريبا 10 دقايق

اخيرا ... نضيف لهم بيضه مخفوقه و نحركهم ... و نتركهم على النار 10 دقايق ثانيه ... و تقدم

//////////

بسبــــــوسه

http://www.upload.al-wed.com/uploade...1252066262.png

اولا .. نخلط بيضه + علبة قشطه + علبة حليب الشاهي + كاس زيت + شوي ملح + كاس سكر

نضيف لهم نص كاس جوز الهند + كاسين و نص سميد + ملعقه صغيره باكينج بودر

ندهن صينية الفرن بطحينيه سايله و نصب عليها الخليط و نرشه اما بصنوبر او لوز و ندخلها فرن حار ( 350 ف )

حتى تتحمر و نشغل عليها من فوق برضو حتى تتحمر ... نطلعها و نسقيها بالشيره البارده على طول و نقصدرها

تقريبا ربع ساعه ... اخيرا ... تقطع و تقدم