لو ربحت المليون؟؟؟؟
 

حبايبي اعضاء الود ..ارجو من الكل المشاركه وبصراحه


لو دعاك جورج قرداحي لتشرفه ببرنامجه " من سيربح المليون " وذهبت وشاركت ...و... و... وربحت المليون

الف مبروك بالمليون ..لكن ..ماذا ستفعل بها هالمليون

الكل يشارك ويقول ايش راح يسوي لو ربح هالمليون


دوم مو يوم
وجدان الدوحه:p

وجدان الدوحة،،، السلام عليكم دوم،،، مو يوم.

أتذكر سألت نفسي هذا السؤال وانا على وشك إتمام اول عملية في شغلي،،، وكنت على الحديدة هذيك الأيام،، وكان المبلغ اللي راح يجيني مليون إلا ربع.
وكان جوابي،،، العمدة سيبقى العمدة،،، ما تغيره فلوس مهما كان،،، والحمد لله كانت عندي قناعة تغنيني طول عمري.
وعشان كذه ،،، ربنا أكرمني آخر كرم.

أول شي سويته،،، رحت لأبوي وأمي،،، وبوست إيديهم وجه وقفا،،، وأعطيتهم ثلث المبلغ اللي جاني كهدية،،، وكانت ردة فعلهم في قمة الروعة،،، طلبوا مني أتبرع بالمبلغ اللي أعطيتهم،،، ودعوا لي كم دعوة على كيفكم.
وبرضه أعطيت إخواني اللي فيه النصيب.

وما نسيت نفسي طبعاً،،، الفشخرة لابد منها ولكن بالعقل،،، وإستغليت المبلغ في تطوير شغلي،،، والحمد لله.

أما بالنسبة لجورج قرداحي،،، ما أتذكر إني تمنيت إني أجلس قدامه،،، إلا لما شفت عينات بشرية عجيبة تشارك معاه،،، ولا تستطيع أن تجاوب على أسخف الأسئلة البديهية،،، واللي عجبني في البرنامج،،، إن الناس كلها قعدت تذاكر وتقرأ في المراجع،،، وكأنهم رايحين إمتحان،،،، بالزبط زي اللي تعلموا الكمبيوتر واللغة الإنجليزية عشان يدخلوا الإنترنت ويشتغلوا على الشات،،، ويفتحوا مواقع محرمة.

ولو شاركت مع جورج في يوم من الأيام،،، أعتقد ممكن أسوي شي،،، عشان أنا محظوظ طول عمري.

وأكرر ،،، القناعة كنز لا يفنى

العمدة اشكرك كثير على ردك الحلو والرائع والله ينعم عليك دوم مو يوم نعم وتستفيد منها..واللي سويته عين العقل والصواب

ومثل ماتكرمت ماكو احد يتمنى يدخل امتحان جورج قرداحي ..بس انا جبتها كوسيله لاجتذاب الناس لموضوعي لا اكثر


عمدة اقول لك شيء وانا صادقه فيه والله وتصدقني ...كان عندي احساس 99 بالميه انك اول واحد راح ترد على موضوعي ..وتفاجات لما شفت الايميل وشفت اسمك قلت حلم وتحقق


دوم مو يوم
وجدان الدوحه

ليه يا وجدان؟؟؟،،،، باين على مليونير ؟؟؟؟

لا ياعمدة مو القصد انك مليونير ..بس كان احساسي انك اول واحد راح اشوف اسمه بالردود لا اكثر واحيانا الاحساس يكون صادق..هذا ولااكثر ياعمدتنا


دوم مو يوم
وجدان الدوحه

اجيب مدرس خصووصي

ههههههههههههههههههه

بس ادفع له تقسيد

على العموم اكره برنامج اللي اسمه من سيربح المليون

تحياتي

بقاياجروح الاحسن مدرسيين خصوصيين لكل المواد والدفع نقدا بدون اقساط ...هذي مليون