|
اقتباس:
بسم الله أخي الكريم الشاكي تعليق بسيط ... (بس قبل كذا باعرف لك المرأة الاجنبية من وجهة نظري ككاتب للموضوع "" هي المرأة الي من غير جنسنا ومن غير بلدنا ومن غير تقاليدنا وعاداتنا"" يعني وحده غريبه علينا وعلى بلدنا وكما ذكر اخوي " شاب الرياض "" ان المرأة الاجنبية صعب تتأٌقلم بجونا هنا لانها مو متعوده تلبس حجاب زي هنا .. وماتسوق سيارة وماتخرج الا بمحرم) المرأه الاجنبيه في نظرك هي .. المرأه الخليجيه .. والعربيه ... والغربيه .!!! كل هؤلاء اجنبيات في نظرك .! بعض تقاليد بلدنا توجد في بلدان خليجيه كثيره .. بعض تقاليد من بلدنا توجد في بلدان عربيه مجاوره لبعض مناطق بلدنا .! تأقلم النساء الاجنبيات في البلد هذا ليس مصيبه قد تقف حائل للزواج منها او تكون بدايه رحلة اللاسعاده مع الوقت تتأقلم غصب ..... الا اذا كانت .. مثل السمك ... لايعيش الا في حاله واحده (في الماء) فهذا شيئ اَخر... المشكله ياأخوان ليس الزواج من" غير السعوديه" المشكله في عاداتنا وتقاليدنا اللتي حرمتنا أشياء كثيره (الشيخ الكتور طارق السويدان زوَج ابنته لشاب امريكي كان نصراني .. عندما سأل عن السبب قال ...اختبرت الرجل في دينه وخلقه فرضيت به زوجاَ لأبنتي ..) أخي وعزيزي.... انا مثلاَ شاب من شمال المملكه .... فكَرت في ان اخطب فتاة من جنوب المملكه ... مع علمي ... بأن عادات و تقاليد الشمال تختلف عن عادات وتقاليد الجنوب نستنتج من كلامك في هذه الحاله .. أن المراه الجنوبيه مثلاَ .. اجنبيه .! لأن عاداتها وتقاليدها تختلف عن عادات وتقاليد شمال المملكه ..!!!!!!!!! بربك هل يعقل .. (بالنسبة لموضوع العنوسة اصلا النظام هنا زي ماكلنا يعرف يصعب الزواج من اجنبية ويعقد اموره كله عشان يحل موضوع العنوسه اذا عرفنا ان بالسعويدة 5 ملايين عانس ونروح نتكلم ونحث الشباب على الزواج من الخارج ياخي هنا فيه دين وفيه جمال وفيه نسب وحسب زي برا عشان كذا المفورض علينا كشباب نفهم ونفهم غيرنا انه الزواج من هنا احسن اذا قلنا اقصاديا او اجتماعيا افضل من ناحية المصاريف الاقل واجتماعيا تكون البنت متعوده وعارفه كل شي ومرتاحه بمجتمعها) قلنا غير هالكلام .! المسأله ياأخي العزيز تعتمد على الزوجين .. ولادخل للجنسيه في ذلك .. من يريد الزواج الحقيقي وليس زواج اللهو واللعب سيسأل ويتحرى لكي يجد من تناسبه أخي .. من حقنا نطالب بزواج السعودي من بنت بلده . ولاكن هذا لايعطينا الحق في ان نتهم نساء المسلمين بأبشع الصور .. كأن ترمي باولادها ..أو تتزوج هذا بقصد المصلحه ووووو مع العلم بان كل هذه الحالات اللتي تحصل في الخارج توجد في الداخل وبأشكال وطرق جديده افيدوني حفظكم الله ...., |
اقتباس:
ياهلا ومرحبا فيك اخوي عاشق نورت الموضوع مره اخرى واتشرف بمناقشتك باي نقطة اخوي اانا مراح اتعمق كثير بالموضوع ولو اننا شوي بنجرخ عن اطاره المحدد بالنسبة للدليل على ان البنات هنا اقل خراب من الي برا 1- اذا عرفنا ان البنت هنا تخرج اذا مو رضاها غصب عنها بحجاب . بينما بالخارج اكثر البنات (ليس كلهم), يخروجون مو بس بدون حجاب الا بمكياج كامل وملابس فاتنه.. وحتى لو كان (بعض ) البنات هنا يلبسون عبايات مخصرة ويتصيعون . بس تأثيره اقل من لمن تشوفها على الشارع وتكون متبرجه كاملا. 2- اذا سافرت برا مثلا وفي دوله معيبنة ماقدر اذكرها.. تكون جالس بالشارع ماشي بحالك .. ييجي رجل ومعاه بنت قد تكون اخته او زوجته او بنته .. يوقولك هات مبلغ معين وهي حتتبسطك.. عيانا بينا وقدام الله وخلقه .. وغير الي تجيك هي بنفسها وتعرض نفسها عليك.. وبنسبة كبيرة جدا. 3- هنا اكثر البنات ما يرحون مكان الا بمحرم والاهل مراقبين ولهم وجود ومكانه وهيبه بحياتها.. لكن الي برا اغلبهم اهالم هايتينهم بالشوارع .. والادله كثيره لكن مابي اتوسع وادخل بمواضيع اخرى اخي العزيز نقطة مهمه جدا ابكذكرها كما يقال الخير يخص والشر يعم والشر موجود هنا وبرا وهذا شي انا ووغيري يعترف فيه ولكن هناك موجود خير وموجود بنات بالخارج على قدر كبير من الدين والجمال وغيره. ولكن سؤالي في موضوعي محدد هل هو افضل ؟؟ ولماذا؟؟ وانت ذكرت انه افضل .. لكنك لم تبرر او تفسر لماذا هو كذلك. عالعموم انشااء لله اكون وصلت فكرتي لك. تحياتي |
هلا فيك اخوي مطلوب
ارحب فيك مره ومرات اشكر لك تفاعلك وروحك الناقده كلامك جميل وهو أولا وأخيرا رأيك الشخصي ولكن اسمحي لي اعارضك او اخالفك في نقطتين الاولى ... عندما ذكرت مثالك عن زواج واحد من الشمال بوحده من الجنوب لا اظن انه مثل ينبطق على كلامي لان في مجتمعنا السعودي عادات متشابهه ولا اقصد بالعادات والتقاليد نوع الاكل او الكلام او الللباس بل العيش في مجتمع غير يعني مثلا لو انك ذكرت انه وحده سورية تزوجت من سعودي يمكن يكون مقبول لان السوريه هناك كانت تسوق السياره زهي رايحه العمل وتخرج بدون حجاب او ما تغطي وجهها ويمكن تروح وتسافربدون محرم عادي لكن تجي هنا ولازم تتقيد بعاداتنا فهي ان لم تكن صبوره فهي راح تمل وماراح ترتاح وهذا شيء حاصل وحادث واذكر قصة احد من اقاربي تزوج من مصريه لكنها لم تستطع التأقلم هنا وصارت بينهم مشاكل رغم انه كان مرتاح بالبداية لكن كل شوية تقوله باطلع زقهت باسافر لأهلي الين طفشالرجال وطلقها.. وقصص غيرها كثير النقطة الثانية اخوي مطلوب لم اتوقعها منك صراحه كيف استنتجت اننا نرمي نساء المسلمين بابشع الصور ماذكرته وذكره الاخوان هي صور من الواقع وانت لا تنكر ذلك وفي نفس الوقت انا لا انكر حدوث ثل هذه الاشياء من نسائنا ولكن مرجعي هو للواقع ومااعرفه ورأيته بعيني واعيد واكرر ان هذا ليس تعمميا عل ىكل النساء من الخارج هناك من تستطيع العيش والتأقلم واسعاد زوجها تحياتي |
عزيزي أدلتك مرة ضعيفة ويمكن تكون مالها أساس لأن كلامك عن البنات في الخارج صار مثل كأنك تقول عنهم ( عاهرات )
اخوي ليش ما نصير ناس فاهمين ونفرق بين الدين والطبايع !!؟؟ في أحد النقاط اللي انت قلتها أن البنات في الخارج متبرجات ،، أي تبرج اللي انت شفته ؟؟ هل الحجاب اللي تشوفه في الخارج غلط ؟؟ أنا بجاوب طبعا لا ماهو غلط لأن الدولة اللي انت تقصدها يمشون على المذهب الشافعي ،، واحنا هنا على الحنبلي ،، وبذلك فيه اختلافات بس مو معنا ان وحده مطلعة وجهه وهي إنسانه عندها دين وأخلاق صارت زي ما انت وصفت ،، وعلى قولتهم ياما تحت السواهي دواهي ،، يعني ممكن تلاقي وحده لابسة العباية وهي أفجر ما خلق ربك ،، ،، وبعدين انت قلت واحد يجي هو وإمراته ويقولك راح تبسطك ،، ترا في هنا ألعن وألعن والله يستر على اللي شفتهم بعيني وربي يشهد ،، هنا يا عزيزي البنات وصلوا لمرحلة التقليد الأعمى ،، الظاهر انك قليل ما تروح الأسواق ( النت ماخذ عقلك ) خخخخ روح وشوف وربي بتشوف العجب وإذا كنت حليوه شوي وربي راح يرقمونك ،، وعد مني ،، ولا أنا راح اتعمق في الموضوع ويمكن يكون هذا أخر رد لأني بصراحة غثيتك ،، معليش قلبي بس المواضيع اللي زي كذا تحتاج نقاش شوي ،، مني انا واحد راح أتزوج من الخارج بإذن الله لأن هناك كل شي قدامك وتشوف الصالح والطالح ،، مازال هذا رأي ،، تقبل خالص التحية أخي أخوك : عاشق الأثير من بلاد الحرمين |
الظاهر انك قليل ما تروح الأسواق ( النت ماخذ عقلك ) خخخخ
ههههههههههههههههههه ولله نروح كثير ونطلع ونسافر لكن الواحد يستر على نفسه هلا وغلا فيك حبيبي عاشق بالعكس والله اني ارحب فيك الف مره احنا يمكن انختلف شوي بوجهات نظرنا لكن الاختلاف لايفسد للود قضية وبالنسبة لكلامك هو الى حد ما صحيح رغم اننا طلعنا برا الموضوع شوي لكن باقترح عليك تنزل موضوع عن الفرق بين البنات هنا وهناك.. ونشوف تفاعل الاعضاء وارائهم.. شو رايك؟؟ تحياتي لك. |
بسم الله اخي الكريم الشاكي تقبل تواجدي للمره الثالثه بكل رحابة صدر (الاولى ... عندما ذكرت مثالك عن زواج واحد من الشمال بوحده من الجنوب لا اظن انه مثل ينبطق على كلامي) انا وجهت لك سؤال عن تعريف بسيط للمرأه الاجنبيه في نظرك ولم اجد اجابه شافيه ووافيه وهذه اجابتك على سؤالي : (بس قبل كذا باعرف لك المرأة الاجنبية من وجهة نظري ككاتب للموضوع "" هي المرأة الي من غير جنسنا ومن غير بلدنا ومن غير تقاليدنا وعاداتنا"" غريبه على البلد نتقبلها ... من غير جنسنا ايضاَ نتقبلها ... من غير عاداتنا وتقاليدنا ... يكمن الاختلاف فمما فهمته .. أنَ أي امرأه تختلف عاداتها وتقاليدها عن عادات وتقاليد الشاب السعودي .. هي أجنبـــيه ...! :wed a3: تعليق اَخر .... ( النقطة الثانية اخوي مطلوب لم اتوقعها منك صراحه كيف استنتجت اننا نرمي نساء المسلمين بابشع الصور ماذكرته وذكره الاخوان هي صور من الواقع وانت لا تنكر ذلك) نعم لاأنكر ذلك ولاكن هذا لايعطيني الحق في اتهام نساء المسلمين بكلام بذيئ وغير منطقي فكما يوجد في الخارج يوجد في الداخل وبكثره ... والله المستعان 1 اقتباس:
الى اين وصلت بها القوه لكي تقول هذا الكلام ...! اللهم لاتؤاخذنا.. 2 اقتباس:
بنات العرب لايوجد عندهن ادب ولا اخلاق فقط يوجد في بنات السعوديه لاغير..! :wed a3: 3 اقتباس:
اتهام بفقدان شرف الفتاة في البلد المقصود .. مع وجود قلَه منهن لازلن يتمسكن بعذريتهن..! لايوجد في السعوديه .. انحراف ... ضعفاء شخصيه ...أم تترك ابنها او أب يترك ابنه (بمعنى لايوجد طلاق..!) هل انت متفق ..! !!!!!!!!!!!!!!!!!!!!!!! !!!!!!!!!!! !!!!! !! |
رد على الأخ عاشق الريم ،،
أنا امي مصرية ( اجنبية في نظركم ) المتخلف ،، والحمد لله اخواتي كلهم دكاتره في الجامعة تخصصاتهم الأولى ثقافة اسلامية ( عقيدة ) والثانية ( لغة عربية ) والثالثة ( طب ) وأخوي الكبير مهندس مدني وأنا الحمد لله مهندس معماري ،، أعتقد هذا يكفي , ولا أعتقد أنه سوف يكون هناك تشكيك من جانبك في شخصيتنا أو أدبنا أو ديننا ،، رجاء من كل الإخوه الأعضاء أن كل واحد فيهم يا أنه يحفظ لسانه ،، ويحفظ أدبه من باب أولى ،، وإذا كانت على الشخصية لو ما كانت عندي ما رديت عليك ،، وإذا بغيت أي شي ثاني بإمكانك الإتصال علي الإيميل saleh_4u@hotmail.com وخلنا نشوف من المهزوز ومن اللي ما عنده دين ،، وأخيرا أشكر الأخ الفاضل مطلوب بس متوزي على الكلام الجميل ،، أشكرك على العقلية المتفتحة والناضجة ،، ما زال الفكر السعودي ( متحجر ) كان الله في عون من عاش بها ،، للأسف أنها دولة الإسلام ،، ( لا فرق بين عربي ولا أعجمي إلا بالتقوى ) مو مهم الجنسية المهم التقي عند ربه المهم اللي يعيش بين الناس بأدبه وإحترامه وعلمه ،، ما راح اتكلم على بنات السعودية لأن انا على الأقل احترم بلدي وأحترم بناتها وزي ما في بنات الدول الثانية ترا في عندك مثلهم ويمكن يكون ألعن من كان لديه رد يمكنه الرد علي زي ما وضحت في البداية ،، عاشق الأثير |
هلا فيك اخوي مطلوب
بالعكس اسعد كثير برؤيتك وكلامك جدا جميل وخلاني اراجع نفسي في بعض الكلام لكن ماابغى اخرج برا الموضوع الاساسي وندخل في متاهات من افضل من ناحية الدين والخلق والشرف لانه راح يدخلنا في مواضيع وتشعبات كثيره نرجع لموضوعنا الاساسي هل الزاوج من الاجنبية افضل من السعودية؟؟ ولماذا؟ وكل واحد ذكر الي يعقتد بصحته .. يمكن يكون غلطان ويمكن يكون عايش تجربة او شايف شي احنا ماشفناه.. عالعموم سعد جدا بتفاعكل وتنقاشك معاي ولك مني كل الاحترام والتقدير. تحياتي |
هلا فيك اخوي عاشق الاثير
ماشاءا لله الله يوفقكم جميع واتشرفت بمعرفتك اخوي تحياتي |
|
| الساعة الآن 02:57 PM. |