جــــــــرح المحبين
وشلون انام وخافقي منك منصاب=كل ما يطيب تحمله جرح ثاني
وشلون هابك خافق ما بعد هاب =ان قلت ابيه يشوف غيرك عصاني
توي عرفت الحب والحب غلاب=ودي عرفت الكي يومه كواني
ما ضاع حق من وراء الحق طلاب=يبلاك باللي فيه ربي بلاني
حاولت ادور لك عذر والمس اسباب=يومك تحط انسان غيري مكاني
هذا انت دايم للعذر تفتح ابواب=يبقى الاناني طول عمره اناني
دام انت تعرف خافقي بالهوى ذاب=وانه بعد عن حب غيرك نهاني
صدقت من قالو ترى صاحبي تاب=وفرحت معهم قلت مبطي نساني
كذاب واللي قال لك معك كذاب=والله تدري ما نسيتك ثواني
مير انت باغيها وشاريها واعتاب=وما في خفوقي لك يقوله لساني
ما دمت ما تعمل بدستور الاحباب=وباقي تجاهل حبنا والاماني
لاني بلا خايف ولاني بمرتاب=بأقولها والعمر لا بد فاني
يا لعنبو من يتبعك دامك تراب=ويا لعنبو درب لبيتك فيها خذاني
منقول
اخوكم
عــــــــــــاشق الريــم
salim1405@hotmail.com