تخيل انك........ مدير مدرسه!!!! (سؤال حق الكل)

**العـــنود** · 21-09-2002, 03:29 AM

تخيل انك........ مدير مدرسه!!!! (سؤال حق الكل)

حق الصبيان:
تخيل انك مدير مدرسة(ناظر) ايش راح تسوي بالمدرسه وايش القوانين اللي راح تحطها وايش راح تسوي بالطلاب
حق البنات:
تخيلي انك مديرة مدرسه(ناظره) ايش راح تسويين بالمدرسه و ايش القوانين اللي راح تحطينها وايش راح تسويين بالطالبات

تحياتي
**العنود**

××دمـ ألم ـعة×× · 21-09-2002, 03:36 AM

موضوع حلو

اول شي ألغي مره الدوام برمضان

ثاني شي ألغي حصة الموسيقي الي مالها داعي ولا طعم

وثالث شي أطالب وبقوة الوزارة لمدارس رياض الاطفال والأبتدائي خاصة توفير الفطور لهم بالمسرح مثل ما كان بالسابق

ورابع شي اوحد لبس إلزامي للطالبات المتوسطه والثانوي سواء متحجبه او سفور كلهم ماكسي وسيع وامنع منع باتا وحرمان الدخول الي تدخل ليالمدرسة بفتحه بفستان المدرسه كانها رايحه العرس مو المدرسه

واخيرا أسوي تفتيش مفاجأ لكل فصل الشنط والطالبات قد يتداولون المخدرات او السجائر او اشرطه الفيديوا

هذي امنيتي اسويها لو اكون الناظره

تحياتي لك

الكـــــنـــــــج · 21-09-2002, 03:45 AM

ابي اقول للطلاب شاركو في منتدى الود

مع تحياتي:

الكــــــــــــنـــــــــــج

اميـ الاحلام ـر · 21-09-2002, 10:45 AM

بسمه جامع القلوب

السلام عليكم ورحمة الله وبركاته

الف شكر لك اختي العنود على الموضوع الحلو

انا لو كنت مدير

احم احم

اول شي ابي احط قانون احترام المدرسين للطلاب والعكس

ما يجيني مدرس من اول يوم ويهدد وانا وانا وانا

ولا يجيني طالب من اول يوم لو ترسبني لاكسر سيارتك و ,,

وبعدين ابي اسوي سياية الاوبن دوووور

يعني الباب المفتوح

الطالب لو ما فهم يجي للمدرس بالفسحه يفهمه والمدرس ما يقول له طس ابي افطر

وابي الغي قصات الشعر اللي مالها داعي

وابي اركز على النظافه واسلوب المعامله

ترا اسمها وزارة التربيه والتعليم

التربيه قبل التعليم

بس هذا اللي في بالي حاليا

تحيااااااااتي

اميــــ مدير ــــــــر

بااااااياااااتو

الملكة العقربه · 21-09-2002, 02:50 PM

موضوع حلو

لو أنا صرت مديره ولمدرسه حكوميه بالتحديد <<<<<< تحلم كثير

أول شي

أطالب بتغير مقاعد وأدراج الطالبات وتوفير الإضاءه والتكييف اللازمين بالفصل..

ثانيا

أغير لون جدران المدرسه المميت..

ثالثا

أتعاقد مع شركة نظافه ترسل عاملات نظافة للمدرسه يوميا..لتجنب المناظر الكئيبه والمميته اللي بالمدرسه وخصوصا الحمامات وإنتم بكرامه..

رابعا

أغير ألوان مرايل البنات من كحلي و رمادي إلى ألوان زاهيه تشرح النفس ..

خامسا

الكعب والاساور والسلاسل والشعر المفكوك ممنوع وبشده.. جايه البنت تتعلم مو تستعرض..

سادسا

اللي ما تحترم مدرستها تعاقب أشد العقوبه .. عشان لا تفكر تعيدها ثانيه..

سابعا

اللي تغيب كثير يخصم من درجات مواظبتها مع التنفيذ أكيد..

ممممممممم

يووووووه قوانيين كثيره

شكلي بيفصلوني أنا من التعليم قبل لا ألحق أطبق قراراتي هههههههه

الفـــــارس · 21-09-2002, 02:56 PM

ول ول ول

الحمدالله على النعمه

صراحه لو اصير مدير

اول شئ اسويه اني اشون اللي راسبين اكثر من 3 سنوات واحولهم ليلي --------> يخربون الصغار

اغير نوع الوجبات اللي يقدمونها
<------- جاتله عقده من الزعتر

اممممممممممم ايش بقى

والله ما لقيت شئ

مشكورين على الموضوع

مع تحيات
الفارس

*غيــور*بصمــت* · 21-09-2002, 05:51 PM

ما أدري والله إيش القرار الصارم الي بأتخذه هذاك الوقت ..

بس أهم شي أسوي أشتري على عدد المدرسين كراتين خيزرانات(عجرات) .. عشان (يبطون) الطالب الي ما يتأدب ... ولاحظوا الي ما يتأدب بس..

وأسوي دورات خاصه للمدرسين في أساليب إلقاء الدروس وتوصيل الماده للطالب بالشكل الامثل ..

الي يسوي الدورات كبار مثقفين البلد (على حسابي طبعا :D ..)