اني طمعانه في مساعدتكم لا تبخلون علي

[ملااااك]

اني تعبت من كثر الملل واحس اني زهقانه من الروتين الممل اللي عايشته شنو اسوي باقي وايد على دخولي الجامعه فشنو بتنصحوني اسوي مع العلم اني درس في معهد وخلصت من زمان واني كلش متملله لدرجه اني ما احب اسوي شي في البيت على طول نايمه واذا اني قاعده على طول افكر والتفكير يخليني امتن وااايد ومو عارفه اشلون اتخلص من هالبلوه اللي اني فيها

[نــور الــقـمـر]

اختي الغاليه ملاك



مشكلتك هذي يعاني منها كثير من الناس الا وهي الفراغ انا الحل برايي انك تستغلين هالوقت بقراءة القران وقراءه الكتب

او تعلم شئ جديد بالمطبخ او بالخياطه وفنونها تطلعين وتغيرين جو تزورين اقاربك

تخلين لك جدول يومي تمشين عليه عشان ماتحسين بالملل



تحياتي لك

اختك نور القمر

[الملقووف مااازن]

مارسي فن الطبخخخخخخخ
مارسي فن القراااااااءه
مارسي فن مشاهده التلفاااااااز


ههههههههههه


ولكم أحلى تحيه
أخوووووكم الملقووووف
ماااااااازن
:pipe

[ملااااك]

اعرف اطبخ بس ما احب ادخل المطبخ لاني مع امي مو صلوح يعني امي وااااااااااااااااااااااايد تحن على راسي فما احب انب اقعد معاها وما احب اطلع من البيت من الشغل للبيت وبس
والله اتمنى الجامعه تكون بكرة لاني تعبت

[ومضة]

غاليتي ملاااك...

صدق من قال الوقت كالسيف ان لم تقطعه قطعك..

انتي قلتي انه (باقي وايد على دخولي الجامعه ) طبعا واكيد ان الحامعة تأخذ أغلب وقتك بين الدراسة والامتحانات والبحوث والتقارير والعروض والشروح والانشطة و غيرها من المهام ولكن الذي يدخل الجامعة بهدف الدراسة ونيل التعلم هو الذي يفلح فيها والذي يدخلها بهدف تقضية وقت الفراغ فهذا لا يمكن ان تنفعه الجامعة ..

خرجت عن موضوعك ولكن هذه فقط تذكرة..غاليتي ياليت لو استطيع ان اقاسمك وقت لأني فعلا بحاجة اليه..

انت تستطيعين ان تفعلي الكثير..

أولا لابد أن تكتشفي مواهبك وما تحبيبن كي تستطيعي بذل اكبر وقت ممكن فيه..

ما رايك لو تعطين القرآن بعض الساعات تتعلمين فيها التلاوة وتحفظين ما تيسر لك منه..

لو تقومين بزيارة دور المسنين والمعاقين في كل اسبوع مرتين فهذا سوف يسعدهم وسوف تنالين الاجر الكبييييييير..

لديك المكتبات فلو تستغلين اوقاتك في قراءة الكتب المفيدة على حسب ميولك..

تستطيعين وضع برنامج للاسرة نزهة مثلا كل اسبوع مرة وهذا سيخفف عنهم..

لديك المستشفيات لو تزورين المرضى لا تعلمين مدى السعادة التي ستصلك..

هناك اندية للفتيات اذا احببت الذهاب اليها..

وان قلتي كل هذا يحتاج الى الخروج من المنزل وانا لا احب فاخيتي حاولي وسوف تحبين وانا اضمن لك ذلك..

تحياتي الخالصة لك..

[Punk Princess]

السلام عليكم و رحمه الله و بركاته,,

أختي العزيزة : ملااااك

أنا الآن أدرس, و جدولي مزدحم بالأنشطة, و الامتحانات ليست ببعيدة! ولكنني أشعر بالملل, مع أن بعض الأحيان لا أجد وقتاً أجلس فيه مع نفسي, أرتاح, و أفكر..
وأنتِ على العكس, فمن الملل لا تستطيعين أن ترتبي حياتك بشكل جيد! أولاً : حاولي بتأليف كتاب! لأن البريطانيين كانوا يألفون كتب, من شدة الملل! حاولي لا بأس.
ثانياً : عمل الطاعات!
ثالثاً : عمل أنشطة خارج المنزل أو البحث عن رياضة .. أنا ألعب Skating, Tennis وكثير من الأنشطة الرياضية! بصراحة هي مفيدة لأبعد درجة!
رابعاً : حاولي التركيز على الدراسة!!

وسوف تلاحظين تغيراً كثيراً في حياتك اليومية!
وأنا بصـراحة أكره شيء بالنسبة لي (الملل!)!!!!

Punk.Princess.

[ملااااك]

اشكر الجميع على نصائحهم والله كريم

[العاشق البحريني]

نظمي حق روحج جدول للنشاطات الي بتسوينها
يعني مثلا من الساعة...الى الساعة...اقرا قران
من الساعة...الى الساعة...اجوف التلفزيون
من الساعة...الى الساعة...ابطل الكمبيوتر
وهكذا

[كلام العين]

السلام بداية الكلام...
هلا ملا ك شلونج أنا ودي وايد أفيدج بس إذا قلتلج تسوين والا
جوفي القعده بالبيت هي اللي تخليج متملله من كل شي لازم تدورين على دوره تدخلين فيها او شغله بسيطه تشتغلينها وفي حل بعد ليش ما تحاولين تقرين كتب وتستفيدين...

[ماااجد]

اختي ملااااااااااك مشكور على هالموضوع

بصراحه الاخوان والاخوات ماقصروا

حبيت اضيف لكني احترت لانهم اذكرو اشياء كثيرة مفيده جدا مثل
تاليف كتاب ,, خشي دوره ,, قراءة القران ,,, زياره دار المسنين

وانا اتمنى انك بالفعل تروحي لدار المسنين او مستشفى الامل بالدمام او غيرها
من شان تعرفي نعمه الله عليك وانك في خير وان غيرك مايقدر يسوي شيء من الاشياء
اللي ذكرها الجميع ولو استطعتي من الذهاب راح تحسين ان حياتك راح تتغير الى الافضل بشكل
كبير لان هذه راح تشغل وقتك وفراغك واشياء كثيرة ,,

ولفت انتباهي انك بينك وبين امك شوي اختلاف على حسب ماذكرتي تحن على راسي
اختي اسمحي لي بالتدخل في النقطه هذه

عمر الانسان ماراح يحس بالراحه او يلقاء التوفيق وامه زعلانه ولو بنسبه بسيطه عليه
اتمنى ان اول تغير تسوينها هو مع امك واهلك ثم وقتك

تقبلي تحياتي وردي واسف على التدخل لكني صريح