السلام عليكم ورحمة الله وبركاته
في يوم من الايام في زمن ايام المتوسطه
ايام الصرقعه والهبال
كانت عندي هوايه غريبه نوعا ما
الا وهي المطامر على الزبايل وانتوا بكرامه
ما اشوف زباله الا اطمر فوقها ومره من المرارير ( ما انتحر سيبويه من شوي )
شفت زباله جديده وشكلها يحمس ّ جدا
وكان وقت كل البنات طالعين برا الفصل وقلت خليني
اوريهم مواهبي واجي اركض من بعيييييييد
من على بعد خمسين يارده
كني روبرتو كارلوس كابتن الفريق الهلال <<< كيفي انا ابيه في الهلال
واطمر ذيك الطمرررررررره وعلى طمرتي حذفت صديقتي علبه ببسي وكانت متعمده لانها منقهره من موهبتي خخخخخخخخ
واصقع في الببسي واااااااااااء واجيكم محوله انا والببسي في الزباله عاد الزباله كبيررررره كفتني ههههههههههههههههههه والبنات كركركركركركرككر علي ولا احد فيهم فزع لي واقوم انط من الزباله الله يكرمكم واصك صديقتي بنظره ازدراء واحتقار وهي شمتانه فيني وحلفت لا انتقم لكبريائي وكرامتي
وتمر الايام اسود من قرن الخرنوق على قوله المصريين
ولا زلت اعاني من جرح في كبرياء بطني ولا عاد اطلع من الفصل من الفشيله ولا عاد اقدر اطمر على حتى قوطي عصير
وجاء يوم النصر كنت رابضة في فصلي وحيده
اناظر من الدريشه وتجيني صديقتي اللي طيحتني وتترجاني اطلع اتمشى معها وانا رافضه قلت مالي وجهه
وبعد حنه ورنه وبعد الحاح منها طلعت اتمشى في الاسياب وفجاه شافت صديقتي المعلمه اللي تحبها وقالت لي منسمه تكفين طلبتتس خلينا نتسابق قدامها وخليني اسبقكك علشان ازعط قدام حبيبتي فالبدايه رفضت ويطلع لي قريني ويغسل شراعي يقول هما هي طيحتك ذاك اليوم يالخبله وفشلتك قدام اللي يسوى وما يسوى هذي فرصتك تنتقمين وراح تنتصرين
وهالشارب ماهو على رجال ان ما انتصرتي .. والبنت تنتظر الرد قلت ابشري والله فرحت المسيكينه ونتسابق طربق طربق طربق
يووووم قربنا من النهايه طبعا خط النهايه عند المعلمه خخخخخخ يوم وصلنا وامد رجلي لصديقتي هههههه
واتكرفس <<< تطيح للي ثقافتهم حبشيه
وتجي محووووله على خشتها وتصك جبهتها في حذيان المعلمه وتضحك المعلمه والبنات ميتين من الضحك خخخخخخخخخ وانا ما اشوف الدرب من قريني اللي قام يطامر ويقهقه عليها وتقعد تصيح من الفشيله وتزعل علي اسبوع ما تحاكيني والمعلمه كل ما شافتني قالت لي حيالله الصعيديه خخخخخخخ وانا مستانسه ومن يومها ما عاد تعرضتني صديقتي ورجعت لمزاوله رياضتي المفضله وهي المطامر على الزبايل دون رقيب او منغص
منقوووووووووول
العرض العادي
