] السسسسسسسلام عليكم
بصراحه ابكتب الموضوع هذا وانا مالي وجه اقابلكم بعدها (( طيب اسكت عشان تقابلهم)):hm:
لكن الي مريحني اني مفهمكم من الاول اني هيس اربد (( ومعنى الهيس الاربد يعني الاسد الكسول )) :N
مره في احدى البلدان العربيه طلب مني السكوت العضو الي معنا بالمنتدى ما غيره
طلب مني اني اخاويه لاحد الاسواق .. المهم قبل لا نحرك انا وهو .. قلت له :
شف تراني ما احب المغازل :o .. ولا ملاحق بنات الناس ..
ابغا اروح محترم وارجع محترم " طيب شد الكرفتا "
يعني تقول لذي يا حلو ه (( يا ابيض )) .. تقول لذي يا غزال :Luv: .. لا
وطبعا السكوت كل ما قلت له شيء قال سم .. فديت الرزه كاشخ ومنسق في ملابسه " يا زييييييينه يجننننننن "
المهم وصلنا للسوق الي يبيه بدوري وجلسنا في القهوه
واخذنا طاوله "قصدك برج مراقبه " وجلسنا وطلبنا كابتشينو ((الله يرحم زمن المرميه وشاهي بالحليب ))
المهم واقوم ارتشف قليل من الكابتشينو "لا تلعب بالكابتشينو تحرق براطيمك "
وحنا جالسين انا والسكوت بعد تسبدي ،، الا ويمر علينا ذاك البزر هو وابوه
والبزر يقول لابوه .. يبه امي ضاعت مني ولا ادري وين راحت ؟
قال الابو خلاص رح انت يمين ،، وانا بروح يسار وان شاء الله بنلقاها .
واقوم انا واناظر السكوت .. والسكوت يناظرني :EE
واطلع انيابي .. وهو يطلع انيابه :WO
واقوله : بدر تجي ندور على امه ؟؟ <---- هذي الشهامه ولا بلاش :na:
عاد هو مشاء الله ما يبيله شيء ،، قال يالله قم توكلنا على الله
ونجلس نلف بالسوق نبغا نشوف نعجه ترعى بروحها
ولا اخذنا شوي الا هذي هي قدامنا
واول ما قربت وطبعا كانت متغطيه ،، خليجيه لازم تتغطى
ما كان باين منها شيء ابد لا عيون ولا يـد مغير سيقانها تحت واشوي من الركبه بحكم الشق الي هي شاقته من ورى الفستان
ولا الومها لسببين ،، الاول انه كان حر مره ذاك اليوم ،، وحرام تختنق من فوق وتحت
ومدام غطت الوجه بغطوه الباقي ما هو مهم :o
والسبب الثاني والي عرفته تالي عقب انا ظلمتها ان العبايات المتر الواحد بـ 5000 ريال وهي يمكن ما عندها المبلغ هذا
طيب وش تسوي تكمل العبايه بخيش وتخرب المنظر عليها وعلينا :KK
المهم عقب ما ظلمتها والحقها ولا وجهها مشاء الله عليه حاطه عليه غطوه تقول كنه فلتر شاشه كمبيوتر (( فديت المكياج الخارق للشاشات ))
المهم واقوم اتميلح عندها واقولها معقوله القمر نازل عندنا اليوم ؟
قامت وقالت : ايه وش الغريبه فيها ؟؟ انت اول مره تشوف قمر يمشي بكعب فرزاتشي ؟؟ وشيله بدون اسم ؟؟ <--- اشوى انها قالت لك ظف وجهك (kk)
يا طعم يا قميل عطيني وجه بالله عليك ،، وتقوم وتأشر على جزمتها الله يكرمكم
قالت ما تبي هذي بدال وجهي ؟
بيني وبينكم ما فيها اختلاف اللهم ان الجزمه لونها بني وهي ابيض قشطه ::J
قلت لها لا عيوني ما ابغى الي في رجلك اخاف انّزل من طولك 15 سانتي " نعنبو دارها لابسه عماره "
قالت ما تستحي على وجهك انت ؟؟
قلت وانتي طيب ؟؟
قالت نعنبو دارك ما عندك خوات ؟؟
قلت الا عندي مستورات في بيوتهن ليه السؤال ؟
وانتي طيب ما عندك اخوان ؟؟
المهم البنت عرفت انها جالسه تكلم واحد نفس مستواها يمكن هي بس احسن مني في الخبره
اقدم مني في الكار هذا لاني بصراحه هذي المره الميه الي اغازل فيها
يعني توني جديد
المهم يوم شفت البنت انها بنت حلال مالها في المغازل <-- قصدك وجهك ما يساعد (ab)
قمت وخليتها ورحنا ندور انا والسكوت على غزال شارد ثاني :hm:
واشوف ذيك البنت الي تقول لمجنون قم وانا اجلس محلك
قربت منها .. الا والله تشبهني مرررره .. انا شفتها واستاحشت
الله والعالم انها شافتني وحامت كبدها وصدت عني
احترنا بصراحه انا والسكوت
من نغازل من كثرهم وكل وحده من لبسها ودك تلحقها لبيتهم
يعني عشان نحرسهم و ونضمن وصولهم لبيوتهم بالسلامه ،،
لا اقل ولا اكثر ::Q
العرض العادي
