الاحبة هنا
قد تحتار احيانا .. وبالتاكيد لابد لها
من سبب !!!
وقد يكون اسلوبك في علاج هذه الحيرة
مختلف ... ويختلف
الاحبة ... بين ايديكم التفاصيل
ابقوا
معي
.
.
[poet font="Simplified Arabic,5,black,bold,normal" bkcolor="transparent" bkimage="backgrounds/17.gif" border="ridge,4,orange" type=2 line=200% align=center use=ex length=0 char="" num="0,black" filter=""]
حيــرتــــــني واحـتــــرت .. وشـــي نوايـــاك= كل مانسـيـتـك جــيـــت تعــلــــن خـضــوعــك
عـجــــــزت لفهـم بالهـــوى كــيــــف مـبـداك=طـبعـــــك غـــــريب ونادر النـــاس نوعــــك !!
مـــرة تجــيــنـي قاطــع ( حــدود ) دنـيــاك= تســبــق معــاذيـــر (الـبــطاء) لي دمـــوعك
في لهــفـــة ٍ منها الــــوله جـاوز إخطاك= وكـــن ( الغـــــلا ) مسـتــــل سـيــفه يلوعك
ومرة .. احـــس ان ( الغـــــلا ) من بقاياك= ما ضـمــتــه بـيـن الحــــنــايا .. ضــلوعـــك
صار الغـــيـــــاب الـيــــوم ابرز مـــزاياك= واول غــيــــــابك ما يكـمّــل .. سـبـوعــك !!
قــــلي امــانه .. ريّـــــح البــال وش جــاك= لا تــنــطـــفي بالـحـب .. آخـــر شـمـــــوعـك
عــطــني عهــــودك بالوفاء هـــات يمناك = واللي بغـــــيــته( بالمعـالـيــق ) طــــوعـك
رهنت شــــوقي .. بايـع الـنـــاس لرضـاك= وانهــد حـيـــلي .. من غـــرايب طـبـــوعـك
ابـيــك تـبــقــى داخــل العـــيــن ترعـــاك= لو( طـحــت ) يصـعــب فالمـحــبه طلوعـــك
مليت صـبري اشتــكي مـنك .. وانهــــاك= يالله عــسى ما صــابــنــي .. ما يروعــــك
هــذي حــروفي ( نزفــها) من ســـوايـاك = ترجـمــتها باحساس .. ياصــل سمــوعــك
اخــاف يــوم ٍ مايــجـــي فـيـــه طـــــرياك=وإن جـيــت ترجـع ما يســّرك .. رجوعــك
[/poet]
العرض العادي
