شبيت نار الحرب ***إيعازاً*** على آخر مناجاة

[بندر العجمي]

البارحـة يـوم المخاليـق iiنامـو
صارالسهر بينـي وبينـه iiمخـوه


غرد حمام الدوح يوم اسفر iiالجـو
توالشفق بادي على الارض iiتـوه


وغنيت للورقا وشبيت لـي iiضـو
البـن كيفـي والمعانـي طـروه


وتسابقن فكـري زمـرد iiولولـو
وصخرتهن بأسلـوب iiماهوبقـوه


شاعر وشعري مابنيته على iiسـو
ولاني على بعض السوالف iiمفـوه


لوكثرواصحابـي وبالمـدح iiهلـو
اعرف صديق العام واعرف iiعدوه


ابعدعن اللي شعرهم ليـت iiاولـو
واختار درب اهل الفوفا iiوالمـروه


شعر الحداثه قـام يكبـر ويسمـو
محداً يفرق طامنـه مـن iiعلـوه


تغانمـوه اهـل الحداثـه وغنـو
كلً علـى كيفـه مسـوي iiفتـوه


لو دقو طبول الحداثـه iiوصاحـو
الشعر الـه نـاسً تقـدر iiسمـوه


اخص بندر في كلامي وهـم iiنـو
لوكـان مابينـي وبينـه iiعـنـوه


يابندر العجمي ترى الشعر iiيحلـو
في مدح شخصك وانت قده iiوتـوه


قلت الصحيح وراعي الصدق ينجو
الحـر يفهـم والمشـوه iiمـشـوه


اختامهـا عـداد مايمطـر iiالنـو
صلو على المختار سيـد iiالنبـوه


وســـلامـــتـــكـــم
اخـوكـم/ مـتـأمـل iiخـيــر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،

اخوي متامل خير 00
هذا إيعاز على قصيدتك مو رد ولا مجاراه 0
لان الموضوع هذا لي رأئي خاص فيه 0 وكان ودي احتفض فيه للنفسي 0
لاكن عاد يوم ثارت البندق 0 كان لازماً على التنويه0
راجياً ان يرضى عنها من وجههت له 0 وتنال استحسانكم0

[poet font="Tahoma,4,white,normal,normal" bkcolor="black" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter=""]
البارحه يوم امرح الخلق وأمسو=ياسعد مال النوم في العين حروه
سرى بي الهاجوس وغيم بي الجو=والليل طرف وأول الصبح توه
يوم الرخوم في هاني النوم نامو= أمسيت أنا والشعر والليل خوه
وأبدعت لي طاروق مبني على أوّ=والبيت الآخر جاء على وزن عروه
أرحب تراحيبٍ من الارض للجو=وأبشر بردٍفي معانيه قوه
متأملٍ بالخير وبالعز تسمو=الشعر شيخٍ وانت حضرة سموه
شاعر ولك رايه وفي رايتك ضو=والذيب لامن غاب ما يسد جروه
وكليب مات وما تقاضى له الجرو=وحرب البسوس من قبل عهد النبوه
وأستاذنك ياالشيخ فيهم أبهجو=أعلنت نار الحرب وشبيت ضوه
بعض العرب لجو علينا ودجو= بشعرٍسخيفٍ وضيعٍ مفوه
شعر الحداثه جانا من الثور والدلو=ماينعرف جزله وهزله وسوه
وشعر الحداثه قام يعلو ويعلو=يامال فرقا العين وامحق سموه
كلام ما يصلح ولو وسط دسكو=مدري عبث جابوه والا فتوه
في معاني الشعرأستهنتو وهنتو=ماهي حداثه ذي معيره وسوه
وفي بحور الشعر تهتو وضعتو= ياسارقين الشعر امحق ربوه
لامن سمعته ودي أقول أهبو= يا خبل يا آبلةمشوه مشوه
اهبو هبيتو وطسو هناك طسو=هذا شعر ما هو وكالة رتوه
قلته وانا شاعر امدح واهجو= وأرفع معاني الشعر واشب ضوه
مثايلٍ تبقى وتبقى وتسمو=والشعر راس المال والمال منوه
جبت الدرد من داخل البحر والحو=أغوص غبات عميقه تّوه
أجيبها من باطن الارض والجو=وللكيف شرابٍ وللكاس عروه
وختامها عداد ما ذعذع النو=وما سال سيلٍ في مقاديم نوه
وعداد من طافو وحجو ولبو= أزكى صلاتي على سليل النبوه

[/poet]

والعذر منكم لاني فعلاً كتبتها وانا مستعجل فألتمس العذر منكم0

[عاشقــــة بندر]

الشاعر{{{{{{ بندر العجمي}}}}}}

صــــــــــــــــح لسانك ,,,,أبدعت يابندر بكلماتك

قلـتـه وانــا شـاعـر امــدح iiواهـجــو... وأرفـع معانـي الشعـر واشـب ضـوه

أنا أشهد أنك شاعر وأكبر دليل الكل يسند لك قصيده ويطلب مجاراتها,,,

بـــــــــندر,,, رد فيه قوة معنى وكلمه,,,

حضوري وتواجدي هنا وبأسم(عاشقة بندر) راح يسبب بعض المضايقات لك,,
لكن أنا من أشد المعجبات بشعر بندر العجمي,,,
ومن أكثر المتابعات لك,,

تحياتي

[الرزينة]

عاصفة من حروف توجهها للشعر الحداثي

لعل هذاالنوع من الشعر له ماله وعليه ماعليه

رغم اختلافي في الرأي معك اخي بندر

الا انني استمتعت بقراءة حروفك الرائعة

ولعل هناك من ينتقد الاشعار التي نظمت بغير اللغة العربية الفصحى

تحياتي لك,,

[بندر العجمي]

عاشقه

هلااااااااااا هلاااااااااا فيك 00

مشكوره على تشريفك وحضورك 00

وبالعكس أنتي على عيني وراسي عزيزتي 0

لكي فائق تحياتي000000000000000بنـــــــــــدر

[alhanoof]

الاخ بندر

يعطيك العافيه على القصيده الهجوميه على شعر الحداثه

كما اسميته

اخي الشعر له متذوقيه فهناك من لايعتبر الشعرشعرا

الا اذا كان بالفصحى

وما غيره ليس شعرا

ومع هذا استمر الفصيح والعامي

او الشعبي او النبطي

اختلفت تسمياته

ولكن الشعر الحر له متذوقيه

وله شعراءه

وللناس فيما يعشقون مذاهب

ولولا اختلاف الاذواق لبارت السلع

اختلف معك في وجهة نظرك

فانا تعجبني الكلمه الجيده سواء شعر او نثر

ولكن لايمنع انك اجدت بقصيده رائعه

كعادتك

يعطيك العافيه

وكل عام وانت بخير

[الريمان]

بسم الله الرحمن الرحيم
المكرم الاخ / بندر العجمي
اخي العزيز صح لسااانك على القصيدة ويعطيك العافية وكل عام وانت بخير
اخي لدي كلمة حق يجب أن تقال بعد اطلاعي على القصيدتين بينك وبين متأمل
خير فأمل منك أن تقبل نقدي برحابة صدر قصيدتك عليها بعض الملاحظات وانت
شاعر وتفهم ماذا اعني اولاً اقتبست من قصيدة متأمل عدة قوافي ثانياً في قصيدتك
بعض البيوت الغير موزونه مع احترامي لك كشاعر وعندي استعداد اثبت الشيء هذا
لاكن اتمنى انه مايضيق صدرك لأن الحقيقة ماتزعل احد تقبل تحيااااااااااااااتي
اخوك: الريمان

[سعد العصيمي]

هلاوالله فيك وغلا اخوي بندر
صح لساااانك وفيت ولاهفيت قصيدة طيبة من طيب شاعرها
وبعدين وانا خوك مافي خاطري الاكل علمً طيب وانت تستاهل
الطيب حتى لو مارديت علي صدقني ماراح يجي في خاطري
شيءلأن الموضوع بيني وبينك فقط والاحظ ردود بعض اخوانا
فيها نوع من التوتر شوي وعلى العموم الانسان الواثق من نفسة
مايهمه كلام الناس اتمنى لك مزيداً من الابداع والتوفيق انشاء الله
تقبل مني خالص شكري وفائق احتراااااااااامي
اخوك/ متأمل خير

[الغزال]

صح لساااااااااااانك ...... وعساك سالم

قصده رائعه جدا بكل ماتحمله الكلمه من معنى

كنت صادق في مشاعرك وعواطفك

تقبل تحيــــــــــاتي000

غزووووووووووووووووله

[بندر العجمي]

الله يحيكم كلكم اخواني شعار ومشرفين واعضاء الــــــود 0
كل عام وانتم بخير والشهر مبارك عليكم جميعاً0


عزيزتي الرزينه : هلا وغلا فيك شرفتيني اختي 0 ورأيك احترمه وأقدره مثل ما احترم شخصك ومتفهم جداً للطرحك ورأيك الجيد الحقيقه0
شاكر ومقدر وجعلك تسلمين 0 وكل عام وانتي بخير 0


alhanoof : وجهه نظرك مقدره عندي 0 وعزيزتي القصيده لا هجوميه ولا شي 0 ولاكن بكل بساطه هذا رأئي الشخصي يحتمل الخطاء والصواب وفي النهايه هو رأي 0وبالعكس فيه ناس يكتبون كويس وحتى يكتبون شعر و اغاني وانا اسمعها لاكن ما تعجبني انا وما اسميها شعر 0( لان بكل بساطه احبك امس ورحت السوق وشفتك ولا كلمتك ورجعت البيت ) هذا بكل بساطه مو شعر هذا اسميه انا كلام 00 حكي 00 سواليف 00 شرفتيني بحضورك جعلك تسلمين0 وكل سنه وانتي طيبه0


الريمان: هلا بك اخوي في متصفحي شرفتني بحضورك 0 وصح بدنك 0 وكل سنه وانت طيب اخوي0
من ناحيه ملاحضتك اخوي اولاً أقتبست هذا شي طبيعي اولاً القافيه صبعه واتحدى اي واحد يكتب اكثر من سبع او ثمان ابيات لان شاعرها متمكن وتعتبر من اصعب القوافي 0 وشي طبيعي اني اقتبس هذي مجاره ورد على قصيده موجهه لي فلازم ارد بنفس الموضوع والقافيه ولا كيف تبيني ارد يعني 0 الظاهر الشي ما قد مر عليك 0 وثانياً عزيزي مع احترامي لك اخوي مو انت اللي تعلميني في الوزن 0 واذا عندك توضيح اتمنى يكون شعر عشان بندر سلطان العجمي ما يفهم الا شعر 0
عزيزي الريمان انت اذا حبيت تنتقد انتقد اي قصيده من قصائدي واي موضوع براحتك 0 بس لو فكرت شوي شف هذا الموضوع بيني وبين متامل خير يعني شي خاص فينا وهو حب يسمع وجه نظري 0 اتمنى انك تكون فهمت
وياليت اخوي تتقبل وجهه نظري مثل ما اسعدتني بردك وحضورك وشرفتني اخوي 0 وفرصه سعيده ذا القصيده تباركت علي اللي خلتني اتعرف على شخصك المحترم0
تحيااااااااااتي لك 0


متأمل خير: ارحب وهلاااااااااااا وغلاااااااااا فيك استاذي 0

صح لساااااااانك وجعلك تسلم شرفتني ونورت الله يطول عمرك0

انا وانا اخوك ما كان ودي ارد لاني عارف ان ردي بيزعل ناس كثير بس ما قدرت ما ارد عليك احتراماً للمرسولك الغالي علي وانت برضو غالي علي مره0 وصدقني القصيده هذي كتبتها امس في خلال ست ساعات وعلى فكره فيه اكثر من عشرة ابيات انا حذفتها لاني ما ابي التوتر وداري انها بتزعل ناس 0 مع اني ماني فاهم ليه يزعلون هذا مجرد رأئي 0لان حنا شريحه في المجتمع ما نفهم الا الشعر الموزن المقفى المتمسك بالاصاله والبداوه والتراث كذا تربينا وكذا نظمنا الشعر 0 وهذا ما يمنع تحديث العباره بس بالشكل اللي يخدم القصيده ولا يطلعها من ممضمونها 0 والعذر منك يا طويل العمر على النقص والتقصير 0 والا قصيدتك عندي تسوا لها ثلاثين قصيده 0 اخوي انت عارف رأئي في الموضوع وانا قد وضحت لك وجهه نظري فيه مسبقاً وانا بالعكس ما ابي اي توتر وكلكم اخواني وزملائي واحترمهم واحترم ارائهم واقدرها0


وضلع طويق ما يتهز إن ذم 0000 إن مدح والا ذم شامخ وعالي

وتقبل فائق تحياتي عزيزي000000000000 بنــــــــدر



الغزال: مرحبتين فيك اختي شرفتيني بحضورك وأسعدتيني بتواجدك0

صح بدنك عزيزتي

شاكر ومقدر لطفك 0 وجعلك تسلمين 0


وفي النهايه إهداء الى الشاعر متأمل خير يختصر العشرة ابيات اللي حذفتها من قصيدتي 0 وابي اوضح حاجه انه عمر ما يجتمع شعر في قلب انسان وتجتمع معه رخامه 0
اقول:

الرخامه منزلّ عالي **** ومن بغاها ينسدح فيها

وطالبك طلبه تخليه بيت من وجهه الى جهه غير معلومه وما ابيك ترد عليه اذا لي خاطر عندك


وتحيااااااااااااتي 0000000000000 بنـــــــــدر

[محمد المتحمي]

اخوي بندر

كل عام وانت بخير

ومعذره على التاخير ابدعت يااخ بندر

وهذه مساجله جميله منك ومن الاخ متامل

اما شعر الحداثه فله عشاقه ومحبوه

اخي بندر وفقك الله مزيد من التالق والابداع

اخوك نقرة حضوضى