[poet font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
أعذريني دام أنا كلي ذنـــــوب "=" كيف أباصل (خيرك) وكلك(عذاب)
ياعذب ذنوبي أنا وشلون أتــــوب "=" دامني حبيت من حبك (تراب)
كل ماجابت (نفايحك) الهبــــــــوب "=" طار شــوقي يم طيــــفك مايهاب
فيك من طبع الزمن شح وشحوب "=" فيك(فال) وفيك من (طيش الشباب)
وفيك من جفل الضباء خوفٍ لعوب "=" وفيك (حلمٍ) يغري (رمــوز) الصواب
جــــامعه كـــــل المزايا/ والعيوب "=" بس عيبك لاحسبته ما يعـــــــــاب
لا فقــــــــــدتك كل( افراحي) تذوب "=" كن (حائل) غرفةٍ من غير بـــاب
آه ياضيق الأفق وقت الغــــــروب "=" أذكر أني قلت: جعلي للذهــــــاب
كيف؟ مدري!!!بس يابعض القلوب "=" كيف تقسى عقب ماكانت زهـــــاب
لا نظـــرت لغيرك تقول مغصوب "=" كن بيني وبين خلق الله حجــــــاب
لو فقدنا (الزول) من بين الدروب "=" المهم( الطيف) لايمكن يغـــــــــاب
كان عندك صفحة بسم (محبـــوب) "=" سجلي به أعترافات والمصــــــــاب
كل حبٍ ماعرف مثلك كـــــــذوب "=" وكل (قافٍ) ماعرف معناك(شاب)
أنتََِِِ وحدك ماحـــــدٍ غيرك ينـــــوب "=" وكل شيءٍ تامري به مستجاب
الا توبه عنك-مـــــــاوالله- أتـــــــــوب "=" مير خلي عنك أسلـــــوب العتاب
[/poet]
العرض العادي
