بسم الله الرحمن الرحيم
جاكم البرنامج هذا والآن بدت الدعايات له ...
اي دعايات [ قناة مستقله لهذا لبرنامج عالهوا سوا ]
وهذا نص الدعاية له..
(( عالهواسوا برنامج يجمع ثمان فتايات في بيت واحد,
واحدة فقط سيختارها الجمهور ويجمعها بشريك حياتها ,
ويزفها اليه بحفل اسطوري يشهده العالم))
ثم يتم عرض الفتايات وحده تلو الاخرى ليتعرف عليها الجمهور ...
لاننسا ان البيت اللي راح يبقن فيه ثلاث شهور وهن تحت مراقبة الجمهور (مباشره لمدة الثلاث شهور هذي ) يعني يعملن مايحلولهن ..وهن يطبخن ..وهن يفصفصن الصبح... وهن نائمات ..
وهن في المسبح .. وحتى وهن في دورة المياه الله يعزكم انتم وهم لا..
في الصالة الخ .... الخ..
هذا المطلوب لازم يراقبونهن في كل تحركاتهن ليش ...؟
قلتولي ليش ..
عشان ..( التصويت ) ..( التصويت ) ..( التصويت )
ايه التصويت اللي يبي يقلقنا ..
برنامج اسخف منه ماراح يطلع ..
ولا راح تشوفون الا البرامج اللي مثل هذا من هنا وطالع .
تدرون ليش لان السعوديين فاجاوهم او اصح اعجبوهم في برنامج
سوبر ستار ) اللي جتكم احصائيات له من ناحية التصويت ..
وهذا الدليل ان المطلوب هو ( السعوديين ) بالرغم من ان البرنامج يبث
على النايل سات ..
والفتيات اللي بالبرنامج كوكتيل حتى الانجليزيات به .
السؤال هنا ليه يعلن الوسخ الله يعزكم في نهاية كل دعايه اللي ماتتعدى
15 دقيقه ويكرر السابق ويزيد عليه للتصويت ..
ثم يعرض الارقام ..
ويعرض بعد كل فتاه الارقام للتصويت
ويطلب الجمهور(( ستكون انت الرابح اذا تم اختيار الفتاه اللي يختار الجمهور
لها عريس )) وستربح (( الجائزة 100,000 ريال ))لاحظوا
(( ريال )) الوسخ يقول (( ريال ))تدرون ليه ذاق طعم الريال ..
بالرغم ان العمله اللي متعارف عليها دولياً .... لا لا . الريال
اخواني المخزي في هذا البرنامج انهم وصلو الى السعوديه
والله يستر ....
قبل التصويت..
اسأل نفسك سؤال وش العائد عليك في هذا التصويت
طيب لوتفوز تحسب ان القروش هذي حلال .. لاوالله ماهن حلا على رقبتي
اذا كان حلال ..
طيب احسب كم مره تتوقع انك تصوت .. ولا تصوت احسب التكلفه وتصدق فيهن ابرك.
[عالهواسوا ] يعرض البنات وكل وحده مطلعه كل الجسم .. عشان تتعرف على المتسابقه ويكتبون لك طولها ( يمكن تمترها )
ويعرضون لك الفتاه باللبس اللي لو تثني ركبتها ان يتمزع لبسها
( يمكن تتصدق عليها ).
ويعرض لك بيوت وش زينها طبعاً هذا بيت الزوجيه للفتاه اياها وزوجها
( يمكن تصير انت ) .
=======================
امانه .. امانه فيه اسخف من كذا
يالله شباب همتكم ترى ماعندنا بنات وحريم في السعوديه ..
يالله هذا البرنامج سووه لنا مثل ماذكرت انهم تفاجئو في سوبر ستار
واللي ماهو مقتنع ( ليه يذكر الارقام او الجوائز بالريال السعودي )
اللي يقنعني .........راح اصوت
الله الله ياجماعه انتبهو على هذا الوقت انتبهو على انفسكم ..
لايشغلونكم الكفر باللي هم يبون ونترك (( فضائل شهر شعبان ))
وماهي صعبه كل اللي عليك وتسويه (Delete) وخلاص مسح
من الجذور .....
اللهم اني بلغت .....اللهم فاشهد...
--------------------
تقبلو تحياتي ..........والسلام
اخوكم في الله
الــعــاقــل
*a *a |
العرض العادي
