نبكي من الفرقا ويبكى علينا
كثر البكى مافاد نمر وسعدون
ننعا من الفرقا وينعى علينا
الدايم الله والمخاليق يفنون
ندفن ويدفن بالنهاية علينـــــا
ولاحي إلا بآخر العمر مدفون
نشكوا مصايبنا ويشكى علينا
ماينفع الشاكي واللي ليه يشكون
تنبهوا000 ترماوتاهم يجينا
خذوا زهاب الدرب قبل تمدون
يومٍ لنا الدنيا وحولٍ علينا
تمضي كما الأحلام وانتم تشوفون
نضحك بها كيف وتضحك علينا
تقول أنا هدام اللي له تعمرون
يما بها نركض ويما مشينا
وطول الأمل خلاك بالوقت مفتون
يما بها ندله ويما سلينا
ويما شربنا به من الهم وغبون
يما بها بعنا ويما شرينات
الربح ميه والخسارات مليون
باكر نخليها للي مكتفينا
نروح واللي من بعدنا يروحون
اللي خذا كتابه معه باليمينا
يفوز عند اللي له الخلق يرجون
واللي سقط يكتب مع الساقطينا
بموقف به راعي الدين مديون
تمت وصلوا عد وابل غشينا
على الشفيع اللي له الخير مضمون
للشاعر/ ضافي بن سبتي الشمري
تقبلوا تحيات أخوكم / بــــسـ 2002 ــــــام