يا أبو فهد ماشفتلي داعج العين
الي هدب عينه سبب ما جرالي
ياليتها عندي على الشرع والدين
هي غايتي في الناس أول وتالي
عينن هدبها يقسم القلب نصين
ومن باع روحه دونها مايبالي
سبحان ربن ياعلى كمل الزين
وأعطاه من كل الحسن والدلالي
الله يسقي دار سيد المحبين
ودايم على داره بروق الخيالي
هو سبه الي بالظماير مخفين
وحالي براه الود يابعد حالي
والقلب منها صايراً بين نارين
وعزي لقالباً لوعته الليالي
|